រាជធានីភ្នំពេញ ៖ ស្ត្រីម្នាក់ជិះម៉ូតូលឿនឡើងវ៉ារថយន្ត មិនទាន់នឹងផុតផង វ៉ាក់នឹងជាមួយកង់ ហើយទាក់ដៃចង្កូត ដួលបោកក្បាលស្លា.ប់ ផ្អើលពេញកោះនរា ។ ហេតុការណ៍នេះ…
រាជធានីភ្នំពេញ ៖ ស្ត្រីម្នាក់ជិះម៉ូតូលឿនឡើងវ៉ារថយន្ត មិនទាន់នឹងផុតផង វ៉ាក់នឹងជាមួយកង់ ហើយទាក់ដៃចង្កូត ដួលបោកក្បាលស្លា.ប់ ផ្អើលពេញកោះនរា ។
ហេតុការណ៍នេះ បង្កការភ្ញាក់ផ្អើលឡើង កាលពីវេលាម៉ោង០៦និង៣៥នាទីព្រឹកថ្ងៃទី២១ ខែធ្នូ ឆ្នាំ២០២៤ នៅចំណុចតាមបណ្តោយផ្លូវ ក្នុងទីក្រុងកោះនរា ដែលស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ។
ស.ពស្ត្រីរងគ្រោះ មានឈ្មោះ ឆន សុខលី ជនជាតិខ្មែរ មុខរបរ បុគ្គលិកធ្វើការនៅក្រុមហ៊ុន យី ដា មីនូហ្វេកធឺរើ ខូ អិលធីឌី ។
យោងតាមប្រភពព័ត៌មានពីប្រជាពលរដ្ឋអ្នកធ្វើដំណើរ បានប្រាប់អោយដឹងថា មុនពេលកើតហេតុ គេឃើញស្ត្រីម្នាក់ ជិះម៉ូតូមួយគ្រឿង ម៉ាក ហុងដាឌ្រីម ស៊េរី២០១៨ ពណ៌ខ្មៅ ពាក់ស្លាកលេខ កណ្តាល 1AA-4555 ជិះក្នុងល្បឿនលឿន ទិសដៅពីលិចទៅកើត គោលដៅចេញពីធ្វើការត្រឡប់ទៅផ្ទះនៅឯសង្កាត់ក្បាលកោះ ខណៈជិះមកដល់ចំណុចកើតហេតុ ស្ត្រីខាងលើ បានបន្ថែមល្បឿនឡើងវ៉ាជែងរថយន្តមួយគ្រឿង មិនស្គាល់ម៉ាក ហើយវ៉ាមិនទាន់នឹងផុតផង បានវ៉ាក់ជាមួយ បុរសម្នាក់ ដែលជិះកង់ហាត់ប្រាណ ជិះក្នុងទិសដៅស្របគ្នា បណ្តាលអោយទាក់ដៃចង្កូតជាមួយកង់ ដួលម៉ូតូបោកក្បាលស្លា.ប់ភ្លាមៗ ។ ចំណែកឯបុរសជាអ្នកជិះកង់ហាត់ប្រាណ គ្រាន់តែរបួសរលាត់ដៃជើងតែប៉ុណ្ណោះ ។
ក្រោយកើតហេតុ សមត្ថកិច្ចមូលដ្ឋាន បានចុះមកដល់ទីតាំងកើតហេតុ រួចធ្វើការវាស់វែងយកម៉ូតូ និងកង់ ទៅរក្សាទុកនៅអធិការខណ្ឌច្បារអំពៅ រងចាំដោះស្រាយពេលក្រោយ ។ ចំណែកស.ពស្ត្រីរងគ្រោះ ប្រគល់ជូនសាច់ញាតិ យកទៅធ្វើបុណ្យតាមប្រពៃណី នៅផ្ទះរបស់ខ្លួន ក្នុងសង្កាត់ក្បាលកោះ ៕
ចែករំលែកព័តមាននេះ