រាជធានីភ្នំពេញ ៖ សួនបាញ់ទឹកសាធារណៈ នៅភ្នំពេញត្រូវបានរដ្ឋបាលរាជធានីភ្នំពេញធ្វើការជួសជុលលៀបថ្នាំ កែលម្អ ផ្លាស់ប្ដូរអំពូលភ្លើង និងប្រពន្ធ័បញ្ជាបាញ់ទឹកស្វ័យប្រវត្តិរួចរាល់ ព្រមទាំងបេីកដំណេីរការ ដេីម្បីអបអរសាទរ ពិធីបុណ្យជាតិធំៗនេះដូចជា…
រាជធានីភ្នំពេញ ៖ សួនបាញ់ទឹកសាធារណៈ នៅភ្នំពេញត្រូវបានរដ្ឋបាលរាជធានីភ្នំពេញធ្វើការជួសជុលលៀបថ្នាំ កែលម្អ ផ្លាស់ប្ដូរអំពូលភ្លើង និងប្រពន្ធ័បញ្ជាបាញ់ទឹកស្វ័យប្រវត្តិរួចរាល់ ព្រមទាំងបេីកដំណេីរការ ដេីម្បីអបអរសាទរ ពិធីបុណ្យជាតិធំៗនេះដូចជា ព្រះរាជពិធីបុណ្យ ខួបលើកទី២០ នៃការគ្រងព្រះបរមសិរីរាជសម្បត្តិ ថ្វាយ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតនៃយេីង បុណ្យឯករាជ្យជាតិ និងព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលនឹងប្រព្រឹត្តិទៅបន្តបន្ទាប់គ្នានាពេលឆាប់ៗខាងមុខនេះ ។
មន្ត្រីរដ្ឋបាលរាជធានីភ្នំពេញបានឱ្យដឹងថាដោយមានការគិតគូរយ៉ាងយកចិត្តទុកដាក់ពី ឯកឧត្ដម ឃួង ស្រេង អភិបាលនៃគណៈរាជធានីភ្នំពេញ បានណែនាំ និងបែងចែកក្រុមការងារមន្ត្រីជំនាញពាក់ព័ន្ធក្រោមឱវាទរដ្ឋបាលរាជធានីភ្នំពេញ ធ្វើការ ជួសជុល តុបតែងកែលម្អ លៀបថ្នាំ និងផ្លាស់ប្តូរអំពូលភ្លើងតួវិមានឯករាជ្យ សួនបាញ់ទឹក វិមានឯករាជ្យ សួនច្បារ សួនកម្សាន្ត សម្រាប់កុមារឱ្យមានសោភណ្ឌស្រស់ស្អាត និងស្រស់បំព្រង ដេីម្បីអបអរសាទរព្រះរាជពិធីបុណ្យ ខួបលើកទី២០ នៃការគ្រងព្រះបរមសិរីរាជសម្បត្តិ ថ្វាយព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុតនៃយេីង ពិធីបុណ្យឯករាជ្យជាតិ និងព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលនឹងប្រព្រឹត្តិទៅបន្តបន្ទាប់គ្នាចាប់ពីពេលនេះតទៅ ។
មន្ត្រីជំនាញដដែរបានឱ្យដឹងទៀតថា ចំពោះការងារជួសជុលកែលម្អ សួនទឹករួមមាន សួនបាញ់ទឹកវិមានឯករាជ្យ សួនបាញ់ទឹកមុខវត្តបទុមវតី សួនបាញ់ទឹកមុខឡឺរ៉ូយ៉ាល់ សួនបាញ់ទឹកនៅសួនកុមារវត្តភ្នំ និងសួននាគបាញ់ទឹក។ លោកបន្តថា ការងារជួសជុលកែលម្អ រួមមាន ដុសខាត់ស្លែលៀបថ្នាំ ជួសជុលផ្លាស់ប្ដូរអំពូលភ្លេីង ក្បាលបាញ់ទឹក ទូរបញ្ជាស្វ័យប្រវត្តិ ប្រពន្ធ័គ្រប់គ្រងភ្លេីង និងឧបករណ៍សម្ភារៈភ្លេីងមួយចំនួនទៀត ដែលមកដល់ពេលនេះ ការងារជួសជុលកែលម្អរួចរាល់ ព្រមទាំងបេីកដំណេីរការ ចាប់ពីថ្ងៃព្រះរាជពិធីបុណ្យ ខួបលើកទី២០ នៃការគ្រងព្រះបរមសិរីរាជសម្បត្តិ ថ្វាយ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុតនៃយេីងនេះតទៅ ៕
ចែករំលែកព័តមាននេះ