រាជធានីភ្នំពេញ ៖ កម្លាំងសមត្ថកិច្ចខណ្ឌចំការមន កំពុងល្បាតក្នុងមូលដ្ឋាន ស្រាប់តែប្រទះឃើញលុយដុល្លារចំនួន០៦ដុំ ក្នុងរថយន្តដែលចតលើផ្លូវផ្អើលស្វែងរកម្ចាស់ ។ ហេតុការណ៍នេះបង្កភ្ញាក់ផ្អើលកាលពីវេលាម៉ោង០២រសៀល ថ្ងៃទី២៤ ខែធ្នូ…
រាជធានីភ្នំពេញ ៖ កម្លាំងសមត្ថកិច្ចខណ្ឌចំការមន កំពុងល្បាតក្នុងមូលដ្ឋាន ស្រាប់តែប្រទះឃើញលុយដុល្លារចំនួន០៦ដុំ ក្នុងរថយន្តដែលចតលើផ្លូវផ្អើលស្វែងរកម្ចាស់ ។
ហេតុការណ៍នេះបង្កភ្ញាក់ផ្អើលកាលពីវេលាម៉ោង០២រសៀល ថ្ងៃទី២៤ ខែធ្នូ ឆ្នាំ២០២៤ នៅខាងមុខអគារព្រីន ក្បែរស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើតាមប្រភពព័ត៍មានពីសមត្ថកិច្ចបានប្រាប់អោយដឹងថា កម្លាំងនគរបាលខណ្ឌចំការមន បានកំពុងល្បាតនៅក្នុងមូលដ្ឋានសង្កាត់បាសាក់ក៏បានប្រទះឃើញរថយន្តមួយគ្រឿង ម៉ាក Mazda CX-9 ពណ៌ស ពាក់ស្លាកលេខ កម្ពុជា HUAQI.CO បានចតនៅលើផ្លូវ ខណៈនោះសមត្ថកិច្ចបានចុះដើរទៅមើល ដើម្បីប្រាប់ម្ចាស់រថយន្តកុំអោយចតនៅផ្លូវក៏ស្រាប់តែប្រទះឃើញលុយដុល្លារចំនួន០៦ដុំ ទើបភ្លាមៗបង្កភ្ញាក់ផ្អើលឈររងចាំស្វែងរកម្ចាស់រថយន្តតែម្តង ។
ប្រភពពីសមត្ថកិច្ចបន្តទៀតថា បន្ទាប់ពីមានការសាកសួរទៅកាន់ម្ចាស់រថយន្តរួចមក ជនជាតិបរទេសជាម្ចាស់រថយន្តខាងលើ រូបគាត់នឹកស្មានថា ខ្លួនបានយកលុយទុកក្នុងកាបូបរួចហើយ លុះឆែកមើលរកមិនឃើញ ក៏មានអារម្មណ៍ភ័យតក់ស្លុតភ្លាមៗ បានប្រញាប់រត់ចុះពីលើខុនដូវិញ សំណាងល្អក៏ប្រទះឃើញមានសមត្ថកិច្ចនៅឈរក្បែរឡានរបស់ខ្លួនទើបបាត់ភ័យវិញទៅ ។
ក្រោយកើតហេតុ សមត្ថកិច្ចក៏បានអប់រំណែនាំទៅកាន់ម្ចាស់រថយន្ត សូមមេត្តាបង្កើននូវការប្រុងប្រយ័ត្ន ត្រូវពិនិត្យរបស់របរអោយបានត្រឹមត្រូវ មុននឹងចាកចេញទៅណាមកណា ៕
ចែករំលែកព័តមាននេះ