ខេត្តកណ្តាល ៖ បុរសជាអ្នករត់តាក់ស៊ីសង្ស័យងោកមួយភាំង ក៏រេចង្កូតបុករបាំងថ្មចែកទ្រូងផ្លូវក្រឡាប់ជាច្រើនជុំ បណ្តាលអោយឆេះស្លាប់មនុស្សប្រុសស្រី២នាក់ នឹងរងរបួសធ្ងន់ម្នាក់ ។ ហេតុការណ៍នេះ បានកើតឡើងនៅវេលាម៉ោង០៣ និង១២នាទីទៀបភ្លឺឈានចូលថ្ងៃទី០៤…
ខេត្តកណ្តាល ៖ បុរសជាអ្នករត់តាក់ស៊ីសង្ស័យងោកមួយភាំង ក៏រេចង្កូតបុករបាំងថ្មចែកទ្រូងផ្លូវក្រឡាប់ជាច្រើនជុំ បណ្តាលអោយឆេះស្លាប់មនុស្សប្រុសស្រី២នាក់ នឹងរងរបួសធ្ងន់ម្នាក់ ។
ហេតុការណ៍នេះ បានកើតឡើងនៅវេលាម៉ោង០៣ និង១២នាទីទៀបភ្លឺឈានចូលថ្ងៃទី០៤ ខែមករា ឆ្នាំ២០២៥ នេះ ស្ថិតនៅលើផ្លូវជាតិលេខ២១អា ក្នុងភូមិកោះគរ សង្កាត់រកាខ្ពស់ក្រុងតាខ្មៅ ខេត្តកណ្ដាល ។
ស.ពរងគ្រោះមានឈ្មោះ ខៃ សោភ័ណ្ឌ ភេទប្រុស អាយុ២៣ឆ្នាំ មានទីលំនៅភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ (ស្លាប់នៅកន្លែងកើតហេតុ) និងឈ្មោះ ធី ស្រីលីន ភេទស្រី អាយុ២១ឆ្នាំ មានទីលំនៅភូមិរកាកោង ឃុំរកាកោង២ ស្រុកមុខកំពូល ខេត្តកណ្ដាល ។
យោងតាមប្រភពពីពលរដ្ឋកន្លែងកើតហេតុបានអោយដឹងថា គេបានឃើញរថយន្តមួយគ្រឿងម៉ាក តូយ៉ូតាព្រួស ពណ៌ខៀវ ពាក់ស្លាកលេខភ្នំពេញ 2BD-1735 បើកបរដោយបុរសម្នាក់ជាតៃកុងឡាន នឹងមានមនុស្សប្រុសស្រី២នាក់ទៀតរួមដំណើរជាមួយ បើកបរក្នុងទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចកើតហេតុ សង្ស័យតៃកុងឡានងងុយងោកមួយភាំង បានរេចង្កូតបុករបាំងថ្មចែកទ្រូងផ្លូវបណ្ដាលឲ្យរថយន្តដាច់ជាពីរ រួចបន្តក្រឡាប់ជាច្រើនជុំ បង្កជាអគ្គិភ័យឆាបឆេះយ៉ាងសន្ធោសន្ធៅ ហើយបានជាប់មនុស្សប្រុសស្រី២នាក់ ឆេះស្លាប់ក្នុងរថយន្តតែម្តង ។ ចំណែកអ្នកបើកបររងរបួសធ្ងន់ ត្រូវបាន ប្រជាពលរដ្ឋទាញចេញមកក្រៅ នឹងបានទំនាក់ទំនងទៅរថយន្តសង្គ្រោះដឹក យកទៅសង្គ្រោះបន្ទាន់នៅមន្ទីរពេទ្យព្រះកុសមៈ ។
បច្ចុប្បន្ន សមត្ថកិច្ចជំនាញនៃអធិការក្រុងតាខ្មៅបានចុះទៅដល់ធ្វើការវាស់វែង នឹងបានធ្វើកោសល្យវិច័យសព រួចធ្វើការប្រគល់សព ទៅក្រុមគ្រួសារសាច់ញាតិ យកទៅធ្វើបុណ្យតាមប្រពៃណី ៕
ចែករំលែកព័តមាននេះ