ខេត្តកំពត ៖ យ៉ាងហោចណាស់មនុស្ស៧នាក់ រងរបួសធ្ងន់-ស្រាល និងស្លា.ប់ម្នាក់ ដោយឧប្បត្តិហេតុគ្រោះថ្នាក់ចរាចរណ៍រថយន្តបុកគ្នាលើកំណាត់ផ្លូវជាតិលេខ៣ កំពត-ភ្នំពេញ មុខខ្លោងទ្វារវត្តល្អាង ស្ថិតក្នុងភូមិល្អាង ឃុំល្អាង ស្រុកដងទង់ កាលពីវេលាម៉ោង
ខេត្តកំពត ៖ យ៉ាងហោចណាស់មនុស្ស៧នាក់ រងរបួសធ្ងន់-ស្រាល និងស្លាប់ម្នាក់ ដោយឧប្បត្តិហេតុគ្រោះថ្នាក់ចរាចរណ៍រថយន្តបុកគ្នាលើកំណាត់ផ្លូវជាតិលេខ៣ កំពត-ភ្នំពេញ មុខខ្លោងទ្វារវត្តល្អាង ស្ថិតក្នុងភូមិល្អាង ឃុំល្អាង ស្រុកដងទង់ កាលពីវេលាម៉ោង៤រសៀលថ្ងៃទី២៩ មេសា ២០១៥ ។
តាមសាក្សីនៅក្បែរកន្លែងកើតហេតុបាននិយាយថា មុនពេលកើតហេតុ រថយន្តកូរ៉េចំណុះមួយតោនកន្លះ បើកបរក្នុងល្បឿនលឿនមានមនុស្សជិះ៣នាក់ទាំងអ្នកបើកបរ ទិសដៅពីកើតទៅលិច លុះមកដល់ចំណុចកើតហេតុមានរថយន្តដឹកអេស្កាវ៉ាទ័របើកថយកាត់ទទឹងផ្លូវជាតិ ពេលនោះរថយន្តកូរ៉េ ដែលបើកបរតាមបណ្តោយផ្លូវត្រង់ ក៏បានគេចចេញពីរថយន្តដឹកអេស្កាវ៉ាទ័រនោះផុតពីទ្រូងផ្លូវ ស្រាប់តែរថយន្តសាំយ៉ុងដឹកអ្នកដំណើរកំពុងមានល្បឿនលឿនផង មកដល់ចំណុចដែលរថយន្តកូរ៉េគេចនោះ ក៏បុកគ្នាពេញទំហឹងលាន់ស្នូរដូចរន្ទះក្រទ្បាប់រថយន្តកូរ៉េផ្ងារជើងទ្បើងលើ ចំណែករថយន្តសាំយ៉ុងខ្ទាតចម្ងាយជិត១០ម៉ែត្រពីរថយន្តកូរ៉េ ខូចអស់មួយចំហៀងមុខខាងស្តាំ និងបណ្តាលឱ្យអ្នកជិះអែបអ្នកបើកបរ២នាក់រងរបួសធ្ងន់ ដឹកដល់មន្ទីរពេទ្យស្លាប់ស្រីម្នាក់ ចំណែកអ្នកបើកបរទាំងសងខាងរងរបួសស្រាល អ្នកដំណើរនិងព្រូរថយន្ត៤នាក់ទៀត រងរបួសស្រាល ។
ប្រភពដដែលបានបន្តថា ក្រោយពេលកើតហេតុ នគរបាលស្រុកដងទង់មកដល់កន្លែងកើតហេតុ និងបញ្ជូនអ្នករងរបួសទាំងអស់ទៅកាន់មន្ទីរពេទ្យ ដើម្បីជួយសង្គ្រោះ តែជាអកុសលអ្នកដំណើរជាស្ត្រីចំណាស់ម្នាក់បានស្លាប់បាត់បង់ជីវិតនៅពេលបញ្ជូនទៅដល់មន្ទីរពេទ្យដោយរបួសធ្ងន់ធ្ងរពេក ហើយក៏ដឹកទៅកាន់លំនៅឋានប្រគល់ឱ្យក្រុមគ្រួសារធ្វើបុណ្យតាមប្រពៃណី។ រថយន្តទាំង២គ្រឿងនគរបាលស្រុកដងទង់ បានស្ទូចយកមករក្សាទុកនៅប៉ុស្តិ៍រដ្ឋបាលឃុំល្អាងដោះស្រាយតាមផ្លូវច្បាប់នៅពេលក្រោយ ៕
ចែករំលែកព័តមាននេះ