ខេត្តស្ទឹងត្រែង ៖ មនុស្សចំនួនពីរនាក់បានស្លាប់ភ្លាមៗនៅនឹងកន្លែងកើត
ហេតុ​ បន្ទាប់ពីជួប​គ្រោះថ្នាក់ចរាចរណ៍រវាងរថយន្តមួយគ្រឿងបុកជាមួយម៉ូតូយ៉ាង​ពេញទំហឹងកាលពីវេលាម៉ោង១១និង២០នាទីព្រឹកថ្ងៃទី២០ ខែវិច្ឆិកា ឆ្នាំ ២០២៤ ស្ថិតនៅភូមិអូរឬស្សី៣ សង្កាត់អូរឬស្សី ក្រុងក្រចេះ ខេត្តក្រចេះ។

តាមប្រភពពីសមត្ថកិច្ចក្រុងក្រចេះអោយដឹងថាមានករណីបង្កដោយរថយន្តម៉ាក Hyundai ពណ៌ខៀវ ពាក់ស្លាកលេខ យ២៥០៨ភព២ក្នុងទិសដៅពីជើងទៅខាងត្បូងដល់ចំណុចកើតហេតុខាងលើ រថយន្តបត់ទៅទិសខាងលិចចូលផ្លូវលំក៏បានបុក បុកនិងម៉ូតូម៉ាកឌ្រីម ពណ៍ខ្មៅ ស៊េរីឆ្នាំ២០១៨ពាក់ស្លាកលេខក្រចេះ ១D.៦៧៧៦ បណ្តាលអោយមនុស្សចំនួន២នាក់ស្លាប់​ភ្លាមៗនៅនិងកន្លែង។

ជនរងគ្រោះក្នុងហេតុការណ៍ខាងលើ ១.ឈ្មោះណេង កុសល ភេទប្រុស អាយុ62ឆ្នាំ (ស្លាប់) អ្នករួមដំណើរឈ្មោះ អ៊ូ មុំ ភេទស្រីអាយុ40ឆ្នាំ(ស្លាប់)សពទាំង២រស់នៅភូមិអូរឬស្សី៣ សង្កាត់អូរឬស្សី ក្រុងក្រចេះ ខេត្តក្រចេះ។

បច្ចុប្បន្នសពទាំងពីរខាងលើត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
ចំណែកភាគីរថយន្តបង្កបើកបរដោយឈ្មោះ ស្នា ទី ភេទប្រុស អាយុ១៨ឆ្នាំ រស់នៅភូមិ១០៥ ឃុំថ្មី ស្រុកចិត្របុរីខេត្តក្រចេះ អ្នករួមដំណើរ ១.ឈ្មោះ ឃឿ សំណាង ភេទប្រុស អាយុ១៤ឆ្នាំ រស់នៅភូមិ១០៥ឃុំថ្មី ស្រុកចិត្តបុត្ររី ខេត្តក្រចេះ២-ឈ្មោះ ស្នែង ខ្ញី ភេទប្រុស អាយុ១៧ឆ្នាំរស់នៅភូមិគោលាប់ ឃុំគោលាប់ស្រុកចិត្តបុត្ររី ខេត្តក្រចេះ។

ក្រោយកើតហេតុសមត្ថកិច្ចបាននាំយកទៅសាកសួរបំភ្លឺនៅអធិការដ្ឋាននគរបាលក្រុងក្រចេះ។ចំណែកម៉ូតូនិងរថយន្តត្រូវបានកម្លាំងជំនាញចរាចរណ៍យកទៅរក្សាទុកនៅអធិការដ្ឋាន
នគរបាលក្រងក្រចេះជាបណ្ដោះអាសន្ន៕