អតីត«ជើងខ្លាំង»
មួយឆ្នាំកន្លងផុតទៅជើងខ្លាំងទាំងឡាយស្ថិតក្នុងអារម្មណ៍មហាជននៅឡើយ ។ សូមកុំឱ្យ «ជើងខ្លាំង» ទាំងនោះមកស្ថិតក្នុងឆ្នាំថ្មី «ដែលនាំចង្រៃ នាំឧបទ្រពដល់សង្គម»
មួយឆ្នាំកន្លងផុតទៅជើងខ្លាំងទាំងឡាយស្ថិតក្នុងអារម្មណ៍មហាជននៅឡើយ ។ សូមកុំឱ្យ «ជើងខ្លាំង» ទាំងនោះមកស្ថិតក្នុងឆ្នាំថ្មី «ដែលនាំចង្រៃ នាំឧបទ្រពដល់សង្គម» ។
ជួយពិចារណាផង តើជើងខ្លាំងអ្វីខ្លះ ទៅក្នុងឆ្នាំកន្លងអ្នកអានបានទូរស័ព្ទប្រាប់អាឡេវម្តងៗថា «ជើងខ្លាំង» ពីអតីតកាលដែលមិនអាចបំភ្លេចបានមាន ៖ ជើងខ្លាំងជួញឈើប្រណីត… ជើងខ្លាំងកាប់ព្រៃស្រោង… ជើងខ្លាំងគេចពន្ធ… ជើងខ្លាំងជួញគ្រឿងញៀន… ដែលចាប់បានតែពុកមាត់ ពុកចង្កា អាឆោមៗ នៅអាដែល… ជើងខ្លាំងយកបានដីធំៗ ក្នុងរាជធានី… ជើងខ្លាំងខាងបាញ់សេរី… ជើងខ្លាំងកាស៊ីណូ… ដែលខ្មែរចូលលេងតាមចិត្ត… ជើងខ្លាំងទទួលម៉ៅការសាងសង់… ស្ថាបនាអត់ដេញថ្លៃ… ជើងខ្លាំងប្រមូលទិញអចលនទ្រព្យរដ្ឋ… ជើងខ្លាំងខាងជាប់គុក… មានសំណាងសរសេរសារណា… ដឹកចេញកន្លះឡាន… ជើងខ្លាំងខាងប្រព្រឹត្តិបទល្មើស «ឈ្នះបានដី…ចាញ់បានប្រាក់»… ជើងខ្លាំងរំលោភយករ៉ែមាស រ៉ែថ្មម៉ាប អត់បាច់មានច្បាប់… ជើងខ្លាំងស្ថិតនៅក្រៅច្បាប់… ដែលវាមួយនេះមានគ្រប់សម័យកាល… «ជើងខ្លាំង» រាប់ត្រួសៗនេះ ជាមេរោគពុករលួយ… មែនហើយ… កុំឆ្ងល់…អាឡេវ
ចែករំលែកព័តមាននេះ