នគរបាលស្រុកសំរោងទង ឃាត់ខ្លួនជនសង្ស័យ០៦នាក់ ពាក់ព័ន្ធគ្រឿងញៀ.ន
ខេត្តកំពង់ស្ពឺ ៖ ដោយអនុវត្ដបទបញ្ជាលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការដឹកនាំផ្ទាល់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង…
ខេត្តកំពង់ស្ពឺ ៖ ដោយអនុវត្ដបទបញ្ជាលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការដឹកនាំផ្ទាល់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង កម្លាំងផ្នែកប្រឆាំងគ្រឿងញៀនស្រុក បានធ្វើការចុះស្រាវជ្រាវបង្ក្រាបមុខសញ្ញាជួញដូរដោយខុសច្បាប់ នូវសារធាតុញៀន ដោយឃាត់ខ្លួនជនសង្ស័យចំនួន០៦នាក់កាពីវេលាម៉ោង១៥និង៥០នាទីថ្ងៃទី៥ ខែធ្នូ ឆ្នាំ២០២៤ នៅចំណុចភូមិបឹងទន្លាប់ ឃុំវល្លិស ស្រុកសំរោងទង ខេត្តកំពង់ស្ពឺ ។
ជនសង្ស័យទាំង០៦នាក់ រួមមាន ៖
១.ឈ្មោះ ម៉ៅ រ៉ា ភេទប្រុស អាយុ ៣២ឆ្នាំ នៅភូមិរំចេក ឃុំរំលេច ស្រុកកំពង់សៀម ខេត្តកំពង់ចាម ។ ដកហូត ម៉ូតូ១គ្រឿង និងទូរសព្ទ១គ្រឿង ។
២.ឈ្មោះ ម៉ៅ សៅ ភេទប្រុស អាយុ ២៧ឆ្នាំ នៅភូមិស្វាយជួរ ឃុំក្រាំងចេក ស្រុកសាមគ្គីមុន្នីជ័យ ខេត្តកំពង់ស្ពឺ ។ ដកហូតគ្រឿងញៀន១កញ្ចប់តូច ។
៣.ឈ្មោះ ឃុន មករា (ហៅរ៉ា) ភេទប្រុស អាយុ ៣៦ឆ្នាំ នៅភូមិបឹងទន្លាប់ ឃុំវល្លិស ស្រុកសំរោងទង ខេត្តកំពង់ស្ពឺ ។ ដកហូត គ្រឿងញៀនចំនួន៣កញ្ចប់ (មធ្យម១កញ្ចប់, តូច២កញ្ចប់) ជញ្ជីងអេឡិចត្រូនិច សម្រាប់ថ្លឹងគ្រឿងញៀន ១គ្រឿង ។
៤.ឈ្មោះ ភួង គីមហុង ភេទប្រុស អាយុ ២៧ឆ្នាំ នៅភូមិត្រពាំងជ្រៃ ឃុំព្នាយ ស្រុកសំរោងទង ខេត្តកំពង់ស្ពឺ ។
៥.ឈ្មោះ ប៉ុក សុខហន ហៅ(ហេ) ភេទប្រុស អាយុ ៣៦ឆ្នាំ នៅភូមិព្រៃទួល ឃុំវល្លិសរស្រុកសំរោងទង ខេត្តកំពង់ស្ពឺ ។ ដកហូត ទូរសព្ទដៃ ១គ្រឿង ។
និង៦.ឈ្មោះ អ៊ូច សុខុម ហៅ(អេ) ភេទប្រុស អាយុ២៩ឆ្នាំ នៅភូមិទួលសំណាង ឃុំវល្លិស ស្រុកសំរោងទង ខេត្តកំពង់ស្ពឺ ។ ដកហូត គ្រឿងញៀនចំនួន២២កញ្ចប់ (មធ្យម១កញ្ចប់, តូច២១កញ្ចប់) ជញ្ជីងអេឡិចត្រូនិច សម្រាប់ថ្លឹងគ្រឿងញៀន១គ្រឿង និងទូរសព្ទដៃ ១គ្រឿង ។
នគរបាល ដកហូតវត្ថុតាង រួមមាន ៖
-ម្សៅក្រាម ពណ៍សថ្លា សង្ស័យជាគ្រឿងញៀន ចំនួន២៥កញ្ចប់ (មធ្យម២កញ្ចប់ និងតូច២៣កញ្ចប់)
-ជញ្ជីងអេឡិចត្រូនិច ចំនួន ២ គ្រឿង
-ម៉ូតូ ១គ្រឿង
-ទូរសព្ទដៃ ចំនួន ៤គ្រឿង។
ករណីខាងលើ ជនសង្ស័យ និងវត្ថុតាង ត្រូវបានសមត្ថកិច្ច កសាងសំណុំរឿងបញ្ជូនទៅការិយាល័យជំនាញ ស្នងការដ្ឋាននគរបាលខេត្តកំពង់ស្ពឺ ដើម្បីមានចំណាត់ការបន្ដ ៕
ចែករំលែកព័តមាននេះ