មកពីនិយាយចំពេក !
និយាយពិត និយាយត្រង់ពេក… អត់សូវល្អទេ សម័យកាលនេះ ជាពិសេសនៅតាមបណ្តាខេត្តខ្លះនោះ ។ បើឃើញរដ្ឋអំណាចខេត្តប្រមូលខុសប្រក្រតី កុំសូវនិយាយចំពេក
និយាយពិត និយាយត្រង់ពេក… អត់សូវល្អទេ សម័យកាលនេះ ជាពិសេសនៅតាមបណ្តាខេត្តខ្លះនោះ ។ បើឃើញរដ្ឋអំណាចខេត្តប្រមូលខុសប្រក្រតី កុំសូវនិយាយចំពេក… កុំនិយាយរឿងដែលឯកឧត្តម «រសើប» ព្រោះឯកឧត្តមមួយៗខ្លះនោះមានរឿងរសើ់ប«ច្រើន» ។
មានឯកឧត្តមមហិមាមួយនោះនៅខេត្តជាប់រាជធានីភ្នំពេញ មានរឿង «រសើបច្រើន» គួរសម ។ ថ្ងៃមួយនោះកោះសន្តិភាពទៅថតយកព័ត៌មាន…គ្រាន់តែឃើញភ្លាម គាត់ថា «ពួកអាប្រឆាំងម៉ោហើយ!»… ហេ ! ហេ !…
ភ្នាក់ងារកោះសន្តិភាពប្រាប់មកអាឡេវថា គាត់ហៅខ្ញុំថា «ពួកអាប្រឆាំង» ខ្ញុំអត់ឮទេ… ប៉ុន្តែមន្ត្រីដែលទៅហែហមគាត់ជាអ្នកប្រាប់មកខ្ញុំ… ហើយពួកគេសើចដាក់ខ្ញុំ ។
គេហៅអីចឹង ! អត់ខុសទេ… បើឮហើយត្រូវតែរញឹមដាក់គាត់… ស្វាគមន៍គាត់ដោយសុភាពផង… ។ តោងដឹងថា កាលណាយើងសរសើរគាត់ ទើបគេហៅថា «គ្នាគាត់» ឬ «គ្នាឯង» ។ បើយើងនិយាយពិតពេក… មិនជួយលាក់បាំងរឿងគាត់ ឬមិនជួយលើកខោឱ្យគាត់ គេហៅថា «ពួកអាប្រឆាំង» អីចឹង… ពិតជាត្រឹមត្រូវផង់គេហើយ…កុំខឹង !
ល្មមគាត់ខឹងដែរ… ចៅហ្វាយខេត្តមុន លក់ខ្ទេច លក់ខ្ទី លក់បឹង លក់បេនឡាន ។ល។ ចៅហ្វាយខេត្តទៅក្រោយ… ជួយរុញថែម… ឱ្យវាឆាប់ចប់ ។ ហៅអ្នកទិញមកជួយស្លៀកខោឱ្យ… ជួយការងារអ្នកទិញឱ្យដល់គោលដៅ… ងាប់រាស្ត្រណា… ងាប់ទៅ…
មកពីនិយាយចំពេក ទើបគេហៅថា «ពួកអាប្រឆាំង»…ហេ ! ហេ !
អាឡេវ
ចែករំលែកព័តមាននេះ