វិនិយោគិនថៃសម្លឹងឃើញទីផ្សារភេសជ្ជៈនៅវៀតណាម
ហាណូយ ៖ តាមការពិនិត្យពាណិជ្ជកម្មអន្តរជាតិ ទីផ្សារភេសជ្ជៈ និងអាហាររបស់ប្រទេសវៀតណាមមានអត្រាកំណើនប្រចាំឆ្នាំ៩,៤៣% រីឯការលក់ភេសជ្ជៈជាប្រភេទទឹកសូដាកើនឡើង៦,៩% ។
ហាណូយ ៖ តាមការពិនិត្យពាណិជ្ជកម្មអន្តរជាតិ ទីផ្សារភេសជ្ជៈ និងអាហាររបស់ប្រទេសវៀតណាមមានអត្រាកំណើនប្រចាំឆ្នាំ៩,៤៣% រីឯការលក់ភេសជ្ជៈជាប្រភេទទឹកសូដាកើនឡើង៦,៩% ។
ហាណូយ ៖ តាមការពិនិត្យពាណិជ្ជកម្មអន្តរជាតិ ទីផ្សារភេសជ្ជៈ និងអាហាររបស់ប្រទេសវៀតណាមមានអត្រាកំណើនប្រចាំឆ្នាំ៩,៤៣% រីឯការលក់ភេសជ្ជៈជាប្រភេទទឹកសូដាកើនឡើង៦,៩% ។
លោកស្រី Ho Thi Kim Thoa អនុរដ្ឋមន្ត្រីឧស្សាហកម្ម និងពាណិជ្ជកម្មបានថ្លែងថា ការមើលឃើញនៅថ្ងៃអនាគតនៃឧស្សាហកម្មនេះពិតជាមានភាពរុងរឿង ដោយសារតែភេសជ្ជៈ គឺជាគ្រឿងសម្រាប់ប្រើប្រាស់ក៏ដូចជាទទួលទានប្រចាំថ្ងៃ ។ ដូច្នេះ វាត្រូវបានគេព្យាករថា ការលក់នៅឆ្នាំ២០១៦ ខាងមុខនឹងបង្ហាញពីកំណើន២%បន្ថែមទៀត ។ កត្តាទាំងនោះហើយទើបថ្មីៗនេះមានបណ្តាវិនិយោគិនបរទេសជាច្រើនបានផ្តោតខ្សែចក្ខុលើក្រុមហ៊ុនភេសជ្ជៈជាច្រើនរបស់វៀតណាម ពិសេសក្រុមហ៊ុន Thai Bev របស់មហាសេដ្ឋីលំដាប់ទី៣ ក្នុងប្រទេសថៃតែម្តង ដែលបានបង្ហាញចំណាប់អារម្មណ៍ទិញហ៊ុនវិនិយោគមួយភាគធំរបស់ក្រុមហ៊ុនជីវកម្មភេសជ្ជៈក្រុងសៃហ្គន (Saigon Beverage Corporation) ។ ក្នុងនោះភាគី Thai Bev បានវាយតម្លៃទឹកប្រាក់ប្រមាណជា២ពាន់លានដុល្លារដែលនឹងត្រូវចំណាយក្នុងការបណ្តាក់ទុនរកស៊ីជាមួយនឹង Sabeco របស់វៀតណាម ។
លើសពីនេះទៅទៀត មហាសេដ្ឋីទី៣ថៃក៏មានបំណងគ្រប់គ្រងភាគហ៊ុនមួយផ្នែកធំនៅក្នុងក្រុមហ៊ុនផលិតទឹកដោះគោលំដាប់កំពូល Vinamilk របស់វៀតណាមផងដែរ ។ ចំណែក លោក Tran Bao Minh អ្នកឯកទេសទីផ្សារបានលើកឡើងថា នៅទូទាំងប្រទេសវៀតណាម Vinamilk និង Sabeco គឺជាក្រុមហ៊ុនឈានមុខគេ តាមផ្នែករបស់ពួកគេ ហេតុដូច្នេះហើយបានជាបណ្តាអ្នកវិនិយោគបរទេសដាក់ទិសដៅលើក្រុមហ៊ុនទាំងនោះ ដោយសារពួកគេចង់ដើរលើផ្លូវកាត់ទៅរកទីផ្សារវៀតណាម ៕
ចែករំលែកព័តមាននេះ