រាជធានីភ្នំពេញ ៖ កម្លាំងអាជ្ញាធរសង្កាត់ស្ទឹងមានជ័យទី០១ ធ្វើការឈរស្ទាក់ឃាត់ ប្រជាពលរដ្ឋមួយចំនួនដែលបានបើកបរបញ្ច្រាសទិស ដែលបង្កអោយសណ្តាប់ធ្នាប់សាធារណៈត្រូវបានបាត់បង់ ។ ជាក់ស្តែង នៅព្រឹកថ្ងៃទី០៥ ខែកុម្ភៈ…
រាជធានីភ្នំពេញ ៖ កម្លាំងអាជ្ញាធរសង្កាត់ស្ទឹងមានជ័យទី០១ ធ្វើការឈរស្ទាក់ឃាត់ ប្រជាពលរដ្ឋមួយចំនួនដែលបានបើកបរបញ្ច្រាសទិស ដែលបង្កអោយសណ្តាប់ធ្នាប់សាធារណៈត្រូវបានបាត់បង់ ។
ជាក់ស្តែង នៅព្រឹកថ្ងៃទី០៥ ខែកុម្ភៈ ឆ្នាំ២០២៥ រដ្ឋបាលសង្កាត់ស្ទឹងមានជ័យទី០១ សហការជាមួយកម្លាំងនគរបាលស្ទឹងមានជ័យទី០១ បញ្ចៀសការកកស្ទះនៅលើកំណាត់ផ្លូវ២១៧ អាជ្ញាធរសង្កាត់ស្ទឹងមានជ័យទី១ ដាក់កម្លាំងពង្រាយ ដើម្បីធ្វើការឃាត់ម៉ូតូដែលជិះបញ្ច្រាស់មួយចំនួន និងធ្វើការណែនាំឲ្យត្រឡប់ថយក្រោយវិញដោយមិនឲ្យមានការជិះបញ្ច្រាសទិសចរាចរណ៍នោះទេ ។
ប្រភពពីប្រជាពលរដ្ឋរស់នៅលើបណ្តោយផ្លូវ២១៧ បានអោយដឹងថា គេឃើញប្រជាពលរដ្ឋមួយចំនួនដែលធ្វើដំណើរតែងតែជិះបញ្ច្រាស ដោយសារតែមានការកកុញជាខ្លាំង នៅត្រង់ចំណុចមុខមាត់ស្ទឹងមានជ័យ ។ ពិសេសនោះត្រង់ចំណុចផ្លូវពី២១៧ នេះមានផ្លូវកាត់ទទឹងជាច្រើនដែលបងប្អូនប្រជាពលរដ្ឋធ្វើដំណើរយ៉ាងមមាញឹក ដែលបង្កឲ្យមានការកកស្ទះយ៉ាងខ្លាំងផងដែរ ។
តាមការលើកឡើងពីលោក ជា សារ៉េត ចៅសង្កាត់ស្ទឹងមានជ័យទី១ បានអោយដឹងថា លោកបានចាត់អោយកម្លាំងសង្កាត់សហការជាមួយកម្លាំងនគរបាលប៉ុស្តិ៍ចុះទប់ស្កាត់ ការបើកបរបញ្ច្រាសនៅផ្លូវ២១៧ សង្កាត់ស្ទឹងមានជ័យទី១ មានបួនគោលដៅទី១ មុខវត្តស្ទឹងមានជ័យ ទី២ ច្រកចូលសង្កាត់ទី៣ ច្រកចូលប៉ុស្តិ៍ទី៤ មុខសាលាណតឡាញ ។
បើតាមការបញ្ជាក់ពីមន្ត្រីប៉ុស្តិ៍បានអោយដឹងថា ចំពោះម៉ូតូបងប្អូនប្រជាពលរដ្ឋដែលជិះបញ្ច្រាសផ្លូវជាច្រើនគ្រឿងនោះ ។ លើកនេះ គ្រាន់តែឃាត់អប់រំណែនាំអោយយល់ដឹងពីច្បាប់ចរាចរណ៍ផ្លូវ រួចឲ្យត្រឡប់ជិះទៅក្រោយវិញ ប៉ុន្តែប្រសិននៅមានលើកក្រោយទៀត លោកនឹងចាប់ផាកពិន័យទៅតាមច្បាប់ចរាចរណ៍ដែលបានចែង ។
ក្រោយធ្វើការស្ទាក់ឃាត់ អាជ្ញាធរសង្កាត់ស្ទឹងមានជ័យទី១ ក៏សំណូមពរអោយបងប្អូនប្រជាពលរដ្ឋចូលរួមសហការឈប់ជិះបញ្ច្រាសបន្តទៀត ជៀសវាងបង្កមានការកក ឬមួយគ្រោះថ្នាក់ចរាចរណ៍ណាមួយកើតឡើង ៕
ចែករំលែកព័តមាននេះ