វៀតណាម ៖ នាពេលថ្មីៗកន្លងទៅនេះ កម្មវិធីសារព័ត៌មានកោះសន្តិភាព ធ្លាប់បានផ្សព្វផ្សាយអំពីរឿងរ៉ាវមង្គលការក្នុងទឹកជំនន់ដ៏ចម្លែកនៅឯប្រទេសវៀតណាម ដែលពោរពេញទៅដោយស្នាមញញឹម និងក្តីរំភើប ប៉ុន្តែនៅពេលនេះ សូមបង្វែរអារម្មណ៍លោកអ្នកពីរឿងរីករាយមករឿងសោកសៅវិញម្តង ពាក់ព័ន្ធពិធីបុណ្យស.ពដ៏កម្សត់…
វៀតណាម ៖ នាពេលថ្មីៗកន្លងទៅនេះ កម្មវិធីសារព័ត៌មានកោះសន្តិភាព ធ្លាប់បានផ្សព្វផ្សាយអំពីរឿងរ៉ាវមង្គលការក្នុងទឹកជំនន់ដ៏ចម្លែកនៅឯប្រទេសវៀតណាម ដែលពោរពេញទៅដោយស្នាមញញឹម និងក្តីរំភើប ប៉ុន្តែនៅពេលនេះ សូមបង្វែរអារម្មណ៍លោកអ្នកពីរឿងរីករាយមករឿងសោកសៅវិញម្តង ពាក់ព័ន្ធពិធីបុណ្យស.ពដ៏កម្សត់ ដែលត្រូវប្រារព្ធធ្វើទាំងដែលទឹកជំនន់កំពុងជន់លិចដល់ដំបូលផ្ទះ ។
ដូចយើងដឹងហើយថា យោងតាមរបាយការណ៍គិតត្រឹមព្រឹកថ្ងៃទី៣០ ខែតុលា ខេត្តក្វាងប៊ិញរបស់វៀតណាម បានទទួលរងផលប៉ះពាល់យ៉ាងធ្ងន់ធ្ងរដោយព្យុះ Tra Mi ចាប់តាំងតែពីថ្ងៃទី២៥ តុលា ជាពិសេសទឹកជំនន់ដ៏ធ្ងន់ធ្ងរដែលបានបណ្តាលឱ្យលិចទូក៥គ្រឿង និងបានធ្វើឱ្យផ្ទះជាង៣២០០០ខ្នង នៅតែលិចលង់ក្នុងជម្រៅពី០.៥-១ម៉ែត្រ កន្លះជាពិសេស ឆ.ក់យកអាយុជីវិតប្រជាជនវៀតណាមចំនួន៥នាក់ ។
ជនរងគ្រោះដែលស្លា.ប់ទាំង៥ មានក្មេងមានចាស់ប្រុសស្រី ចាប់ពី២១ឆ្នាំ ដល់៦៤ឆ្នាំ នៅស្រុកចំនួន៣ គឺស្រុក Le Thuy; ស្រុក Quang Ninh និងទីក្រុង Dong Hoi ។ ហើយឈានមកដល់ថ្ងៃទី៣១ ខែតុលានេះ ទោះបីជាភ្លៀងធ្លាក់បានថមថយក្តី តែកម្ពស់ទឹកជំនន់នៅតែឡើងខ្ពស់ ដូច្នេះការពិធីបុណ្យស.ពជនរងគ្រោះពិបាកនឹងរៀបចំណាស់ ។ ដោយឡែកក្រុមគ្រួសារមួយនៅក្នុងស្រុក Le Thuy ដែលជន់លិចខ្លាំងក្លាជាងគេ បានរៀបរាប់ប្រាប់សារព័ត៌មាន VN Express ថា ក្រោយពីម្តាយរបស់ពួកគេបានស្លា.ប់ អស់រយៈពេលពីបីថ្ងៃទៅហើយនោះ កូនប្រុសស្រីនៅតែមិនទាន់អាចយកសាកស.ពម្តាយរបស់ខ្លួនទៅបញ្ចុះនៅកន្លែងសម្រាក ចុងក្រោយរបស់គាត់បាននៅឡើយទេ ដោយសារទឹកនៅតែខ្ពស់។
លោក Truong Tan Binh អាយុ៣៨ឆ្នាំ រស់នៅភូមិ Tuy Loc ឃុំ Loc Thuy ស្រុក Le Thuy បានអះអាងថា ផ្ទះរបស់គាត់ត្រូវបានជន់លិចនៅកម្ពស់ជិត២ម៉ែត្រ ដែលតម្រូវឱ្យខ្លួនត្រូវព្យួរមឈូសរបស់ម្តាយដែលស្លា.ប់ក្នុងអាយុ៧៤ឆ្នាំ នៅលើធ្នើឱ្យផុតពីទឹក ហើយពេលដែលសាច់ញាតិ ឬអ្នកភូមិមកចូលរួមរំលែកទុក្ខ គឺពួកគេត្រូវជិះទូកមក ហើយត្រូវឡើងទៅលើដំបូលផ្ទះដើម្បីអុជធូប ព្រោះតែខាងក្នុងផ្ទះលិចទឹកអស់ ហើយដាក់តែមឈូសមួយចង្អៀតសឹងតែដាក់មិនកើតផង ។
លោក Truong Tan Binh និយាយថា ម្តាយរបស់ខ្លួនបានស្លា.ប់ក្នុងពេលដែលភូមិទាំងមូលកំពុងប្រយុទ្ធនឹងទឹកជំនន់ ប៉ុន្តែសំណាងណាស់ មានសាច់ញាតិម្នាក់បានដឹកឈមូសតាមទូកយកមកដាក់ស.ពម្តាយខ្លួន កុំអីពួកគេមិនដឹងថា បានមឈូសមកពីណាទេ បើទឹកទិញអស់បែបនេះ ។
លោក Binh និយាយដោយសោកសៅថា «យើងសង្ឃឹមថា ទឹកនឹងស្រកក្នុងពេលឆាប់ៗ ដូច្នេះយើងអាចដង្ហែស.ពម្តាយយើងនៅទីបញ្ចុះស.ពចម្ងាយ១៦គីឡូម៉ែត្រពីផ្ទះ» ។ ដោយឡែកបងស្រីពីរនាក់របស់ លោក Binh ឈ្មោះ Thi Hap អាយុ៤៩ និង Thi Hai អាយុ៥១ ឆ្នាំ ដែលបានអង្គុយយំក្បែរមឈូសម្តាយបានរៀបរាប់ថា «ឪពុករបស់ពួកយើងបានស្លា.ប់នៅឆ្នាំ២០២០ ដោយសារទឹកជំនន់ជាប្រវត្តិសាស្ត្រ ហើយឆ្នាំនេះម្តាយរបស់យើងក៏បានទទួលមរណៈភាពក្នុងស្ថានភាពស្រដៀងគ្នា ។ ទឹកក្នុងផ្ទះជិតដល់ដំបូល ជើងធូបសម្រាប់បូជាដូនតា ត្រូវលិចទឹកតម្រូវអោយយកទៅដាក់ដំបូល ខណៈដែលផ្ទះត្រូវបានហ៊ុំព័ទ្ធទឹក សំរាម និងរបស់របរប្រើប្រាស់ក្នុងផ្ទះអណ្តែតផ្លូវតែមួយគត់ដែលចូលទៅក្នុងផ្ទះ គឺចូលតាមដំបូលក្បឿង ។ ម្តងម្កាល លោក Binh បានឡើងទៅលើដំបូលសម្លឹងទៅមើលទឹកព័ទ្ធជុំវិញ ដោយអស់សង្ឃឹមទាំងមិនដឹងថា តើពេលណាទើបទឹកស្រក ដែលអាចអោយពួកគេយកស.ពម្តាយទៅកប់បាន» ។
សូមជម្រាបថថា ទឹកជំនន់នៅខេត្ត Quang Binh កំពុងស្រកចុះបន្តិចម្តងៗ ។ កម្ពស់ទឹកទន្លេ Kien Giang នៅស្ថានីយ៍ Le Thuy នៅម៉ោង៧ព្រឹក ថ្ងៃទី៣១ តុលានេះ មានកម្ពស់ ៣ ម៉ែត្រ២៨សង់ទីម៉ែត្រ ដែលវានៅតែលើសកម្ពស់ប្រកាសអាសន្នកម្រិត៣ ដែលធ្វើអោយផ្ទៃដីត្រូវជន់លិចទឹកនៅតែល្ហល្ហែវ ដោយមានផ្ទះសរុប៣២.៨៨០គ្រួសារ នៅស្រុកចំនួន៣បន្តជនលិច ។ គ្រួសារដែលត្រូវបានជម្លៀសជាង១២០០គ្រួសារបានត្រឡប់ទៅផ្ទះវិញ ប៉ុន្តែខេត្តទាំងមូលនៅតែមានជាង ៩១០០គ្រួសារនៅ Le Thuy និង Quang Ninh ដែលកំពុងស្នាក់នៅក្នុងផ្ទះអ្នកជិតខាង និងជម្រកបណ្តោះអាសន្ន។
ទីភ្នាក់ងារឧតុនិយមបានព្យាករណ៍ថា ថ្ងៃទី៣១ តុលាថា ទឹកជំនន់នៅស្រុក Le Thuy និង Quang Ninh ទំនងជានឹងបន្តជន់លិចរយៈពេល២-៣ ថ្ងៃទៀត ។ នេះជាទឹកជំនន់ធំទីពីរក្នុងរយៈពេល៤ឆ្នាំចុងក្រោយ នៅខេត្ត Quang Binh បន្ទាប់ពីទឹកជំនន់នៅខែតុលា ឆ្នាំ ២០២០ ហើយដែលកាលនោះបានធ្វើឱ្យតំបន់ទំនាបទាំងមូលនៃស្រុក Quang Ninh និង Le Thuy ត្រូវបានជន់លិចក្នុងជម្រៅ 2-4 ម៉ែត្រ ក្នុងរយៈពេលជាង១០ថ្ងៃ ដោយបានសម្លា.ប់មនុស្ស២៥នាក់ និងបង្កការខូចខាតសេដ្ឋកិច្ចចំនួន៣៥០០ពាន់លានដុង ៕
ចែករំលែកព័តមាននេះ