ផ្សារតួរថយន្តធ្លាក់កម្ទេចផ្កាភ្លើង ឆាបឆេះរថយន្ត២៤កៅអី ១គ្រឿង និងផ្ទះឈើ ១ខ្នង
ខេត្តកណ្ដាល ៖ ករណីអគ្គិភ័យបានឆាបឆេះរថយន្តម៉ាក សាំយ៉ុង មួយគ្រឿង ហើយឆេះរាលដាលដល់ផ្ទះឈើ ១ខ្នង នៅក្បែរនោះ ផ្អើលសមត្ថកិច្ចចុះអន្តរាគមន៍ ។…
ខេត្តកណ្ដាល ៖ ករណីអគ្គិភ័យបានឆាបឆេះរថយន្តម៉ាក សាំយ៉ុង មួយគ្រឿង ហើយឆេះរាលដាលដល់ផ្ទះឈើ ១ខ្នង នៅក្បែរនោះ ផ្អើលសមត្ថកិច្ចចុះអន្តរាគមន៍ ។
ហេតុការណ៍នេះដែរបានកើតឡើងកាលពីវេលាម៉ោង១១ និង៣០នាទីព្រឹកថ្ងៃទី០៧ ខែធ្នូ ឆ្នាំ២០២៤ នៅត្រង់ចំណុចផ្លូវលេខ២១១ ក្នុងភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
តាមប្រភពព័ត៍មានពីម្ចាស់ផ្ទះ បានប្រាប់អោយដឹងថា មុនកើតហេតុ មានភ្ញៀវបានយករថយន្តខូចមួយគ្រឿង ម៉ាក សាំយ៉ុង ប្រភេទ ២៤កៅអី បានយកមកអោយកន្លែងរបស់គាត់ គោលបំណងជួសជុលតោនផ្សារបាញ់ថ្នាំ អោយថ្មីឡើងវិញ ។ ខណៈពេលជាងចាប់ផ្តើមផ្សារតួរថយន្ត ត្រង់ចំណុចកន្លែងដែលខូចនោះ ក៏ស្រាប់តែធ្លាក់កម្ទេចផ្កាភ្លើង បណ្តាលអោយឆាបឆេះរថយន្តតែម្តង។ ហើយភ្លើងបានឆេះរាលដាលដល់ផ្ទះឈើប្រក់ស័ង្កសី ០១ខ្នង នៅក្បែរនោះ ឆេះអស់ទាំងស្រុង ។
ករណីអគ្គិភ័យខាងលើនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យ ចំនួន០៤គ្រឿង ក្នុងនោះមានរថយន្តស្នងការដ្ឋានខេត្តកណ្តាល រួមជាមួយរថយន្តជំនួយរបស់បញ្ជាការដ្ឋានអង្គរក្ស បាញ់រហូតអោយរលត់ជាស្ថាពរ។ ចំពោះមូលហេតុ សមត្ថកិច្ចជំនាញបានស្រាវជ្រាវរកឃើញថា បណ្តាលមកពីជាងផ្សាររថយន្ត ហើយធ្លាក់កម្ទេចផ្កាភ្លើង បង្កជាគ្គិភ័យ ៕
ចែករំលែកព័តមាននេះ