រាជធានីភ្នំពេញ ៖ ក្នុងពិធីបើកកិច្ចប្រជុំកំពូលសេដ្ឋកិច្ច និងបច្ចេកវិទ្យាចិនពិភពលោក (GCET) ឆ្នាំ២០២៤ និងកិច្ចប្រជុំពាក់ព័ន្ធនានាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា…
រាជធានីភ្នំពេញ ៖ ក្នុងពិធីបើកកិច្ចប្រជុំកំពូលសេដ្ឋកិច្ច និងបច្ចេកវិទ្យាចិនពិភពលោក (GCET) ឆ្នាំ២០២៤ និងកិច្ចប្រជុំពាក់ព័ន្ធនានាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានឲ្យដឹងថា កម្ពុជាផ្តល់ជូននូវភាពជាម្ចាស់អាជីវកម្មបរទេស១០០ ភាគរយ ដោយមិនមានការរឹតបន្តឹងលើប្រាក់ចំណេញ និងការផ្ញើដើមទុនត្រឡប់ទៅវិញនោះទេ នេះជាចំណុចខុសគ្នាជាមួយប្រទេសមួយចំនួនក្នុងតំបន់ ។
នៅព្រឹកថ្ងៃទី២៦ ខែវិច្ឆិកា ឆ្នាំ២០២៤ ក្នុងពិធីបើកកិច្ចប្រជុំកំពូលសេដ្ឋកិច្ច និងបច្ចេកវិទ្យាចិនពិភពលោក (GCET) ឆ្នាំ២០២៤ និងកិច្ចប្រជុំពាក់ព័ន្ធនានា សម្តេចមហាបវរធិបតី ហ៊ុន ម៉ាណែត បានឲ្យដឹងថា កម្ពុជាជាប្រទេសមួយក្នុងចំណោមប្រទេសដែលមានសេដ្ឋកិច្ចបើកចំហ និងសេរីបំផុតនៅអាស៊ី ។
សម្តេចមហាបវរធិបតី មានប្រសាសន៍ថា «ទាំងនេះមិនមែនគ្រាន់តែជាពាក្យរបស់ខ្ញុំទេ គោលនយោបាយទាំងនេះត្រូវបានចែកពេញលេញនៅក្នុងការប្ដេជ្ញាចិត្តរបស់យើងចំពោះ WTO នៅក្នុងច្បាប់របស់យើង ។ ជាឧទាហរណ៍ យើងបានផ្តល់ជូននូវភាពជាម្ចាស់អាជីវកម្មបរទេស១០០ភាគរយ ដោយមិនមានការរឹតបន្តឹងលើប្រាក់ចំណេញ និងការផ្ញើដើមទុនត្រឡប់ទៅវិញនោះទេ ដែលនេះ គឺជាចំណុចខុសគ្នាជាមួយប្រទេសមួយចំនួននៅក្នុងតំបន់» ។
ជាមួយគ្នានោះដែរ សម្តេចមហាបវរធិបតី បន្ដថា តាមរយៈការអនុញ្ញាតឱ្យអ្នកវិនិយោគរក្សាប្រាក់ចំណេញរបស់ពួកគេកាន់តែច្រើនពិតជាបានធ្វើឱ្យកម្ពុជាក្លាយជាគោលដៅដែល មានភាពប្រកួតប្រជែងសម្រាប់ការវិនិយោគ ។
សម្តេចមហាបវរធិបតីនាយករដ្ឋមន្ត្រី បានសម្តែងការជឿជាក់ថា «ជោគជ័យរបស់អ្នកវិនិយោគ គឺជាជោគជ័យរបស់រាជរដ្ឋាភិបាលផងដែរ ។ កម្ពុជាមានកម្មវិធីលើកទឹកចិត្តកម្រិតខ្ពស់ដែលមានភាពទន់ភ្លន់ខ្លាំងនៅក្នុងតំបន់ដែលត្រូវបានរចនាឡើង ដើម្បីជួយអាជីវកម្ម និងការវិនិយោគឱ្យមានការរីកចម្រើន ។ បណ្តាញនៃកិច្ចព្រមព្រៀងពាណិជ្ជកម្មរបស់កម្ពុជា បានផ្តល់នូវវិសាលភាពទីផ្សារធំទូលាយ ។
សម្តេចមហាបវរបធិបតី បានបន្ថែមថា តាមរយៈភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP), កម្ពុជា ផ្តល់នូវទីផ្សារដែលមានប្រជាជន ២,៣ ប៊ីលាននាក់ និងកម្លាំងសេដ្ឋកិច្ច ដែលស្មើនឹងជិតមួយភាគបីនៃផលិតផលក្នុងស្រុក សរុបរបស់ពិភពលោក ។
ក្នុងឱកាសនោះដែរ សម្តេចមហាបវរធិបតី បន្ដទៀតថា ក្រុមហ៊ុនបច្ចេកវិទ្យាទាំងអស់ គឺបានន័យថា នេះមិនមែនជាការចូលទៅកាន់ទីផ្សារក្នុងស្រុករបស់ប្រទេសកម្ពុជាដែលមានអ្នកប្រើប្រាស់១៦លាននាក់ប៉ុណ្ណោះទេ ប៉ុន្តែ គឺជាការចូលទីផ្សាររួមដែលមានប្រជាជនរាប់ ពាន់លាននាក់ ។ កម្ពុជាមិនត្រឹម តែផ្តល់ជូនវិនិយោគិននូវកន្លែងសម្រាប់ការវិនិយោគប៉ុ ណ្ណោះទេ កម្ពុជាកំពុងតែផ្តល់ជូនពួកគេនូវសក្តានុពលឆ្ពោះទៅអនាគតរបស់តំបន់នេះ ៕
ចែករំលែកព័តមាននេះ