រាជធានីភ្នំពេញ ៖ ក្រុមបាល់ទាត់ជម្រើសជាតិកម្ពុជា(គោព្រៃកម្ពុជា)សង្ឃឹមតិចតួចក្នុងការឡើងទៅកាន់វគ្គ៤ក្រុមក្រោយមិនអាចរកបានពិន្ទុសម្រាប់ការប្រកួតទី២ បន្ទាប់ពីចាញ់ម្ចាស់ផ្ទះ សិង្ហបុរី ដោយលទ្ធផល ១-២ វគ្គសន្សំពិន្ទុក្នុងពូល A ពានរង្វាន់…
រាជធានីភ្នំពេញ ៖ ក្រុមបាល់ទាត់ជម្រើសជាតិកម្ពុជា(គោព្រៃកម្ពុជា)សង្ឃឹមតិចតួចក្នុងការ
ឡើងទៅកាន់វគ្គ៤ក្រុមក្រោយមិនអាចរកបានពិន្ទុសម្រាប់ការប្រកួតទី២ បន្ទាប់ពីចាញ់ម្ចាស់ផ្ទះ សិង្ហបុរី ដោយលទ្ធផល ១-២ វគ្គសន្សំពិន្ទុក្នុងពូល A ពានរង្វាន់ ASEAN Championship កាលពីយប់ថ្ងៃទី១១ ខែធ្នូ ឆ្នាំ២០២៤។
តាមរយៈលទ្ធផលខកចិត្តនេះធ្វើឲ្យក្រុមគោព្រៃកម្ពុជាមានសង្ឃឹមតិចតួចក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ ដោយសារការប្រកួត២លើកចុងក្រោយគឺប៉ះទីម័រខាងកើតនិងប៉ះក្រុមខ្លាំងថៃដែលពិបាករកពិន្ទុ ។ គ្រាប់បាល់២គ្រាប់របស់សិង្ហបុរីកើតឡើងដោយកំហុសបច្ចេកទេសអ្នកចាំទី វីរៈ ដារ៉ា នៅដើមវគ្គទី១ ហើយ១គ្រាប់របស់កម្ពុជារកបានដោយ កីឡាករសៀង ចន្ធា នៅវគ្គទី២។
កំហុសរបស់អ្នកចាំទីក្រុមគោព្រៃកម្ពុជាធ្វើឱ្យអ្នកគាំទ្រផ្ទុះការរិះគន់ និងដាក់ការសង្ស័យយ៉ាងខ្លាំងរហូតស្នើសំុឱ្យសហព័ន្ធកីឡាបាល់ទាត់កម្ពុជា ត្រួតពិនិត្យ និងស៊ើបអង្កេតទៅលើអ្នកចាំទីថាតើមានចេទនាធ្វើជាធ្វេសប្រហែសឲ្យរបូតគ្រាប់បាល់២គ្រាប់ផ្ទួនៗឬយ៉ាងណានេះជាបន្ទាន់ ។ តើអ្នកចាំទីរូបនេះមានគណនីធនាគារប៉ុន្មាន? តើលុយក្នុងគណនីរបស់បុគ្គលម្នាក់នេះ រឺសាច់ញាតិ មានការកើន
ឡើងខ្លាំងខុសប្រក្រតីឬទេ? ករណីនេះអាចចាត់ទុកជាករណីសុីសំណូកក្នុងការលេងភ្នាល់បាល់ដើម្បីលាភសក្ការៈផ្ទាល់ខ្លួនឬយ៉ាងណា?
អ្នកគាំទ្រថា បើការសង្ស័យនេះជាការពិត កម្ពុជានឹងរងភាពអាម៉ាស់ខ្លាំងណាស់ ហើយការខកចិត្ត
នឹងលទ្ធផលមិនសមទំនងនេះ មិនមែនតែក្រុមជម្រើសជាតិ ដែលជាកីឡាករ ឬគ្រូបង្វឹកនោះ
ទេ គឺប្រជាជនកម្ពុជាប្រមាណ១៧លាននាក់ខកចិត្តទាំងអស់គ្នា។
ទោះបីយ៉ាងណា តាមប្រវត្តិជួបគ្នាចំនួន១៤លើក តាំងពីឆ្នាំ១៩៥៧មក ក្រុមជម្រើសជាតិកម្ពុជា បានស្មើក្រុមជម្រើសជាតិសិង្ហបុរី ១-១ តែម្តងគត់ សម្រាប់ការប្រកួតពានរង្វាន់ Merdeka Tournament កាលពីថ្ងៃទី៦ ខែកញ្ញា ឆ្នាំ១៩៥៧ ប៉ុន្តែការជួបគ្នាចំនួន១៣ដងក្រោយមកទៀត ក្រុមកម្ពុជា បានចាញ់រហូត ខណៈការប្រកួតមិត្តភាពចុងក្រោយរវាងក្រុមទាំង២ កាលពីថ្ងៃទី១៦ ខែតុលា ឆ្នាំ២០១៨ គឺក្រុមកម្ពុជាបានចាញ់ក្រុមសិង្ហបុរី ២-១ ។
ចំណែកការជួបគ្នាជាថ្មី កាលពីល្ងាចថ្ងៃទី១១ ធ្នូ ក្រុមគោព្រៃកម្ពុជាត្រូវអ្នកគាំទ្រមើលឃើញថាមានប្រៀបជាងក្រុមម្ចាស់ផ្ទះសិង្ហបុរី ទាំងការគ្រប់គ្រងបាល់ ទាំងឱកាសស៊ុតបញ្ចូលទី និងបាល់ទាត់ជ្រុងជាដើមគឺមានប្រៀបជាងទាំងអស់ ។ បើអ្នកចាំទីកម្ពុជាមិនបង្កកំហុសដូចរៀបរាប់ខាងលើទេគឺច្បាស់ណាស់ក្រុមកម្ពុជានឹងឈ្នះឬស្មើមិនខាន ។ សូម្បីតែអ្នកគាំទ្រក្រុមសិង្ហបុរីក៏និយាយថា ក្រុមរបស់គេបើលេងរបៀបនេះមិនឈ្នះកម្ពុជាទេ ។
គួរឱ្យដឹងផងដែរថា ប្រវត្តិប្រកួត៩លើករបស់ក្រុមគោព្រៃកម្ពុជាក្នុងពាន ASEAN Championship គឺធ្លាក់ត្រឹមវគ្គសន្សំពិន្ទុក្នុងពូល។
-ឆ្នាំ១៩៩៦ ចាញ់ទាំង៤ប្រកួត គ្មានពិន្ទុ
-ឆ្នាំ២០០០ ឈ្នះ១ និងចាញ់៣ រកបាន៣ពិន្ទុ (ឈ្នះឡាវ ៣-០)
-ឆ្នាំ២០០២ ឈ្នះ១ និងចាញ់៣ រកបាន៣ពិន្ទុ (ឈ្នះ ហ្វីលីពីន ១-០)
-ឆ្នាំ២០០៤ ចាញ់ទាំង៤ គ្មានពិន្ទុ
-ឆ្នាំ២០០៨ ចាញ់ទាំង៣ គ្មានពិន្ទុ
-ឆ្នាំ២០១៦ ចាញ់ទាំង៣ គ្មានពិន្ទុ
-ឆ្នាំ២០១៨ ឈ្នះ១ និងចាញ់៣ រកបាន៣ពិន្ទុ (ឈ្នះ ឡាវ ៣-១)
-ឆ្នាំ២០២០ ឈ្នះ១ និងចាញ់៣ រកបាន៣ពិន្ទុ (ឈ្នះឡាវ ៣-០)
-ឆ្នាំ២០២២ ឈ្នះ២ និងចាញ់២ រកបាន៦ពិន្ទុ (ឈ្នះហ្វីលីពីន ៣-២ និងឈ្នះ ព្រុយណេ ៥-១)
-ឆ្នាំ២០២៤? ៕
ចែករំលែកព័តមាននេះ