សម្លកំពឹសគ្រូមា លី សាម៉េត តំណងអយ្យការសម្រេចធ្វើការចោទប្រកាន់ស្ត្រី២នាក់ទៀត បន្ទាប់ពី ACU បញ្ជូនដល់ដៃ
រាជធានីភ្នំពេញ ៖ នារសៀលថ្ងៃទី២៩ ខែវិច្ឆិកា ឆ្នាំ២០២៤ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសា…
រាជធានីភ្នំពេញ ៖ នារសៀលថ្ងៃទី២៩ ខែវិច្ឆិកា ឆ្នាំ២០២៤ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសា លាដំបូងរាជធានីភ្នំពេញ បានប្រកាសព័ត៌មានទាក់ទងសំណុំរឿងសម្លកំពឹសគ្រូមា លី សាម៉េត ថា មានស្ត្រី២នាក់ ត្រូវបានអង្គភាពប្រឆាំងអំពើពុករលួយ ចាប់បញ្ជូនទៅស្ថាប័នអយ្យការសាលាដំបូងរាជធានីភ្នំពេញ ករណីនេះ តំណាងអយ្យការបានសម្រេចចោទប្រកាន់លើ ជនសង្ស័យ ៤នាក់ រួមមាន ៖
១. ឈ្មោះ ឆាយ សុវណ្ណារី ហៅ ចែមួយ
២. ឈ្មោះ ហ៊ើង ទិត្យរាត្រីលក្ខណ៍ ហៅស្រីមុំ
៣. ឈ្មោះ មួង ឃីម
៤. ឈ្មោះ លី សាម៉េត ហៅគ្រូមា ។
តំណាងអយ្យការសម្រេចចោទប្រកាន់ពីបទ.ប៉ុនប៉ងសូកប៉ាន់ តាមមាត្រា ២៧ និងមាត្រា ៦០៥ នៃក្រមព្រហ្មទណ្ឌ និងមាត្រា ៣២ នៃច្បាប់ស្តីពីការប្រឆាំងអំពើពុករលួយ ។
ក្រោយពីចោទប្រកាន់ជាផ្លូវការ តំណាងអយ្យការអមសាលាដំបូងរាជធានីភ្នំពេញ បានបញ្ជូនសំណុំរឿងនេះ ទៅចៅក្រមស៊ើបសួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។
សូមជម្រាបថា នៅថ្ងៃដដែលនេះ អង្គភាពប្រឆាំអំពើពុករលួយ បានបញ្ជូនស្ត្រី២នាក់ ម្នាក់ឈ្មោះ ឆាយ សុវណ្ណារី ហៅ ចែមួយ និងម្នាក់ឈ្មោះ ហ៊ើង ទិត្យរាត្រីលក្ខណ៍ ហៅស្រីមុំ ពាក់ពន្ធសំណុំរឿងសំម្លកំពឹសគ្រូមា លី សាម៉េត ។ ក្នុងសំណុំរឿងនេះដែរ កន្លងមកតុលាការ ក៏សម្រេចឃុំខ្លួនជនសង្ស័យជិត១០នាក់ ហើយដូចជា ៖
១. លោក លី សាម៉េត ហៅគ្រូមា
២. លោក ដួង ដារា
៣. លោក មួង ឃីម
៤. លោក អ៊ុត ធី
៥. លោក ឡាយ វិសិដ្ឋ
៦. លោក កាយ សុខកាន ។
សូមជម្រាបថា អង្គភាពប្រឆាំងអំពើពុករលួយ បានឲ្យដឹងថា ACU បាននិងកំពុងតែពិនិត្យករណីវិវាទដីធ្លីរបស់អ្នកវិនិយោគធំៗ ដែលមានការជាប់ពាក់ព័ន្ធគ្នាដូចសម្លកំពឹង នៅក្នុងនោះក៏មានងារជាឧកញ៉ា ចូលរួមផងដែរ ៕
ចែករំលែកព័តមាននេះ