ប្រធានរដ្ឋសភាវៀតណាម មកទស្សនកិច្ចជាផ្លូវការ នៅកម្ពុជា
រាជធានីភ្នំពេញ ៖ ដូចតាមការគ្រោងទុក ឯកឧត្តម ត្រិន ថាញ់មិន (H.E. Mr. Tran Thanh…
រាជធានីភ្នំពេញ ៖ ដូចតាមការគ្រោងទុក ឯកឧត្តម ត្រិន ថាញ់មិន (H.E. Mr. Tran Thanh Man) ប្រធានរដ្ឋសភា នៃសារធារណរដ្ឋសង្គមនិយមវៀតណាម បានមកទស្សនកិច្ច ជាផ្លូវការ នៅកម្ពុជា រយៈពេល៤ថ្ងៃ ។
នៅរសៀលថ្ងៃទី២១ ខែវិច្ឆិកា ឆ្នាំ២០២៤ នៅអាកាសយានដ្ឋានអន្តរជាតិភ្នំពេញ ឯកឧត្តម វង សូត អនុប្រធានទី២ រដ្ឋសភា ព្រមទាំងឯកឧត្តម លោកជំទាវ សមាជិក សមាជិកា នៃរដ្ឋសភា បានអញ្ជើញទទួលស្វាគមន៍ដំណើរទស្សនកិច្ច ជាផ្លូវការ មកកាន់ព្រះរាជាណាចក្រកម្ពុជា របស់គណៈប្រតិភូជាន់ខ្ពស់រដ្ឋសភា នៃសាធារណរដ្ឋសង្គមនិយមវៀតណាម ដែលដឹកនាំដោយឯកឧត្តម ត្រិន ថាញ់មិន (H.E. Mr. Tran Thanh Man) ប្រធានរដ្ឋសភា នៃសារធារណរដ្ឋសង្គមនិយមវៀតណាម ។
ក្នុងដំណើរទស្សនកិច្ចជាផ្លូវការរបស់ឯកឧត្តម ត្រិន ថាញ់មិន ប្រធានរដ្ឋសភា នៃសាធារណរដ្ឋសង្គមនិយមវៀតណាម រយៈពេល៤ថ្ងៃនៅកម្ពុជា លោកគ្រោងជួបសវនាកា និងជំនួបទ្វេភាគីជាមួយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ចូលជួបសម្តែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានឧត្តមប្រឹក្សាព្រះមហាក្សត្រ ចូលជួបសម្តែងការគួរសមជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ចូលជួបសម្តែងការគួរសមជាមួយសម្តេចអគ្គមហាពញាចក្រី ហេង សំរិន ប្រធានកិត្តិយសឧត្តមប្រឹក្សាព្រះមហាក្សត្រ និងចូលជួបសម្តែងការគួរសមជាមួយសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ព្រមទាំងចូលរួមសម្ពោធដាក់ឱ្យប្រើប្រាស់នៅអគាររដ្ឋបាលរបស់រដ្ឋសភាកម្ពុជា ដែលជាជំនួយឥតសំណងរបស់រដ្ឋាភិបាលធារណរដ្ឋសង្គមនិយមវៀតណាម និងអញ្ជើញចូលក្នុងកិច្ចប្រជុំ ICAAP និងកិច្ចប្រជុំ IPTP ដែលកម្ពុជាធ្វើជាម្ចាស់ផ្ទះ ៕
ចែករំលែកព័តមាននេះ