ខេត្តកណ្តាល ៖ យ៉ាងហោចណាស់មនុស្ស៥នាក់បានស្លា.ប់ ដោយសារគ្រោះថ្នាក់ចរាចរណ៍៣ករណីផ្សេងគ្នានៅក្នុងភូមិសាស្ត្រខេត្តកណ្តាលចាប់ពីរសៀលថ្ងៃទី១៧ ធ្នូដល់ពេលយប់
ខេត្តកណ្តាល ៖ យ៉ាងហោចណាស់មនុស្ស៥នាក់បានស្លាប់ ដោយសារគ្រោះថ្នាក់ចរាចរណ៍៣ករណីផ្សេងគ្នានៅក្នុងភូមិសាស្ត្រខេត្តកណ្តាលចាប់ពីរសៀលថ្ងៃទី១៧ ធ្នូដល់ពេលយប់ ក្នុងនោះមានមួយករណីពិតជារន្ធត់ និងសោកសង្រេង គឺប្តី ប្រពន្ធ និងកូនជិះម៉ូតូឌុបគ្នាទៅបុណ្យបានបុកជាមួយរថយន្តបណ្តាលឱ្យស្លាប់ទាំង៣នាក់។
ហេតុការណ៍ប្តី ប្រពន្ធ និងកូនជិះម៉ូតូបុកគ្នាជាមួយរថយន្តបានកើតឡើងកាលពីវេលាម៉ោង៤ និង៤០នាទីរសៀល ថ្ងៃទី១៧ មករា ២០១៥ នៅលើផ្លូវជាតិលេខ៨ ស្ថិតក្នុងភូមិរកាជន្លឹង ឃុំពុកប្ញស្សី ស្រុកខ្សាច់កណ្តាល។ នគរបាលចរាចរណ៍ខេត្តកណ្តាលបានឱ្យដឹងថា ជនរងគ្រោះទាំង៣នាក់ជិះម៉ូតូC១០០កូរ៉េ ពណ៌ស្លាទុំ បានបុកជាមួយរថយន្តម៉ាកសាំងយ៉ុង ពាក់ស្លាកលេខភ្នំពេញ២W៨០៦៤ ។
ករណីទី២កើតឡើងកាលពីវេលាម៉ោង១០ និង១៥នាទីយប់ នៅភូមិត្រពាំងក្រសាំង ឃុំបែកចាន ស្រុកអង្គស្នួល នៅចំណុចចន្លោះគីឡូម៉ែត្រលេខ២០-២១។ ករណីនេះបណ្តាលឱ្យបុរសម្នាក់ ឈ្មោះនួន ណាត អាយុ២៨ឆ្នាំ ស្លាប់ភ្លាមៗដោយសារជិះម៉ូតូម៉ាកហុងដាឌ្រីម C១២៥ ពណ៌ខ្មៅ ទៅបុកពីក្រោយរថយន្តធុនធំមួយគ្រឿង ពាក់ស្លាកលេខភ្នំពេញ៣C៤៣៤៥ ។
ករណីទី៣ កើតឡើងកាលពីវេលាម៉ោង១១ និង១០នាទីយប់ ថ្ងៃទី១៧ មករា នៅលើផ្លូវជាតិលេខ២ ស្ថិតក្នុងភូមិដើមគរ សង្កាត់ដើមមៀន ក្រុងតាខ្មៅ។ ជនរងគ្រោះជិះម៉ូតូម់ាកស្មាស់ ពណ៌ខ្មៅ ពាក់ស្លាកលេខភ្នំពេញ១BJ៤៦៧៧ តាមផ្លូវជាតិលេខ២ ក្នុងទិសដៅពីជើងទៅត្បូងក្នុងល្បឿនលឿន ពេលដល់កន្លែងកើតហេតុជាផ្លូវកោងខ្លាំងបានជ្រុលឡើងលើខឿន ហើយជ្រុលទៅប៉ះបង្គោលភ្លើង និងជ្រុលទៅបុករបងថ្មបណ្តាលឱ្យដួលបោកក្បាលស្លាប់ភ្លាមៗតែម្តង៕
ចែករំលែកព័តមាននេះ