ក្រុមអ្នកវិទ្យាសាស្ត្ររបស់អាមេរិកបានអះអាងថា ដំណេកលក់ស្កប់ស្កល់ក្នុងពេលយប់ជួយការពារបុរសមិនឱ្យកើតមានជំងឺមហារីកប្រូស្តាត ។ ពួកគេថា បណ្តាបុរសដែលមានអ័រម៉ូនបញ្ជាការដេកMelatoninកម្រិតខ្ពស់ គឺ៧៥ភាគរយប្រឈមតិចបំផុតនឹងជំងឺកាចសាហាវដូចជា មហារីកជាដើម ។ អ័រម៉ូន melatoninមាននាទីគ្រប់គ្រងដំណើរវដ្តនៃដំណេករបស់មនុស្ស ហើយបានប៉ះពាល់ទៅលើមុខងារជាច្រើនដែលជាប់ទាក់ទងនឹងនាឡិកា២៤ម៉ោងរបស់រាងកាយឬហៅថា Circadian Rhythm។ នៅពេលដែលភាពងងឹតចូលមកដល់ រាងកាយរបស់មនុស្សផលិតអ័រម៉ូនដំណេក melatonin កាន់តែច្រើនឡើង ។
ការពិសោធវាស់មើលពីកម្រិតអ័រម៉ូន melato- nin បុរសចំនួន៩២៨នាក់ពីសំណាក់អ្នកវិទ្យា- សាស្ត្រមកពីមហាវិទ្យាល័យសុខភាពសាធារណៈ HSPH សហរដ្ឋអាមេរិកបានបង្ហាញថា បុរសដែលមានអ័រម៉ូនបញ្ជាដំណេកនេះខ្ពស់ជាងកម្រិតមធ្យមប្រឈមនឹងការកើតមហារីកប្រូស្តាតតែ២៥ភាគរយប៉ុណ្ណោះធៀបនឹងអ្នកដែលអ័រម៉ូនខាងដើមស្ថិតក្រោមកម្រិតមធ្យម ។
អ្នកដឹកនាំការសិក្សាស្រាវជ្រាវសាស្ត្រាចារ្យSarah Markt បានថ្លែងថា ៖«ដំណេកមិនគ្រប់គ្រាន់និងកត្តាផ្សេងៗទៀត អាចមានឥទ្ធិពលទៅលើដំណើរការផលិតអ័រម៉ូន melatonin ឬឬរាំងខ្ទប់ការផលិតតែម្តង ។ បញ្ហាសុខភាពនានាគឺជាប់ពាក់ព័ន្ធនឹងដំណេកមិនគ្រប់គ្រាន់melato-nin មានកម្រិតទាបហើយនិងការរំខានដល់នាឡិកាកំណត់ម៉ោងរបស់រាងកាយជាដើម »។ លោកស្រីសាស្ត្រាចារ្យបានបន្ថែមថា ៖«លទ្ធផលរបស់យើង ត្រូវការចាំបាច់នូវប្រតិកម្មជាការរិះគន់ ប៉ុន្តែផ្តល់ផលប្រយោជន៍ដល់តំហែទាំសុខភាពសាធារណៈជា ទូទៅ »៕
ចែករំលែកព័តមាននេះ