រាជធានី​ភ្នំពេញ​ ៖ តូបលក់បាយនិងលក់កាហ្វេ សងនៅចិញ្ចើមផ្លូវហេីយជាប់នឹងបង្គោលភ្លើងដ៏ធំមួយត្រូវបានអគ្គិភ័យឆាបឆេះស្ទើរទាំងស្រុង តែមិនបង្កគ្រោះថ្នាក់ដល់បងប្អូនប្រជាពលរដ្ឋនៅទីតាំងកន្លែងកើតហេតុនោះឡើយ ដោយរថយន្តពន្លត់អគ្គិភ័យមកជួយបាញ់ទាន់ពេលវេលា ។

ហេតុការណ៍ខាងលើនេះ បាន​បង្កការភ្ញាក់ផ្អើលកើតឡើង​កាលពីវេលាម៉ោង១នឹង២០នាទីរំលងអធ្រាត្រឈានចូលថ្ងៃទី៤ ខែវិច្ឆិកា ឆ្នាំ​២០២៤​ នៅជិត​ផ្សារ​អង្គ​ ដែលស្ថិត​សង្កាត់​ចោមចៅ​ ទី៣​ខណ្ឌ​ពោធិ​សែនជ័យ​។

តាមប្រភពព័ត៌មានពីបងប្អូនប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុ ដោយ​មាន​ទុស្សេចេញពីបង្គោលភ្លើងនៅចំណុចកើតហេតុ ​។ បន្ទាប់មក ដោយមានផ្កាភ្លើងធ្លាក់ឆេះតូប​លក់បាយ​នឹងលក់កាហ្វេបងប្អូនរបស់​បងប្អូន​ប្រជាពលរដ្ឋ ដែលសងខាងក្រោមបង្គោលភ្លើងនោះ បណ្តាលឲ្យឆាបឆេះយ៉ាងសន្ធោសន្ធៅ ខណៈពេលភ្លាមៗដោយបងប្អូនប្រជាពលរដ្ឋបានទាក់ទងទៅរថយន្តពន្លត់អគ្គិភ័យ ដើម្បីជួយសង្គ្រោះបន្ទាន់ភ្លាម​ៗផងដែរ ។

នៅក្នុងនោះផងដែរ ដោយរថយន្តពន្លត់អគ្គិភ័យមកចំនួន៥គ្រឿង ដេីម្បីមកជួយ​ពន្លត់​ ក្នុងនោះរថយន្តរបស់ស្នងការនគរបាលរាជធានីភ្នំពេញមក ចំនួនមួយគ្រឿងនិងរថយន្តពន្លត់អគ្គិភ័យរបស់ កងពលតូចលេខ៧០ នឹង​អង្គភាព​៧១១បានមកដល់ទីតាំងកន្លែងកើតហេតុចំនួន៤គ្រឿងក្នុងនោះផងដែរ រថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញបានបាញ់ចំនួនមួយគ្រឿងនិងរថយន្តពន្លត់អគ្គិភ័យរបស់អង្គភាពកងពលតូចលេខ៧០បានបាញ់អស់ចំនួនមួយគ្រឿង​ សរុបទាំងអស់គឺអស់ចំនួនពីរគ្រឿង​ តែសំណាងល្អ​មិន​មាន​គ្រោះ​ថ្នាក់​ដល់​បង​ប្អូន​ប្រជាពល​រដ្ឋ​ ។

ប្រជាពលរដ្ឋនៅកន្លែងកើតហេតុបានរៀបរាប់ប្រាប់ថា ទីតាំងខាងលើមានករណី​ឆ្លងចរន្ត​អគ្គិសនីទុស្សេជាច្រើនលើកមកហើយ ចំណែកខាងជំនាញ អគ្គិសនីក៏​​បានចុះ​មកឆែកទីតាំងខាងលើក៏ច្រើនលើកមកហើយ​ដែរ ​។ លុះមកដល់យប់កើតហេតុ ​ស្រាប់តែ​មានករណីខាងលើកើតឡើងនិងបង្កឲ្យរងការខូចខាតតូបចំនួនបួនតូប អស់​​ស្រុងតែម្តង​។

ក្រោយពេលកើតហេតុ បន្ទាប់ពីរថយន្តពន្លត់អគ្គិភ័យបាញ់ពន្លត់រួច ដោយមានរថយន្តខាងផ្នែកអគ្គិសនីបានចុះមកទីតាំងកន្លែងកើតហេតុភ្លាមភ្លាមដើម្បី រៀបចំខ្សែភ្លើង​នឹង​បង្គោល​ភ្លេីង​ខាងលេីជា​បន្តបន្ទាប់​ ៕​