ស្ត្រីវ័យក្មេងជនជាតិវៀតណាមដ៏ស្រស់ស្អាតម្នាក់ ក្លាយជាមេខ្លោងដ៏សំខាន់នៅក្នុងបណ្តាញបោកប្រាស់ ដែលមានទឹកប្រាក់ដល់ទៅ៤០លានដុល្លារ ខណៈដែលក្រុមនារីនេះធ្វើប្រតិបត្តិការចេញពីខេត្តស្វាយរៀង នៅជាប់ព្រំប្រទល់វៀតណាម ។ យោងតាមកាសែត Vietnam News បានឲ្យដឹងថា…
ស្ត្រីវ័យក្មេងជនជាតិវៀតណាមដ៏ស្រស់ស្អាតម្នាក់ ក្លាយជាមេខ្លោងដ៏សំខាន់នៅក្នុងបណ្តាញបោកប្រាស់ ដែលមានទឹកប្រាក់ដល់ទៅ៤០លានដុល្លារ ខណៈដែលក្រុមនារីនេះធ្វើប្រតិបត្តិការចេញពីខេត្តស្វាយរៀង នៅជាប់ព្រំប្រទល់វៀតណាម ។
យោងតាមកាសែត Vietnam News បានឲ្យដឹងថា ស្ត្រីវ័យក្មេងនេះ មានវ័យត្រឹម២៦ឆ្នាំ ដែលចេះភាសាចិនយ៉ាងស្ទាត់ជំនាញបានធ្វើប្រតិបត្តិការចេញពីប្រទេសកម្ពុជា ហើយមានតួនាទីជាអ្នកគ្រប់គ្រងជាន់ខ្ពស់បណ្តុះបណ្តាលអ្នកបោកប្រាស់ តាក់តែងអត្ថបទដែលមានល្បិចកលខ្ពស់ និងបង្វឹកសមាជិកក្រុមឲ្យក្លែងបន្លំធ្វើជាប៉ូលិស មន្ត្រីពន្ធដារ និងអាជ្ញាធរផ្សេងទៀត ដើម្បីជំរិតលុយពីជនរងគ្រោះវៀតណាមរាប់ពាន់នាក់ ។
ក្រុមស្ត្រីម្នាក់នេះត្រូវបានសមត្ថកិច្ចវៀតណាម បង្ក្រាបនៅខេត្តបាក់និញ ក្រោយពេលដែលក្រុមស្ត្រីរូបនេះមានពាក់ព័ន្ធនឹងករណីប្រតិបត្តិការឆបោកដែលមានការរៀបចំល្អបំផុតមួយដែលអាជ្ញាធរវៀតណាមបានរកឃើញ ។
ស្ត្រីដែលមានឈ្មោះថា ផាំធី ហៀង ត្រាង ( Phạm Thị Huyền Trang) ត្រូវគេជឿថា ជាមេខ្លោងសំខាន់មួយរូប ក្នុងចំណោមមេដឹកនាំសំខាន់ៗទាំងប្រាំ រួមជាមួយលោក ឃ្វៀន វ៉ា់ន់ម៉ាញ ( Nguyễn Văn Mạnh ) ដូ វាន់ញ៉ា (Đỗ Văn Nghĩa), ឌិញ ងោឃ្វិន ( Đinh Như Quỳnh) និង ឃ្វៀន ឌឹក ថាន (Nguyễn Đức Toàn ) ។
តាមអត្ថបទរបស់សារព័ត៌មាននោះ អ្វីដែលសំខាន់ គឺថាក្រុមហ៊ុនក្លែងបន្លំបច្ចេកវិទ្យាខ្ពស់នេះ គឺមានមូលដ្ឋាននៅខេត្តស្វាយរៀងប្រទេសកម្ពុជា ។
ក្រុមនេះត្រូវបានគេដឹងថា អាចមានសមត្ថភាពក្លែងបន្លំធ្វើជាមន្ត្រីប៉ូលិសក្នុងតំបន់ មន្ត្រីពន្ធដារ ឬមន្ត្រីអប់រំ ។ ពួកគេព្យាយាមបញ្ចុះបញ្ចូលជនរងគ្រោះឱ្យទាញយកកម្មវិធីរដ្ឋាភិបាលក្លែងក្លាយដែលផ្តល់ឱ្យអ្នកបោកប្រាស់ចូលប្រើទូរស័ព្ទពីចម្ងាយដោយសម្ងាត់ ។ ពួកគេព្យាយាមអន្ទង និងលួចបន្លំគណនីធនាគាររបស់ជនរងគ្រោះតាមកម្មវិធីពីចម្ងាយ និងបញ្ឆោតពួកគេឱ្យយល់ព្រមលើប្រតិបត្តិការតាមរយៈការសម្គាល់ផ្ទៃមុខ ឬការផ្ទៀងផ្ទាត់ស្នាមម្រាមដៃ ។
តាមការស្រាវជ្រាវដំបូងបណ្តាញឧក្រិ.ដ្ឋកម្មនេះមានជនរងគ្រោះដល់ទៅ១៣.០០០ នាក់ ហើយនារីវ័យក្មេងដែលស្រស់ស្អាតនេះនាងអាចទទួលបានប្រាក់បៀវត្សរ៍ដ៏គួរឱ្យភ្ញាក់ផ្អើល៨.000ដុល្លារក្នុងមួយខែដែលជាចំនួនមួយដែលធ្វើឱ្យអ្នកស៊ើបអង្កេតមានការភ្ញាក់ផ្អើលចំពោះសមត្ថភាពរបស់នាង ។
ក្រុមនេះអាចធ្វើសកម្មភាពតាមគ្រប់រូបភាព ដែលអាចបើកឱកាសឲ្យជនរងគ្រោះឆ្លងកាត់ ច្រកព្រំដែន និងអាកាសយានដ្ឋានបាន ហើយរហូតមកដល់ពេលនេះប៉ូលិសបានកំណត់អត្តសញ្ញាណបុគ្គលចំនួន៤២នាក់ ដើម្បីកាត់ទោសដោយក្នុងនោះមាន៣៨នាក់ត្រូវបានឃុំខ្លួនរួចហើយ ។ ឥឡូវនេះ អាជ្ញាធរកំពុងពង្រីកសំណុំរឿងនេះរួមមានការលាងលុយកខ្វក់ការធ្វើចំណាកស្រុកខុសច្បាប់ និងការចោទប្រកាន់ពីបទក្លែងបន្លំអន្តរជាតិ ៕
ចែករំលែកព័តមាននេះ