រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានលើកឡើងថា ផ្ទៃក្រឡាផ្ទៃដីនៃប្រទេសកម្ពុជាតាមរយៈការវាស់វែងសាកល្បងប្រើបច្ចេកវិទ្យាGPSថ្មី ដែលបានឯកភាពគ្នាដោយមិនទាន់រាប់បញ្ចូលផ្ទៃដីដែនកោះនោះទេ កម្ពុជាមានផ្ទៃក្រឡា១៨១៤៣៦គីឡូម៉េត្រការ៉េ ដែលសបញ្ជាក់ថា…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានលើកឡើងថា ផ្ទៃក្រឡាផ្ទៃដីនៃប្រទេសកម្ពុជាតាមរយៈការវាស់វែងសាកល្បងប្រើបច្ចេកវិទ្យាGPSថ្មី ដែលបានឯកភាពគ្នាដោយមិនទាន់រាប់បញ្ចូលផ្ទៃដីដែនកោះនោះទេ កម្ពុជាមានផ្ទៃក្រឡា១៨១៤៣៦គីឡូម៉េត្រការ៉េ ដែលសបញ្ជាក់ថា មិនត្រឹមតែមិនបាត់ក្រោម១៨១០៣៥ហើយនោះ ថែមទាំងមានការកើនឡើងប្រមាណ៤០០គីឡូម៉ែត្រការ៉េទៀតផង ។
ក្នុងឱកាសអញ្ជើញប្រគល់សញ្ញាបត្រជូនដល់និស្សិតសាកលវិទ្យាល័យភូមិន្ទភ្នំពេញ នៅសាលសន្និបាតកោះពេជ្រ នៅព្រឹកថ្ងៃទី២១ ខែវិច្ឆិកា ឆ្នាំ២០២៤ នេះ សម្ដេចធិបតី ហ៊ុន ម៉ាណែត មានប្រសាសន៍ថា«ក្រោយពីយើងវាស់វែង អានឹងយើងមិនទាន់រៀបចំរាប់ដីកោះ ដីអីផង ហើយមានបងប្អូនខ្លះ ទៅសាក់លើខ្នង១៨១០៣៥គីឡូម៉ែត្រការ៉េ ប្រយ័ត្នត្រូវដូរណា ព្រោះយើងគ្រាន់តែវាស់ឆ្នាំ២០១២ ផ្ទៃក្រឡាដីរបស់យើងឡើង១៨១៤៣៦គីឡូម៉េត្រការ៉េ មិនទាន់រាប់កោះផង មិនមែនបាត់ក្រោម១៨១០៣៥ទេ គ្រាន់តែយើងវាស់សាកល្បងប្រើបច្ចេកវិទ្យា GPS ថ្មី តាមអ្វីដែលយើងបានឯកភាពគ្នា មកដល់ម៉ោងនេះ មិនទាន់រាប់ដីកោះរបស់យើងផងមាន១៨១៤៣៦គីឡូម៉ែត្រការ៉េ កើនជាង៤០០-៣០០គីឡូម៉ែត្រការ៉េទៅហើយ ចឹងអ្នកទៅសាក់១៨១០៣៥ តិចទៀត គួរតែទៅដូរទៅ ចាំពេលយើងចរចាមិនឱ្យបាត់ទេ ហើយ ឯកសារ នេះអត់លាក់លៀមទេ សម្តេចតេជោបានបង្ហោះ ហើយ Copy រាប់បាន់សន្លឹក ចែកពេលដែល សម្តេចបកស្រាយនៅសភា៥ម៉ោងនោះ» ។
យ៉ាងណាក៏ដោយ សម្តេចធិបតីបានបញ្ជាក់ថា ការដែលមិនបានប្រកាសជាផ្លូវការ ដោយសារតែកិច្ចការចរចាព្រំដែននេះ នៅមិនទាន់រួចរាល់នៅឡើយ ពោលស្ថិតក្នុងការចរចាព្រំដែនទឹកបន្ថែមទៀត ។
សម្តេចធិបតីមានប្រសាសន៍បន្ថែមថា៖ «អ្វីដែលយើង២០១២ អ្វីដែលយើងចប់ពីឆ្នាំនោះ វាដល់ប៉ុណ្ណឹងទៅហើយ លើស១៨១០៣៥គីឡូម៉ែត្រការ៉េទៅហើយ នេះជាការពិត ហើយគ្មានអ្វីលាក់លៀមទេ។
សូមជម្រាបថា ការលើកឡើងពីផ្ទៃក្រឡាថ្មីរបស់សម្តេចបវរធិបតីនេះ ធ្វើឡើងបន្ទាប់ពីក្រុមប្រឆាំង បានបន្តបញ្ឆេះកំហឹង និងធ្វើឱ្យពលរដ្ឋភ័ណ្ឌច្រឡំ ជាមួយនឹងរដ្ឋាភិបាលពីមួយទៅមួយ ពោលបន្ទាប់ពីរឿង CLV ចូលដល់រឿងថ្មីៗនេះ លើបញ្ហាដែនកោះជាប់ប្រទេសថៃវិញម្តង គឺកោះគុត ។
ចែករំលែកព័តមាននេះ