ខេត្តស្វាយរៀង ៖ ករណីគ្រោះថ្នាក់ចរាចរណ៍ រវាងរថយន្ត និងម៉ូតូ បណ្តាលឲ្យបុរស់ម្នាក់ស្លាប់ភ្លាមៗ នៅនឹងកន្លែង មូលហេតុរថយន្តបង្កបើកបរមិនប្រកាន់ស្តាំ ។ ករណីនេះបានកើតឡើងនៅវេលាម៉ោង៨និង១៥នាទីយប់ថ្ងៃទី១៥…
ខេត្តស្វាយរៀង ៖ ករណីគ្រោះថ្នាក់ចរាចរណ៍ រវាងរថយន្ត និងម៉ូតូ បណ្តាលឲ្យបុរស់ម្នាក់ស្លាប់ភ្លាមៗ នៅនឹងកន្លែង មូលហេតុរថយន្តបង្កបើកបរមិនប្រកាន់ស្តាំ ។
ករណីនេះបានកើតឡើងនៅវេលាម៉ោង៨និង១៥នាទីយប់ថ្ងៃទី១៥ ខែមករា ឆ្នាំ២០២៥ នៅលើកំណាត់ផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ១៥២-១៥៣ ស្ថិតក្នុងភូមិព្រៃទប់ សង្កាត់ច្រកម្ទេស ក្រុងបាវិត ខេត្តស្វាយរៀង ។
បើតាមសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ កើតឡើងរវាងរថយន្ត និងម៉ូតូ ក្នុងទិសដៅបញ្ច្រាសទិសគ្នា ពីលិចទៅកើត រថយន្តបង្កម៉ាក HYUNDAI ព៌ណ.ស ពាក់ស្លាកលេខស្វាយរៀង 3A-8993 បើកបរដោយឈ្មោះ (មិនស្គាល់អត្តសញ្ញាណ)ក្រោយពីបុកម៉ូតូជនរងគ្រោះរួចហើយ អ្នកបើកបរក៏បានចុះពីលើរថយន្តរត់គេចខ្លួនបាត់ស្រមោល បន្សល់ទុករថយន្តនៅកន្លែងកើតហេតុ រថយន្តខូចខាតធ្ងន់ ។
ប្រភពបន្តថា ម៉ូតូជនរងគ្រោះ ព៌ណក្រហម លាយស គ្មានស្លាកលេខ បើកបរដោយឈ្មោះ ស៊ីន សុម៉ាលី ភេទប្រុស អាយុ២៤ឆ្នាំ ជនជាតិខ្មែរ មុខរបរ កម្មកររោងចក្រ មានទីលំនៅ ក្នុងភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង (ម៉ូតូគ្មានកញ្ចក់មើលក្រោយ ពាក់មួកសុវត្ថិភាព) ស្លា.ប់នៅកន្លែងកើតហេតុ ម៉ូតូខូចខាតធ្ងន់ ។
វត្ថុតាង ត្រូវបានសមត្ថកិច្ច យកមករក្សាទុកនៅអធិការដ្ថាននគរបាលក្រុងបាវិត ។ បច្ចុប្បន្ន សាកសព សមត្ថកិច្ចបានប្រគល់ជូនទៅអោយក្រុមគ្រួសារ យកទៅធ្វើបុណ្យតាមប្រពៃណី ។ សមត្ថកិច្ចបានអោយដឹងមូលហេតុថា រថយន្តបត់ឆ្វេងខ្វះការប្រុងប្រយ័ត្ន ៕
ចែករំលែកព័តមាននេះ