Prediabetes ឬដំណាក់កាលមុនកើតជំងឺទឹកនោមផ្អែម គឺជាការកើនឡើងនូវកម្រិតជាតិស្ករក្នុងឈាមខ្ពស់ លើសពីកម្រិតធម្មតា ប៉ុន្តែមិនទាន់ឈានចូលដល់ដំណាក់កាលជំងឺទឹកនោមផ្អែមពេញទីនោះទេ ។ វេជ្ជបណ្ឌិតជំនាញបញ្ជាក់ថា នេះជាសញ្ញាប្រកាសអាសន្នមួយដែលបុគ្គលទាំងឡាយ គួរផ្លាស់ប្តូរបែបបទនៃការរស់នៅ ដ្បិតបើពុំដូច្នេះទេ រយៈពេលពី៥ទៅ១០ឆ្នាំក្រោយ គេនឹងកើត
Prediabetes ឬដំណាក់កាលមុនកើតជំងឺទឹកនោមផ្អែម គឺជាការកើនឡើងនូវកម្រិតជាតិស្ករក្នុងឈាមខ្ពស់ លើសពីកម្រិតធម្មតា ប៉ុន្តែមិនទាន់ឈានចូលដល់ដំណាក់កាលជំងឺទឹកនោមផ្អែមពេញទីនោះទេ ។ វេជ្ជបណ្ឌិតជំនាញបញ្ជាក់ថា នេះជាសញ្ញាប្រកាសអាសន្នមួយដែលបុគ្គលទាំងឡាយ គួរផ្លាស់ប្តូរបែបបទនៃការរស់នៅ ដ្បិតបើពុំដូច្នេះទេ រយៈពេលពី៥ទៅ១០ឆ្នាំក្រោយ គេនឹងកើតជំងឺទឹកនោមផ្អែមជាមិនខាន ។
បុគ្គលដែលដឹងខ្លួនថា កើត Prediabetes គួរអនុវត្តដូចខាងក្រោម ៖
១-បញ្ចុះទម្ងន់ខ្លួនពី៥-១០%
ប្រសិនអស់លោកអ្នកជាមនុស្សធាត់ខ្លាំង ការបញ្ចុះទម្ងន់ គឺជាគន្លឹះសំខាន់ប្តូរហានិភ័យឱ្យស្ថិតក្រោមការគ្រប់គ្រង ។ ការសិក្សាស្រាវជ្រាវបានរកឃើញថា ការបញ្ចុះត្រឹម៥ទៅ១០%នៃទម្ងន់ខ្លួនសរុប គឺគ្រប់គ្រាន់ធ្វើឱ្យកម្រិតស្ករក្នុងឈាមត្រឡប់មកភាពធម្មតាវិញ ហើយអាចបញ្ចៀសការកើតជំងឺទឹកនោមផ្អែម ឬយ៉ាងហោចណាស់ក៏អាចពន្យារពេលកើតបានផងដែរ។ មួយវិញទៀត របបអាហារទទួលទានប្រចាំថ្ងៃ និងការហាត់ប្រាណជាប្រចាំក៏ជាកត្តាដែលមិនអាចខ្វះបានដែរ ។ ចូរកំណត់បរិមាណទទួលទាន កាត់បន្ថយអាហារសម្បូរកាឡូរី អាហារមានខ្លាញ់ច្រើន អាហារមានផ្ទុកកាបូអុីដ្រាតច្រើន ជាពិសេស ផ្អាកការទទួលទានអាហារផ្អែមដោយស្ករគ្រប់ប្រភេទ ។ ជំនួសមកវិញ គេគួរទទួលទាន បណ្តាបន្លែ ផ្លែឈើ គ្រាប់ធញ្ញជាតិ និងប្រភពប្រូតេអុីនសុទ្ធ ។
២-ចាប់យកការហាត់ប្រាណជាទម្លាប់
ដឹកនាំជីវិតដែលពោរពេញដោយសកម្មភាព គឺជាកិច្ចការចាំបាច់ ។ ចូរហាត់ប្រាណបង្កើនចង្វាក់បេះដូង មានដូចជា ដើរ ជិះកង់ ឬហែលទឹក ឱ្យបាន៣០នាទី ៥ថ្ងៃក្នុង១សប្តាហ៍។ បន្ថែមពីនេះទៀត គេអាចហាត់ប្រាណបង្កើនកម្លាំងសាច់ដុំ តួយ៉ាងដូចជាលើកទម្ងន់ឱ្យបានយ៉ាងហោចណាស់២ដងក្នុង១សប្តាហ៍ ។ការហាត់ប្រាណ គឺជួយបង្កើតសាច់ដុំ ហើយបន្ទាប់មកធ្វើឱ្យថយចុះកម្រិតស្ករក្នុងឈាម និងដុតបំផ្លាញកាឡូរីបានកាន់តែច្រើន ។
៣-ផ្តាច់បារី
ការជក់បារីត្រូវគេរកឃើញថា បានជាប់ពាក់ព័ន្ធយ៉ាងជិតស្និទ្ធបំផុតនឹងជំងឺទឹកនោមផ្អែម។ បុគ្គលដែលជក់បារី គឺ៣០%ទៅ៤០%ប្រឈមកើតជំងឺទឹកនោមផ្អែមប្រភេទ២ធៀបនឹងបុគ្គលមិនជក់ ។ ចំណែកបុគ្គលកើតជំងឺទឹកនោមផ្អែម ដែលនៅតែបន្តការជក់ គឺប្រឈមនឹងការកើតមានមានលក្ខខណ្ឌស្មុគស្មាញនានា ក្នុងនោះមានដូចជា កើតជំងឺបេះដូង និងងងឹតភ្នែកជាដើម។ ដូច្នេះ ផ្តាច់បារីបានឆាប់ គឺកាន់តែល្អប្រសើរចំពោះសុខភាព ៕
ចែករំលែកព័តមាននេះ