រាជធានីភ្នំពេញ ៖ យោងតាមប្រភពព័ត៌មានបឋម ពីសមត្ថកិច្ចខណ្ឌដង្កោ បានឲ្យដឹងថា រោងចក្រកាត់ដេរសម្លៀកបំពាក់មួយកន្លែង ដែលមានទីតាំងស្ថិតនៅតាមផ្លូវ៥០ម៉ែត្រ ភូមិអន្លូងគងចាស់ សង្កាត់ព្រៃស ខណ្ឌដង្កោ…
រាជធានីភ្នំពេញ ៖ យោងតាមប្រភពព័ត៌មានបឋម ពីសមត្ថកិច្ចខណ្ឌដង្កោ បានឲ្យដឹងថា រោងចក្រកាត់ដេរសម្លៀកបំពាក់មួយកន្លែង ដែលមានទីតាំងស្ថិតនៅតាមផ្លូវ៥០ម៉ែត្រ ភូមិអន្លូងគងចាស់ សង្កាត់ព្រៃស ខណ្ឌដង្កោ រាជធានីភ្នំពេញ ត្រូវបានអគ្គិឆាបឆេះសន្ធោសន្ធៅ បង្កការភ្ញាក់ផ្អើលកាល៦និង៤០នាទីល្ងាចថ្ងៃទី១១ ខែកុម្ភៈ ឆ្នាំ២០២៥ រហូតដល់ម៉ោង០៨យប់ថ្ងៃដដែល ភ្លើងនៅមិនទាន់រលត់នៅឡើយ ។
ប្រភពដដែល បានប្រាប់ឲ្យដឹងបន្តទៀតថា ទំហំ នៃការឆាបឆេះនោះធំណាស់ ដោយអគាររោងចក្រទាំងមូល គ្របដណ្ដាប់ដោយអណ្ដាតភ្លើងក្រហមឆ្អៅ មានពន្លឺភ្លើងជះពេញផ្ទៃអាកាស ។
ដោយឡែក ចំពោះមូលហេតុ នៃការឆាបឆេះនោះ ពុំទាន់ត្រូវបានគេដឹងនៅឡើយទេ ដោយកម្លាំងអាជ្ញាធរ និងសមត្ថកិច្ចមូលដ្ឋានខណ្ឌដង្កោ បាននិងកំពុងធ្វើការអន្តរាគមន៍ ។
ចំណែករថយន្តពន្លត់អគ្គីភ័យច្រើនគ្រឿង រួមទាំងក្រុមអ្នកពន្លត់ភ្លើង ជាច្រើននាក់ផង បានទៅកាន់ទីនោះ ដើម្បីពន្លត់ភ្លើងផងដែរ ហើយទោះបីជា បែបណា គេពុំទាន់ដឹងថា មានអ្នករងគ្រោះនៅក្នុងហេតុការនោះ ឬអត់នៅឡើយទេ ៕
ចែករំលែកព័តមាននេះ