រាជធានីភ្នំពេញ ៖ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាល ឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់ព្រះរាជពិធីបុណ្យអុំទូកទូកឆាប់ៗនេះ រដ្ឋបាលរាជធានីភ្នំពេញបាន និងកំពុងមមារញឹកសំរុកជួសជុល…
រាជធានីភ្នំពេញ ៖ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាល ឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់ព្រះរាជពិធីបុណ្យអុំទូកទូកឆាប់ៗនេះ រដ្ឋបាលរាជធានីភ្នំពេញបាន និងកំពុងមមារញឹកសំរុកជួសជុល ផ្លាស់ប្តូរថ្មីសម្ភារកុមារលេង និងកែលម្អ សួនកុមារវត្តភ្នំ និងសួនមុខវត្តបុទុមវតីឱ្យបានរួចរាល់មុនព្រះរាជធពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលនឹងប្រព្រឹត្តទៅ នាពេលឆាប់ៗខាងមុខនេះ ។
មន្ត្រីរដ្ឋបាលរាជធានីភ្នំពេញបានឱ្យដឹងថា ដោយមានការគិតគូរយ៉ាងយកចិត្តទុកដាក់ពី ឯកឧត្ដម ឃួង ស្រេង អភិបាលនៃគណៈរាជធានីភ្នំពេញ ដែលលោកតែងតែគិតគូរ ដើម្បីត្រៀមទទួលបងប្អូនប្រជាពលរដ្ឋ និងបង្កលក្ខណៈសប្បាយរីករាយដល់កុមារ ក៏ដូចជាអាណាព្យាបាលឪពុកម្តាយ ដែលនាំកូនមកដើរលេងកម្សាន្តលំហែលកាយ សម្រាប់ព្រះរាជពិធីបុណ្យអុំទូកទូកនេះ រដ្ឋបាលរាជធានីភ្នំពេញបានធ្វើការជួសជុល ផ្លាស់ប្តូរថ្មីសម្ភារកុមារលេង និងកែលម្អ សួនកុមារវត្តភ្នំ និងសួនមុខវត្តបុទុមវតីឱ្យពួកគាត់លេងកម្សាន្តយ៉ាងសប្បាយរីករាយ ។
មន្ត្រីដដែរបានឱ្យដឹងទៀតថា សួនកុមារវត្តភ្នំ និងសួនកុមារមុខវត្តបទុមវតីនេះ ត្រូវបានជួសជុល កែលម្អជាថ្មីឡើងវិញ ជាពិសេស សម្ភារៈសម្រាប់ក្មេងលេងមានការសឹករិចរិលដូចជាបាដាងដុំបង្វិល និងរបករបើកថ្នាំជាដើមដែលត្រូវធ្វើការផ្លាស់ប្ដូរថ្មី និងជួសជុលផ្នែកខ្លះ ព្រមទាំងលៀងសម្អាតបាញ់ថ្មាំឡើងវិញ ដើម្បីបង្កលក្ខណៈងាយស្រួលដល់កុមារលេងកម្សាន្តសប្បាយ។
មន្ត្រីជំនាញដដែរបានបញ្ជាក់ថា ការងារជួសជុល ផ្លាស់ប្តូរថ្មីសម្ភារៈ កុមារលេង និងកែលម្អ នៅសួនកុមារវត្តភ្នំ និងសួនមុខវត្តបុទុមវតីនេះ បានចាប់អនុវត្តចាប់ពីថ្ងៃទី៣០ខែតុលា២០២៤ ដែលក្រុមការងារកំពុងខិតខំឱ្យរួចរាល់មុនព្រះរាជធពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលនឹងប្រព្រឹត្តិទៅនាពេលឆាប់ៗខាងមុខនេះ ។
សូមបញ្ជាក់ថា សួនកុមារវត្តភ្នំ និងសួនកុមារមុខវត្តបទុមវតី ត្រូវបានរដ្ឋបាលរាជធានីភ្នំពេញកសាងឡើងកាលពីអំឡុងឆ្នាំ២០០៤-២០០៥ មកដល់ពេលនេះមានរយៈពេលប្រមាណ២០ឆ្នាំហើយ ហើយក្នុងពេលកន្លងមករដ្ឋបាលរាជធានីភ្នំពេញមានការជួសជុលជាបន្តបន្ទាប់ដែរ តែសម្រាប់ឆ្នាំនេះជួសជុលលក្ខណៈធំដែលកន្លែងខ្លះត្រូវរើចេញនិងដំឡើងថ្មីតែម្តង៕
ចែករំលែកព័តមាននេះ