អាជ្ញាធរខណ្ឌមីណាតូ ក្រុងតូក្យូ ប្រទេសជប៉ុន បានស្នើសេចក្តីព្រាងច្បាប់មួយជួយកាត់បន្ថយការចំណាយសម្រាប់ក្រុមគ្រួសារដែលមានកូនស្រីលើសពី១នាក់ដោយបញ្ជាក់ថា កូនទី២ នឹងទទួលសិទ្ធិលើសេវាកម្មដោយឥតគិតថ្លៃនៅក្នុងមជ្ឈមណ្ឌលចិញ្ចឹមកុមារ និងសាលាមត្តេយ្យ រួមទាំងមានសិទ្ធិរៀនឥ
អាជ្ញាធរខណ្ឌមីណាតូ ក្រុងតូក្យូ ប្រទេសជប៉ុន បានស្នើសេចក្តីព្រាងច្បាប់មួយជួយកាត់បន្ថយការចំណាយសម្រាប់ក្រុមគ្រួសារដែលមានកូនស្រីលើសពី១នាក់ដោយបញ្ជាក់ថា កូនទី២ នឹងទទួលសិទ្ធិលើសេវាកម្មដោយឥតគិតថ្លៃនៅក្នុងមជ្ឈមណ្ឌលចិញ្ចឹមកុមារ និងសាលាមត្តេយ្យ រួមទាំងមានសិទ្ធិរៀនឥតបង់ថ្លៃរហូតដល់ថ្នាក់បឋមសិក្សាឆ្នាំទី៣ ។
តាមរបាយការណ៍កាលពីថ្ងៃទី២២ វិច្ឆិកា ២០១៤ ផ្សាយថា អាជ្ញាធរខណ្ឌមីណាតូបានដាក់សំណើនេះក្នុងគោលបំណងជំរុញអត្រាកំណើនដោយបញ្ជាក់ថា កូនទី២ របស់ក្រុមគ្រួសារដែលរស់នៅក្នុងខណ្ឌនេះ នឹងបានទទួលសិទ្ធិចូលក្នុងមជ្ឈមណ្ឌលចិញ្ចឹមកុមារ និងសាលាមត្តេយ្យ ដោយមានលិខិតអនុញ្ញាតស្របច្បាប់ទាំងរដ្ឋ និងឯកជនដោយមិនបាច់បង់ថ្លៃ និងរៀនដោយមិនបង់ថ្លៃរហូតដល់ថ្នាក់បឋមសិក្សាឆ្នាំទី៣ ។
សំណើនេះ គឺមានគោលបំណងជួយកាត់បន្ថយការចំណាយរបស់ឪពុកម្តាយ រួមទាំងទ្រទ្រង់លើការមានកូនដើម្បីបង្កើនចំនួនពលរដ្ឋនៅក្នុងប្រទេស ។
លើសពីនេះ នៅក្នុងរបាយការណ៍បានបញ្ជាក់ទៀតថា ប្រាក់ឧបត្ថម្ភមួយផ្នែកដែលអាជ្ញាធរយកមកចំណាយលើករណីនេះ គឺបានទទួលពីការដំឡើងថ្លៃសេវាកម្មក្នុងមជ្ឈមណ្ឌលចិញ្ចឹមកុមារសម្រាប់ក្រុមគ្រួសារមានទ្រព្យសម្បត្តិស្តុកស្តម្ភទៅចំណាយលើគ្រួសារដែលមានជីវភាពទន់ខ្សោយ ។ នៅដំណាក់កាលដំបូងគេរំពឹងថា សេចក្តីព្រាងច្បាប់នេះនឹងត្រូវបានដាក់យកទៅពិភាក្សានៅក្នុងកិច្ចប្រជុំសភាក្រុងនៅសប្តាហ៍ក្រោយ និងព្យាករណ៍ថា នឹងចូលជាធរមាននៅដំណាច់ឆ្នាំ២០១៤ ខណៈពេលក្រុងតូក្យូមានខណ្ឌដែលយកច្បាប់ប្រភេទនេះមកប្រើចំនួន២៣ខណ្ឌរួចមកហើយ ៕
ចែករំលែកព័តមាននេះ