ត្រីមាសដំបូងឆ្នាំនេះថៃនាំចេញសាច់មាន់កើន20%
បាងកក ៖ ការនាំចេញសាច់មាន់ស្រស់នៅក្នុងត្រីមាសទី១ឆ្នាំនេះ របស់ប្រទេសថៃបានកើនទ្បើង២០% ឬស្មើនឹង១៤០.០០០តោនធៀបនឹងអំទ្បុងពេលដូចគ្នា កាលពីឆ្នាំ២០១៤ ។
បាងកក ៖ ការនាំចេញសាច់មាន់ស្រស់នៅក្នុងត្រីមាសទី១ឆ្នាំនេះ របស់ប្រទេសថៃបានកើនទ្បើង២០% ឬស្មើនឹង១៤០.០០០តោនធៀបនឹងអំទ្បុងពេលដូចគ្នា កាលពីឆ្នាំ២០១៤ ។ ចំណែកទំហំទឹកប្រាក់នាំចេញសម្រេចបានចំនួន៥៦៧លានដុល្លារ ឬកើនទ្បើង៨,៣% ។
លោក Nanthawan Sakuntanak អគ្គនាយកនៃអគ្គនាយកដ្ឋានផ្សព្វផ្សាយពាណិជ្ជកម្មផ្ទៃក្នុង បានឱ្យដឹងថា ទីផ្សារសំខាន់នៃការនាំចេញសាច់មាន់រួមមាន ជប៉ុន អង់គ្លេស ហូទ្បង់ ទ្បាវ និងសិង្ហបុរី ។ រីឯទីផ្សារដែលមានកំណើនខ្ពស់ឆ្នាំនេះ គឺអាហ្វ្រិកខាងត្បូង ម៉ាទ្បេស៊ី និងកម្ពុជា ដែលអតិថិជនមានការជឿជាក់ចំពោះការបង្កើនផលបសុសត្វ និងកសិកម្មរបស់ថៃ ស្របតាមបទដ្ឋានអន្តរជាតិ ក៏ដូចជាមានពលករជំនាញផងដែរ ។
ប្រទេសថៃរំពឹងថា នឹងនាំចេញសាច់មាន់ឱ្យបានក្នុងរង្វង់៦២០.០០០តោនឆ្នាំនេះ ដែលកើនទ្បើង៥% ធៀបនឹងឆ្នាំ២០១៤ ក្នុងទំហំទឹកប្រាក់២,៥៧ពាន់លានដុល្លារ ។ មួយវិញទៀត កត្តាដែលនាំឱ្យមានកំណើនរួមមានការនាំចូលសាច់មាន់ស្រស់របស់ជប៉ុន បញ្ហាដែលពាក់ព័ន្ធនឹងផលិតផលសាច់មាន់នៅក្នុងបណ្តាប្រទេសជិតខាងជាច្រើន ហើយគួបផ្សំនឹងការបង្អន់ល្បឿនក្នុងទីផ្សារធំៗ ។ ទោះជាយ៉ាងណា ថៃនឹងនាំចេញផលិតផលសាច់មាន់ទៅកូរ៉េខាងត្បូងក្នុងខែមិថុនា ខាងមុខនេះ ៕
ចែករំលែកព័តមាននេះ