រាជធានីភ្នំពេញ ៖ ដោយសារសាលារាជធានីភ្នំពេញ បានដាក់ឱ្យដំណើរការនូវបណ្តាញលូមេមួយចំនួន ខណៈមានភ្លៀងធ្លាក់ខ្លាំងរយៈពេលជាង១ម៉ោង នៅរសៀលថ្ងៃនេះ
ពុំបណ្តាលឱ្យទឹកលិចធ្ងន់ធ្ងរដូចឆ្នាំមុនៗទៀតឡើយ
រាជធានីភ្នំពេញ ៖ ដោយសារសាលារាជធានីភ្នំពេញ បានដាក់ឱ្យដំណើរការនូវបណ្តាញលូមេមួយចំនួន ខណៈមានភ្លៀងធ្លាក់ខ្លាំងរយៈពេលជាង១ម៉ោង នៅរសៀលថ្ងៃនេះ
ពុំបណ្តាលឱ្យទឹកលិចធ្ងន់ធ្ងរដូចឆ្នាំមុនៗទៀតឡើយ នេះជាលទ្ធផលនៃការខិតខំប្រឹងប្រែងរបស់សាលារាជធានីភ្នំពេញ ។
ក្រោយពេលភ្លៀង ទីតាំងមិនលិចទឹក រួមមាន ផ្សារកណ្តាល ខាងមុខនិងខាងក្រោយព្រះបរមរាជវាំង ផ្លូវហ្សាដឺហ្គោល ផ្លូវសុខហុក អូរឫស្សី ផ្លូវលេខ១៦៣ខាងកើតពហុកីឡដ្ឋានជាតិអូឡាំពិក មហាវិថីព្រះសីហនុ មុខវត្តមហាមន្ត្រី មហាវិថីម៉ៅសេទុងមុខទូតចិន ផ្សារទួលទំពូង ផ្លូវមុខសាលាឥន្ទ្រទេវី ផ្សារមាន់អាំង មហាវិថីកម្ពុជាក្រោម ជុំវិញរមណីយដ្ឋានវត្តភ្នំ ផ្លូវត្រសក់ផ្អែម បឹងកេងកង… ទីតាំងទាំងអស់ខាងលើនេះពេលភ្លៀងខ្លាំងពុំបណ្តាលឱ្យលិចនោះទេ ។
ចំណែកតំបន់លិចទឹកស្រាល រួមមាន ស្តុបផ្សារដេប៉ូ និងផ្លូវលេខ៤៧ខាងជើងវត្តភ្នំ ។ ទីតាំងលិចទឹក២កន្លែងនេះ តាមការសិក្សាគម្រោងរបស់មន្ទីរសាធារណការ និងដឹកជញ្ជូន និងសាលារាជធានីភ្នំពេញ នឹងដាក់លូដើម្បីរំដោះទឹកលិច តាមផ្លូវលេខ៣៣៦ និងផ្លូវលេខ៩០ ក្នុងពេលឆាប់ៗនេះ ៕
ព័ត៌មានពិស្តារមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ