ការសិក្សាស្រាវជ្រាវថ្មីមួយធ្វើឡើងដោយសមាគមជំងឺមហារីកចក្រភពអង់គ្លេសបានរកឃើញថា ស្ត្រីវ័យចាប់ពី៥០ឆ្នាំឡើងទៅដែលខកខានការពិនិត្យស្បូនតាមក្បួនវេជ្ជសាស្ត្រ-Smear Tests (ជាការធ្វើតេស្ត ដែលកោសិកាមាត់ស្បូនត្រូវបានគេយកចេញទៅពិនិត្យរកជំងឺផ្សេងៗ)ជួបឱកាសកើតមានជំងឺផ្សេងៗជាពិសេសជំងឺមហារីកមាត់ស្បូនខ្ពស់ដល់ទៅ៦ដងធៀបទៅនឹងស្ត្រីដែលពិនិត្យជាទៀងទាត់ ។
ការសិក្សាស្រាវជ្រាវថ្មីមួយធ្វើឡើងដោយសមាគមជំងឺមហារីកចក្រភពអង់គ្លេសបានរកឃើញថា ស្ត្រីវ័យចាប់ពី៥០ឆ្នាំឡើងទៅដែលខកខានការពិនិត្យស្បូនតាមក្បួនវេជ្ជសាស្ត្រ-Smear Tests (ជាការធ្វើតេស្ត ដែលកោសិកាមាត់ស្បូនត្រូវបានគេយកចេញទៅពិនិត្យរកជំងឺផ្សេងៗ)ជួបឱកាសកើតមានជំងឺផ្សេងៗជាពិសេសជំងឺមហារីកមាត់ស្បូនខ្ពស់ដល់ទៅ៦ដងធៀបទៅនឹងស្ត្រីដែលពិនិត្យជាទៀងទាត់ ។
ការពិនិត្យទៅលើទិន្នន័យស្ត្រីកើតមហារីកមាត់ស្បូនចំនួន១៣៤១នាក់អាយុពី៦៥ឆ្នាំដល់៨៣ឆ្នាំនិងស្ត្រីគ្មានជំងឺមហារីកនេះចំនួន២៦៤៦ ចន្លោះពីឆ្នាំ២០០៧ដល់២០១២បានបង្ហាញថា អ្នកដែលគេចវេះការពិនិត្យស្បូនតាមក្បួនពេទ្យ -Smear Tests-នៅចន្លោះអាយុពី៥០ឆ្នាំទៅ៦៤ឆ្នាំ ក្នុង១ពាន់នាក់គឺមាន៤៩នាក់កើតមហារីកមាត់ស្បូនពេលឈានចូលដល់វ័យ៦៥ឆ្នាំឡើងទៅ ។
សាស្ត្រាចារ្យ Julietta Patrick នាយកកម្មវិធី NHS Cancer Screening បានថ្លែងថា៖«បណ្តាស្ត្រីគួរតែពិនិត្យរកជំងឺមហារីកមាត់ស្បូនតាមរយៈការថតស្រ្គីនឱ្យបានទៀងទាត់ ។ ភាពមិនប្រក្រតីណាមួយដែលត្រូវបានរកឃើញអំឡុងការពិនិត្យនោះ អាចត្រូវបានព្យាបាលជាបន្ទាប់ភ្លាមៗក្នុងគោលបំណងទប់ស្កាត់ការវិវិឌ្ឍទៅជាជំងឺមហារីក ។ នៅកន្លែងដែលរោគសញ្ញាជំងឺមហារីកមាត់ស្បូនត្រូវបានរកឃើញតាមរយៈការថតស្រ្គីន ជាធម្មតា វាស្ថិតក្នុងដំណាក់កាលដំបូងនៅឡើយ ហើយដែលការព្យាបាលគឺមានឱកាសជាសះស្បើយច្រើន ។ វាគឺជារឿងសំខាន់ដែលបណ្តាស្រ្តីគួរយល់ដឹងពីចំណុចនេះ ហើយសម្រេចចិត្ត ថាតើនៅពេលណាដែលខ្លួនគួរទៅពិនិត្យស្បូន»។
ក្នុងពេលដំណាលគ្នា ការសិក្សាមួយរបស់អ្នកវិទ្យាសាស្ត្រប្រទេសស៊ុយអែតទៅលើស្ត្រី១៥ម៉ឺន ៨៨៣នាក់បានបង្ហាញថា ខណៈដែលការពិនិត្យស្បូនជួយទប់ស្កាត់ករណីជាច្រើន នៃការស្លាប់ពីជំងឺមហារីក ប៉ុន្តែអ្នកដែលទទួលការព្យាបាលជំងឺ cervical dysplasia (ជំងឺស្បូនម្យ៉ាងដែលមិនទាន់ឈានដល់មហារីក)ជួបហានិភ័យខ្ពស់ពីការស្លាប់ដោយជំងឺមហារីកមាត់ស្បូនពេលឈានចូលវ័យ៦០ឆ្នាំឡើងទៅ ៕
ចែករំលែកព័តមាននេះ