រាជធានីភ្នំពេញ ៖ លោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា តំណាងអយ្យការបានសម្រេចធ្វើការចោទប្រកាន់លើក្រុមក្មេងទំនើ.ងប្រុសស្រីចំនួន៩នាក់ ពីបទ.ហិ.ង្សា ដោយចេតនាមានស្ថានទម្ងន់ទោស…
រាជធានីភ្នំពេញ ៖ លោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា តំណាងអយ្យការបានសម្រេចធ្វើការចោទប្រកាន់លើក្រុមក្មេងទំនើ.ងប្រុសស្រីចំនួន៩នាក់ ពីបទ.ហិ.ង្សា ដោយចេតនាមានស្ថានទម្ងន់ទោស ហើយសំណុំរឿងបានត្រូវចាត់បញ្ជូនទៅចៅក្រមស៊ើបសួរ ដើម្បីឃុំខ្លួនដាក់ពន្ធនាគារជាបណ្តោះអាសន្ន រង់ចាំកាត់ទោសទៅតាមបទល្មើសដែលពួកគេបានប្រព្រឹត្ត ។
អ្នកនាំពាក្យនៃអយ្យការអមសាលាដំបូងរាជធានីភ្នំពេញមានកិត្តិយស សូមជម្រាបជូនសាធារណជនមេត្តាជ្រាបថា កាលពីថ្ងៃទី២៦ ខែធ្នូ ឆ្នាំ២០២៤ កម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ បានបញ្ជូនសំណុំរឿងពាក់ពន្ធករណីក្រុមក្មេងទំនើ.ង១ក្រុម មានគ្នា១៨នាក់បានធ្វើសកម្មភាពប្រើជើងធាក់ម៉ូតូរបស់ជនរងគ្រោះដែលកំពុងជិះ២នាក់បណ្តាលឲ្យដួល ទៅលើថ្នល់អូសជាច្រើនម៉ែត្រ បន្ទាប់មកក្រុមក្មេងទំនើ.ងខាងលើក៏បាននាំគ្នាចុះកាន់មួកសុវត្ថិភាព និងខ្សែក្រប៉ាត់ដេញវា.យទៅលើជនរងគ្រោះបន្ថែមទៀត ស្ថិតនៅចំណុចមុខក្លឹបហាត់ប្រាណ ផ្លូវជាតិលេខ២ ភូមិព្រែតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី១៩ ខែធ្នូ ឆ្នាំ២០២៤ វេលាម៉ោង២៣និង៣០នាទីយប់ ។
រហូតមកដល់ថ្ងៃទី២៥ ខែធ្នូ ឆ្នាំ២០២៤ សមត្ថកិច្ចក៏បានស្រាវជ្រាវ និងឃាត់ខ្លួនជនសង្ស័យបានចំនួន៩នាក់ ជាបន្តបន្ទាប់មាន ៖
១.ឈ្មោះ រិទ្ធ វិបុល ហៅ ប៊ុល កើតឆ្នាំ២០០៨
២.ឈ្មោះ សែម ពន្លឺ ភេទប្រុស កើតឆ្នាំ២០០៦
៣.ឈ្មោះ ផា រ័ត្ន ភេទប្រុស កើតឆ្នាំ២០០៧
៤.ឈ្មោះ សំអាង វិទូ ភេទប្រុស កើតឆ្នាំ២០០៧
៥.ឈ្មោះ ហុក យូរ ភេទប្រុស កើតឆ្នាំ២០០៦
៦.ឈ្មោះ សួន លីហេង ភេទប្រុស កើតឆ្នាំ២០០៧
៧.ឈ្មោះ សី អ៊ែនជី ភេទស្រី កើតឆ្នាំឋ២០០៧
៨.ឈ្មោះ ផន សុផាលីន ភេទស្រី កើតឆ្នាំ២០០៦
៩.ឈ្មោះ សួង ចន្ទសុភាវី ភេទស្រី កើតឆ្នាំ២០០៨ ។
ចំណែកបក្ខពួកដែលជាប់ពាក់ពន្ធករណីខាងលើនេះសមត្ថកិច្ចបាន និងកំពុងស្រាវជ្រាវបន្ត ។
ក្រោយពីបានទទួល និងពិនិត្យលើសំណុំរឿងនេះតំណាងអយ្យការសម្រេចចោទប្រកាន់លើជនសង្ស័យទាំង៩នាក់ និងបក្ខពួកពីបទហិ.ង្សាដោយចេតនាមានស្ថានទម្ងន់ទោស (យកជើងធាក់ម៉ូតូជនរងគ្រោះឲ្យដួលរងរបួស រួចនាំគ្នាចុះយកមួកសុវត្ថិភាព និងខ្សែក្រវ៉ាត់ដេញវា.យលើជនរងគ្រោះ) ប្រព្រឹត្តនៅចំណុចមុខក្លឹបហាត់ប្រាណ ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី១៩ ខែធ្នូ ឆ្នាំ២០២៤ បទល្មើសមានចែងតាមបញ្ញតិឲ្យផ្តន្ទាទោសតាមមាត្រា២១៨ នៃក្រមព្រហ្មទណ្ឌ ។
មាត្រា ២១៨ «អំពើហិ.ង្សាដោយចេតនាត្រូវផ្តន្ទាទោសដាក់ពន្ធនាគារពី២ឆ្នាំ ទៅ៥ឆ្នាំ និងពិន័យជាប្រាក់៤លានទៅ១០លានរៀល កាលបើអំពើហិ.ង្សានេះបានប្រព្រឹត្ត ១.ដោយមានការគិតទុកជាមុន ២.ដោយប្រើអាវុ.ធ ឬគំរា.មកំហែងដោយអាវុ.ធ ៣.ដោយមានមនុស្សច្រើននាក់ក្នុងឋានៈជាចារី សហចារី អ្នកផ្តើមគំនិត និងអ្នសមគំនិត» ។ អាស្រ័យដូចជម្រាបជូនខាងលើនេះ សូមសាធារណជនមេត្តាជ្រាបជាព័ត៌មានតាមការគួរ ៕
ចែករំលែកព័តមាននេះ