រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញបទបញ្ជាឲ្យសមត្ថកិច្ចគ្រប់ជាន់ថ្នាក់ទាំងអស់ ត្រូវតែខិតខំធ្វើការស្រាវជ្រាវវែកមុខចាប់ខ្លួនក្រុមសង្គមងងិតដែលកំពុងពួនសំងំស្នាក់នៅក្នុងតាមផ្ទះ អគារនៅក្នុងប្រទេសកម្ពុជាហើយ ធ្វើសកម្មភាពឆ…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញបទបញ្ជាឲ្យសមត្ថកិច្ចគ្រប់ជាន់ថ្នាក់ទាំងអស់ ត្រូវតែខិតខំធ្វើការស្រាវជ្រាវវែកមុខចាប់ខ្លួនក្រុមសង្គមងងិតដែលកំពុងពួនសំងំស្នាក់នៅក្នុងតាមផ្ទះ អគារនៅក្នុងប្រទេសកម្ពុជាហើយ ធ្វើសកម្មភាពឆ បោកតាមប្រព័ន្ធអនឡាញឲ្យអស់។
ថ្លែងក្នុងពិធីបើកសម្ពោធដាក់ឱ្យប្រើប្រាស់ជាផ្លូវការ វិថីតេជោសន្តិភាពឆ្នេរអង្កោលប្រវែងសរុប១២.៦៤៥ ម៉ែត្រ នៅព្រឹកថ្ងៃទី១១ វិច្ឆិកា ឆ្នាំ២០២៤ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានដាក់បទបញ្ជាឱ្យអាជ្ញាធរគ្រប់លំដាប់ថ្នាក់គ្រប់គ្រងឱ្យបានជនបរទេសស្នាក់នៅក្នុងប្រទេសកម្ពុជាក្នុងករណីលួចបើកសកម្មភាពឆបោកតាមអនឡាញដោយបន្តទប់ស្កាត់ និងបង្ក្រាបឱ្យបាន ។
សម្ដេចបវរធិបតីបានលើកឡើងថា តំបន់ទេចរណ៍ដាច់ខាតត្រូវមានសន្ដិសុខ សុវត្ថិភាព គ្មានអ្នកណាមួយ មកលេងខេត្តកែបមានបញ្ហានោះទេ ហើយត្រូវធ្វើសកម្មភាពគ្រប់គ្រងឱ្យបានល្បែងស៊ីសង់ ក្មេងទំនើង និងបញ្ហាចោរកម្មផ្សេងៗ ដើម្បីឱ្យប្រជាពលរដ្ឋ នៅក្នុងស្រុក ក៏ដូចជាក្នុងខេត្ត ហើយអ្នកទេសចរណ៍មកពីខាងក្រៅ មានអារម្មណ៍ល្អ និងមានសុវត្ថិភាពដោយគ្មានការព្រួយបារម្ភភ័យខ្លាច ។
ក្នុងឱកាសនោះដែរ សម្ដេចបវរធិបតីក៏បានគូសបញ្ជាក់ថា៖«អ្វីដែលជាពិសេស ត្រូវមើលវត្តមានសង្គមងងងិតក្រុមជនបរទេសមកជួលផ្ទះជួលអី លួចបើកអនឡាញ ត្រូវធ្វើឱ្យបានគ្រប់គ្រងឱ្យជាប់ មានករណីជម្លោះប្រហោងយើងបានចាត់វិធានការហើយ តែត្រូវធ្វើយ៉ាងម៉េចកុំឱ្យមាននៅខេត្តកែប ខេត្តកំពត ខេត្តអីផ្សេងៗត្រូវធ្វើកិច្ចការងារនេះឲ្យជាប់។ មកបន្លំជួលផ្ទះ ឬជួលអូតែល «…» បើកហ្គេមអនឡាញ ត្រូវចាប់មកអនុវត្តតាមច្បាប់ឲ្យបាន» ។
សម្ដេចធិបតី ហ៊ុន ម៉ាណែត ក៏បានជំរុញឱ្យអាជ្ញាធរពាក់ព័ន្ធទាំងអស់ ជាពិសេស ក្រសួងទេសចរណ៍ រៀបចំបង្កើតផលិតផលទេសចរណ៍ថ្មីៗកញ្ចប់ទេសចរណ៍ និងបង្កើតកម្មវិធីព្រឹត្តិការណ៍ឱ្យបានច្រើន ដើម្បីទាក់ទាញភ្ញៀវទេសចរជាតិ និងអន្តរជាតិមកទស្សនានៅក្នុងតំបន់របស់ខ្លួន ។
ជាមួយគ្នានោះដែរ ក៏បានកោតសរសើចំពោះសមត្ថកិច្ចកាលពីកន្លងមកនេះ បានធ្វើការបង្ក្រាបក្រុមសង្គមងងិតបានមួយចំនួនផងដែរ ។
សម្តេចបវរធិបតីបានបន្ថែមសត្ថកិច្ចត្រូវតែបន្តធ្វើការជាប្រចាំចំពោះជនបរទេសដែលស្នាក់នៅក្នុងប្រទេសកម្ពុជា ។ សម្តេចបវរធិបតីបានអះអាងថា កាលពេលកន្លងមកហើយពេលនេះ សម្តេចបានប្រកាសមិនអនុញ្ញាតឲ្យមានការបើកកាស៊ីណូជាដាច់ខាតនៅក្នុងទឹកដីខេត្តកែបនោះទេ ។
សម្តេចបវរធិបតីបានបញ្ជាក់ថា «សុំឡាយសិនធ្វើតំបន់សេដ្ឋកិច្ចពិសេស សុំឡាយ សិនធ្វើអេកូតូរីសឹម សុំឡាយសិនធ្វើអី ខ្ញុំឲ្យតែបើសុំឡាយសិន ធ្វើកាស៊ីណូនៅ ក្នុងទឹកដី ខេត្ត កែបខ្ញុំមិនឲ្យនោះទេ!ខ្ញុំសុំបញ្ជាក់ឲ្យអីញ្ចឹងតែម្តង។ យើងមិនចាំបាត់អាហ្នឹងទេ តែបើវិនិ យោគ ធ្វើផែដើម្បីកាណូត កប៉ាល់ចូលមកយើងok អីញ្ចឹងត្រូវទប់ឲ្យជាប់ចំពោះករណីខាងលើនេះ »៕
ចែករំលែកព័តមាននេះ