រាជធានីភ្នំពេញ ៖ សាលាសង្កាត់ ស្ទឹងមានជ័យ បានប្រកាសនៅថ្ងៃទី៦ ខែកុម្ភៈ ឆ្នាំ២០២៥នេះថា ឃាត់បានមធ្យោបាយបញ្ច្រាស ម៉ូតូចំនួន១៥គ្រឿង យកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១…
រាជធានីភ្នំពេញ ៖ សាលាសង្កាត់ ស្ទឹងមានជ័យ បានប្រកាសនៅថ្ងៃទី៦ ខែកុម្ភៈ ឆ្នាំ២០២៥នេះថា ឃាត់បានមធ្យោបាយបញ្ច្រាស ម៉ូតូចំនួន១៥គ្រឿង យកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ រង់ចាំចំណាត់ការជំនាញបន្ដ ។
សាលាសង្កាត់ ស្ទឹងមានជ័យ បានបញ្ជាក់ថា នៅថ្ងៃទី៦ ខែកុម្ភៈ ឆ្នាំ២០២៥ វេលាម៉ោង៦និង៣០នាទី ប៉ុស្ដិ៍នគរបាលរដ្ឋបាលស្ទឹងមានជ័យទី១ សហការជាមួយកម្លាំង គណបញ្ជាការឯកភាពខណ្ឌមានជ័យ និង សង្កាត់ស្ទឹងមានជ័យទី១ ដឹកនាំដោយ លោក ជា សារ៉េត ចៅសង្កាត់ស្ទឹងមានជ័យទី១ បានធ្វើការអនុវត្តន៍ច្បាប់ចរាចរណ៍ចំពោះអ្នកជិះបញ្ច្រាសទិស នៅលើកំណាត់ផ្លូវ២១៧ សង្កាត់ស្ទឹងមានជ័យទី១ ។
ជាលទ្ធផល ឃាត់បានមធ្យោបាយបញ្ច្រាស មានម៉ូតូចំនួន១៥គ្រឿង យកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ រង់ចាំចំណាត់ការជំនាញបន្ដ ។ ការអនុវត្តន៍ចប់សព្វគ្រប់នៅវេលាម៉ោង០៨ និង០០នាទី ថ្ងៃខែឆ្នាំដដែល ៕
ចែករំលែកព័តមាននេះ