បទល្មើសព្រហ្មទណ្ឌនៅភ្នំពេញមានការថយចុះ
- ភ្នំពេញ
រាជធានីភ្នំពេញ ៖ បទល្មើសព្រហ្មទណ្ឌកើតមាន ៤៧៣លើក/៥៣១លើក ថយចុះ ៥៨លើក ស្មើនឹង -១០,៩២% បណ្តាលឱ្យ មនុស្សរងគ្រោះ…
រាជធានីភ្នំពេញ ៖ បទល្មើសព្រហ្មទណ្ឌកើតមាន ៤៧៣លើក/៥៣១លើក ថយចុះ ៥៨លើក ស្មើនឹង -១០,៩២% បណ្តាលឱ្យ មនុស្សរងគ្រោះ ៤៩២នាក់ (ស្រី ១៩៨នាក់) របួសធ្ងន់-ស្រាល ១៣១នាក់ (ស្រី ២៩នាក់), ស្លាប់ ២៨ នាក់ (ស្រី ១០នាក់) ក្នុងនោះ បទល្មើសឧក្រិដ្ឋ ចំនួន ៧៥លើក/៩១លើក ថយចុះ ១៦លើក ស្មើនឹង -១៧,៥៨% (ស្លាប់ ២៣នាក់, របួស ២២នាក់) និងបទល្មើសមជ្ឈិម ចំនួន ៣៩៨លើក/៤៤០លើក ថយ ចុះ ៥២លើកស្មើនឹង ៩,៥៤% (ស្លាប់ ៥នាក់, របួស ១០៩នាក់)។
របាយការណ៍ដដែលបន្តថា បង្ក្រាបបទល្មើសព្រហ្មទណ្ឌបានចំនួន ៤៣៩ករណី ឃាត់ខ្លួន ៦៥៨នាក់ ស្មើនឹង៩២,៨១% (បទល្មើសឧក្រិដ្ឋ ៦៨ករណី ឃាត់ខ្លួន ១៤០នាក់ និងបទល្មើសមជ្ឈិម ៣៧១ករណី ឃាត់ខ្លួន ៥១៨នាក់) ក្នុងនោះ បង្ក្រាបជាក់ ស្តែង ៣៩៣ករណី ឃាត់ខ្លួន ៥៤៤នាក់ (បទល្មើសឧក្រិដ្ឋ ៤៩ករណី ឃាត់ខ្លួន ៨៤នាក់, បទល្មើសមជ្ឈិម ៣៤៤ករណី ឃាត់ខ្លួន ៤៦០នាក់), បង្ក្រាបដោយស៊ើបអង្កេត ៤៥ករណី ឃាត់ខ្លួន ១១១នាក់ (បទល្មើស ឧក្រិដ្ឋ ១៨ករណី ឃាត់ខ្លួន ៥៣នាក់ និងបទល្មើសមជ្ឈិម ២៧ករណី ឃាត់ខ្លួន ៥៨នាក់) និង បង្ក្រាបតាមដីកា ក្នុងរយៈពេល ១ករណី ឃាត់ខ្លួន ៣នាក់ (បទល្មើសឧក្រិដ្ឋ ១ករណី ឃាត់ខ្លួន ៣នាក់)។ ជនសង្ស័យ និង វត្ថុតាងបានបញ្ជូនទៅសាលាដំបូងរាជធានីភ្នំពេញ ចាត់ការតាមនីតិផ្លូវច្បាប់។
របាយការណ៍ដដែលបានឱ្យដឹងទៀតថា ការងារប្រឆាំងការជួញដូរមនុស្ស និងការពារអនីតិជន បង្ក្រាបបាន ១០ករណី ឃាត់ខ្លួន ១៣នាក់ (ស្រី ៤ នាក់ ក្នុងនោះ អំពើសញ្ចារកម្ម ៣ករណី ឃាត់ខ្លួន ៤នាក់ (ស្រី), ជួញដូរមនុស្ស ១ករណី ឃាត់ខ្លួន ៣នាក់ និងករណីរួមភេទជាមួយអនីតិជន ៦ករណី ឃាត់ខ្លួន ៦នាក់ ដកហូតបានសម្ភារពាក់ព័ន្ធមួយចំនួន កសាងសំណុំរឿងបញ្ជូនទៅសាលាដំបូងរាជធានីភ្នំពេញ ។ បានរំដោះនារីនិងកុមាររងគ្រោះ ២០នាក់ បញ្ជូនទៅ មន្ទីរសង្គមកិច្ចរាជធានីភ្នំពេញ ១៣នាក់ និងប្រគល់ឱ្យអាណាព្យាបាលវិញ ៧នាក់ ។
ការងារប្រយុទ្ធប្រឆាំងបទល្មើសសេដ្ឋកិច្ចបានសហការបង្ក្រាបចំនួន ២៦ករណីក្នុងនោះ៖ បានម្ចាស់ការប ង្ក្រាប ៨ករណី, សហការបង្ក្រាប ១៧ករណី និងស្រាវជ្រាវសហការបង្ក្រាបចំនួន ១ករណី ឃាត់ខ្លួន ៣នាក់ (ស្រី ១នាក់) វត្ថុតាងចាប់យករួមមាន៖
គ្រឿងសម្អាងចម្រុះសរុបចំនួន ៥.៦៥៤គីឡូក្រាម និងទឹកដោះគោ ម៉ាក Gludiabet Plus សរុបចំនួន ៣២កេស។ សំបក (កំប៉ុង ប្រអប់ ដប កេស) ប្រអប់វេចខ្ចប់ ស្ទីកគ័រ ផ្ទាំង ផ្សាយពាណិជ្ជកម្ម ម៉ាស៊ីនលាយឡេ ម៉ាស៊ីនវេចខ្ចប់ សរុបទាំងអស់ចំនួន ៥៩៥កាតុង, ១៩៧.៨៤០ប្រអប់, ៣១.១៧៥កំប៉ុង,២៦ដុំ, ៤,២៦៧គីឡូក្រាម។
សាច់បង្កក់គ្រប់ប្រភេទ, គ្រឿងក្នុងសត្វគ្រប់ប្រភេទសរុប ចំនួន ១៤៣.៨៧០,៦៦គីឡូក្រាម, ផលិតផល (ប្រហិតចម្រុះ) ចំនួន ៥.៨៥៣គីឡូក្រាម, គ្រឿងសមុទ្រ (បង្គាមានចាហួយចាក់លើក្បាល) ចំនួន ៤.៤១០គីឡូក្រាម, បន្លែស្រស់ចម្រុះសរុបចំនួន ៥៨២គីឡូក្រាម និងប្លោកត្រីប្រាចំនួន ៨៨០គីឡូក្រាម ពងត្រី ចំនួន ២០០គីឡូក្រាម។ ទំនិញ (ផ្សិតស្លឹកត្រចៀកកណ្តុរ, បង្គាក្រៀម, ក្រដាសបិទរុយ, ថង់ប្លាស្ទិក, កូនស្លាបព្រាជ័រ គម្របជ័រ ដែកដុសឆ្នាំង, ឈើចង្កាក់, ស្រោមដៃ និងដែកកេះ) ចំនួន ២៨.៨៦៤គីឡូក្រាម ។ ទំនិញផ្លែស្លាក្រៀមម៉ាក (Kouweiwang) ចំនួន ៧២៣កញ្ចប់ ធំ និងសំបកកញ្ចប់ផលិតផលផ្លែស្លាក្រៀមចំនួន ១កេស។
ផលិតផលថ្នាំលាបពណ៌វត្ថុធាតុដើម និង សមាសធាតុផ្សំផ្សេងៗ ចំនួន ១៤៥.៧៣៨គីឡូក្រាម។ សាប៊ូដុសខ្លួនម៉ាក PDR (320ml) សរុបចំនួន ៦.៤០០ដប ស្មើនឹង ៧.៦៨០គីឡូក្រាម ។ បារីម៉ាក (Gold Flake, ESSE, Manchester) ចំនួន ៣៦២ កេស, ថង់ប្លាស្ទិករុំកញ្ចប់បារី ចំនួន ១៥ដុំ។ ម៉ាស៊ីនសម្រាប់ដំណើរការខ្សែចង្វាក់ផលិតកម្មខ្នាតតូច ចំនួន១ គ្រឿង, សសៃថ្នាំជក់ ចំនួន ៤៩តោន។ ចំពោះករណីខាងលើនេះ បានសហការប្រគល់ឱ្យនាយកដ្ឋាន នគរបាលប្រឆាំងបទល្មើសសេដ្ឋកិច្ច ០២ករណី, ប្រគល់ឱ្យសាខា (ក.ប.ប.រាជធានីភ្នំពេញ) ២០ករណី, ប្រគល់ឱ្យអយ្យការអមសាលាដំបូងរាជធានីភ្នំពេញ ៤ករណី។
ក្រៅពីនេះ បានសហការចុះកម្ទេចចោល ឱសថ បរិក្ខាពេទ្យចម្រុះ ដែលគ្មានអាជ្ញាប័ណ្ណ និងគ្មានការអនុញ្ញាតពីក្រសួងសុខាភិបាលចំនួន ១៣មុខ ស្មើ នឹង ២៩៤កេស និងផលិតផលម៉ាករុក្ខជាតិ សូន្យម្សៅរុក្ខជាតិម៉ាក (YSKL) ចំនួន ១៦៦កំប៉ុង និង ផលិតផលប៊ី និងឈឺសខូចគុណភាពគ្មានសុវត្ថិភាព ចំនួន ១.០៦០កេស ស្មើនឹង ១១.៥៩៧.៩៤០គីឡូក្រាម និងចុះត្រួតពិនិត្យទីតាំងស្តុកសាច់បង្កក នៅ ខណ្ឌឫស្សីកែវ ដើម្បីយកទៅពិនិត្យលក្ខណៈ បច្ចេកទេសនៅមន្ទីរពិសោធន៍។
សូមបញ្ជាក់ថា បើមិនប្រែប្រួលទេនោះ រដ្ឋបាលរាជធានីភ្នំពេញ គ្រោងនឹងធ្វើពិធីសន្និបាតបូកសរុបលទ្ធផលការងារប្រចាំឆ្នាំរបស់ខ្លួនសម្រាប់ឆ្នាំ២០២៤និងលើកទិសដៅបន្តឆ្នាំ២០២៥មានរយៈពេលពីរថ្ងៃ គីថ្ងៃទី២១ និងថ្ងៃទី២២ខែមករានៅសណ្ឋាគារសុខាភ្នំពេញ ដែលពិធីបើកស្ថិតក្នុងអធបតីភាព ឯកឧត្ដម ឃួង ស្រេង អភិបាលរាជធានីភ្នំពេញ និងឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ ចំណែកពិធីបិទសន្និបាត ស្ថិតក្នុងអធបតីភាព ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕
ចែករំលែកព័តមាននេះ