ខេត្តកំពង់ឆ្នាំង៖ នាយករងសាលាម្នាក់បានស្លាប់នៅនឹងកន្លែងក្នុងករណីគ្រោះថ្នាក់ចរាចរណ៍ជិះម៉ូតូបុករថយន្តធុនធ្ងន់ពីក្រោយ ដែលហេតុការណ៍នេះបានកើតឡើងនៅវេលាម៉ោងប្រមាណ៨និង១០នាទីយប់ថ្ងៃទី៥ ខែកុម្ភៈ ឆ្នាំ២០២៥ នៅតាមបណ្តោយផ្លូវជាតិលេខ៥ ត្រង់ចំណុចចន្លោះគីឡូម៉ែត្រលេខ៥៧-៥៨ ស្ថិតនៅក្នុងភូមិព្រៃពីស ឃុំជ្រេស ស្រុកកំពង់ត្រឡាច…
ខេត្តកំពង់ឆ្នាំង៖ នាយករងសាលាម្នាក់បានស្លាប់នៅនឹងកន្លែងក្នុងករណីគ្រោះថ្នាក់ចរាចរណ៍ជិះម៉ូតូបុករថយន្តធុនធ្ងន់ពីក្រោយ ដែលហេតុការណ៍នេះបានកើតឡើងនៅវេលាម៉ោងប្រមាណ៨និង១០នាទីយប់ថ្ងៃទី៥ ខែកុម្ភៈ ឆ្នាំ២០២៥ នៅតាមបណ្តោយផ្លូវជាតិលេខ៥ ត្រង់ចំណុចចន្លោះគីឡូម៉ែត្រលេខ៥៧-៥៨ ស្ថិតនៅក្នុងភូមិព្រៃពីស ឃុំជ្រេស ស្រុកកំពង់ត្រឡាច ខេត្តកំពង់ឆ្នាំង ។
តាមប្រភពនៅទីនោះបានអោយដឹងថា មុនពេលកើតហេតុ មានរថយន្តដឹកស្រូវ១គ្រឿងម៉ាកហ៊ីយ៉ាន់ដាយ ពាក់ស្លាកលេខ ត្បូងឃ្មុំ3A-2621 បែកកង់បើកបរពីជើងទៅត្បូង ក្នុងគោលបំណងរកកន្លែងឈប់ចត ខណៈនោះមានម៉ូតូ១គ្រឿងម៉ាកហុងដាឃ្លិក ពណ៌ខ្មៅពាក់ស្លាកលេខ កំពង់ឆ្នាំង1J-9649 បើកបរក្នុងទិសដៅស្របគ្នាបុកពីក្រោយយ៉ាងពេញទំហឹង បណ្តាលអោយមានជនរងគ្រោះម្នាក់ដែលជាអ្នកបើកបរម៉ូតូបានស្លាប់ភ្លាមៗនៅកន្លែងកើតហេតុ។
ជនរងគ្រោះត្រូវបានគេស្គាល់ថា ឈ្មោះប៉ិច សារី ភេទប្រុស អាយុ៤៩ឆ្នាំ ជានាយករងសាលាបឋមសិក្សាវត្តថ្មី រស់នៅភូមិថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង (បានស្លាប់នៅកន្លែងកើតហេតុ ) ។ ដោយឡែងតៃកុងរថយន្តមិនស្គាល់អត្តសញ្ញាណបានគេចខ្លួន។
បច្ចុប្បន្នសពជនរងគ្រោះត្រូវបានក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅគេហដ្ឋាន ក្នុងភូមិឃុំកើតហេតុខាងលើ ។ ចំណែករថយន្តនិងម៉ូតូ ត្រូវសមត្ថកិច្ចយកមករក្សាទុកនៅអធិការដ្ឋានស្រុកកំពង់ត្រឡាចរង់ចាំដោះស្រាយតាមនិតិវិធីនៅពេលក្រោយទៀត ៕
ចែករំលែកព័តមាននេះ