រថយន្ត Luxus 570 បុកគោយន្តនិងរេទៅប៉ះរថយន្តក្រុង បង្កការកកស្ទះនៅកំណាត់ផ្លូវជាតិលេខ៤
ខេត្តព្រះសីហនុ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា រថយន្តLuxus 570 មួយគ្រឿង បានបុកគោយន្តនិងរេ
ខេត្តព្រះសីហនុ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា រថយន្តLuxus 570 មួយគ្រឿង បានបុកគោយន្តនិងរេចង្កូតទៅប៉ះរថយន្តក្រុងមួយគ្រឿងទៀត បង្កឲ្យមានការកកស្ទះចរាចរណ៍នៅកំណាត់ផ្លូវជាតិលេខ៤ ត្រង់ចំណុចទឹកសាប ស្ថិតក្នុងឃុំរាម ស្រុកព្រៃនប់ ។
សេចក្តីរាយការណ៍បឋមបានបញ្ជាក់ទៀតថា ក្នុងហេតុការណ៍គ្រោះថ្នាក់ចរាចរណ៍នៅម៉ោង៤និង៤០នាទីរសៀលថ្ងៃទី០៨ មីនា ២០១៥ខាងលើនេះដែរ បានបណ្តាលឲ្យមនុស្សម្នាក់ដែលនៅក្នុងរថយន្ត Luxus 570រងរបួសធ្ងន់កៀបជាប់ក្នុងរថយន្ត ហើយនៅពេលនេះសមត្ថកិច្ចកំពុងតែគាស់យកអ្នករបួសនិងសម្រួលចរាចរណ៍ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ