រាជធានីភ្នំពេញ ៖ គូសង្សារថ្មោងថ្មីមួយគូរដែលស្រឡាញ់គ្នាស្ម័គ្រស្មោះរហូតសម្រេចចិត្តរួមរស់ជាមួយគ្នាបានរយៈពេលជិតកន្លះឆ្នាំមកហើយនោះ ពេលនេះបានឈានដល់ផ្លូវបំបែក បន្ទាប់ពីអ្នកទាំង២បានបបួលគ្នាទៅអង្គុយសាសងនៅសួនកម្សាន្តកោះពេជ្រ
រាជធានីភ្នំពេញ ៖ គូសង្សារថ្មោងថ្មីមួយគូរដែលស្រឡាញ់គ្នាស្ម័គ្រស្មោះរហូតសម្រេចចិត្តរួមរស់ជាមួយគ្នាបានរយៈពេលជិតកន្លះឆ្នាំមកហើយនោះ ពេលនេះបានឈានដល់ផ្លូវបំបែក បន្ទាប់ពីអ្នកទាំង២បានបបួលគ្នាទៅអង្គុយសាសងនៅសួនកម្សាន្តកោះពេជ្រកាលពីយប់ថ្ងៃទី២៨ សីហា ២០១៣ ហើយត្រូវចោរលួចម៉ូតូទៅបាត់។
លុះនៅព្រឹកថ្ងៃទី២៩ សីហា ២០១៣ ពួកគេបានឈ្លោះទាស់ទែងគ្នារហូតប្រើហិង្សា ដោយភាគីខាងបុរសបានវាយទៅលើនារីជាសង្សារនៅកន្លែងធ្វើការរបស់ខ្លួនស្ថិតក្នុងផ្សារបឹងត្របែកផ្លាហ្សា។
តាមប្រភពបានឱ្យដឹងថា បុរសជាសង្សារត្រូវគេស្គាល់ឈ្មោះជា កុសល អាយុ៣០ឆ្នាំ ជាជាងកាត់សក់នៅក្នុងផ្សារបឹងត្របែកផ្លាហ្សា ស្នាក់នៅផ្ទះជួលក្នុងសង្កាត់ទន្លេបាសាក់ ខណ្ឌចំការមន ចំណែកនារីជាសង្សារឈ្មោះសំ រីណា អាយុ២៦ឆ្នាំ ស្នាក់នៅផ្ទះជួលជាមួយគ្នា ។ ក្រោយពីកើតមានហិង្សាភ្លាមៗ នគរបាលប៉ុស្តិ៍បឹងត្របែកបានចុះអន្តរាគមន៍ឃាត់ខ្លួនគូសង្សារទាំង២នាក់យកមកកាន់ស្នាក់ការប៉ុស្តិ៍ដើម្បីសួរនាំ និងធ្វើការអប់រំ ហើយឱ្យត្រឡប់ទៅផ្ទះវិញ។
តាមការរៀបរាប់របស់បុរសឈ្មោះជា កុសល បានឱ្យដឹងថា មូលហេតុដែលបង្កឱ្យទៅជាហិង្សានេះដោយសារខ្លួនមានការសង្ស័យលើនារីជាសង្សារថា បានបើកដៃឱ្យចោរលួចម៉ូតូរបស់ខ្លួននៅកោះពេជ្រ ប៉ុន្តែភាគីខាងនារីបានបសិសេធថា មិនមានគំនិតធ្វើដូច្នោះឡើយ៕
ចែករំលែកព័តមាននេះ