ខេត្តកំពត ៖ អាជ្ញាធរខេត្តព្រះសីហនុបានធ្វើការបណ្ដេញជនជាតិវៀតណាមចំនួន៤៦នាក់ ក្នុងនោះ មានស្រី១៦នាក់ ដែលពួកគេទាំងអស់នោះសុទ្ធតែមកស្នាក់នៅធ្វើការដោយខុសច្បាប់និងគ្មានលិខិតឆ្លងដែន ។ គួរបញ្ជាក់ថា ការបណ្ដេញចេញពីខេត្តព្រះសីហនុជនជាតិវៀតណាមទាំង46នាក់ គឺបានដឹកមកដាក់ចុះត្រឹមច្រកទ្វារព្រំដែនអន្តរជាតិព្រែកចាក…
ខេត្តកំពត ៖ អាជ្ញាធរខេត្តព្រះសីហនុបានធ្វើការបណ្ដេញជនជាតិវៀតណាមចំនួន៤៦នាក់ ក្នុងនោះ មានស្រី១៦នាក់ ដែលពួកគេទាំងអស់នោះសុទ្ធតែមកស្នាក់នៅធ្វើការដោយខុសច្បាប់និងគ្មានលិខិតឆ្លងដែន ។
គួរបញ្ជាក់ថា ការបណ្ដេញចេញពីខេត្តព្រះសីហនុជនជាតិវៀតណាមទាំង46នាក់ គឺបានដឹកមកដាក់ចុះត្រឹមច្រកទ្វារព្រំដែនអន្តរជាតិព្រែកចាក កាលពីវេលាម៉ោង១០ព្រឹកថ្ងៃទី០៦ ខែតុលា ឆ្នាំ2024 ដោយមានស្នងការនគរបាលខេត្តកំពត រួមទាំងមន្ត្រីនគរបាលច្រកទ្វារព្រំដែនអន្តរជាតិព្រែកចាក និងមានមន្ត្រីគយ និងរដ្ឋាករព្រែកចាក បានធ្វើការប្រគល់អោយទៅយោធាប៉ុស្តិ៍ហាទៀង ខេត្តគៀនយ៉ាង ប្រទេសវៀតណាម ។
បើតាមការអោយដឹងពីមន្ត្រីមកពីនាយកដ្ឋានអនុវត្តន៍និតិវិធីប្រចាំការនៅខេត្តព្រះសីហនុថា ទាំង46នាក់នេះត្រូវបណ្ដេញពីប្រទេសកម្ពុជារួចហើយបិទសិទ្ធិរយៈពេល3ឆ្នាំ ទៅ5ឆ្នាំ មិនឱ្យពួកគេចូលមកប្រទេសកម្ពុជាបានទៀតទេ ។
ចែករំលែកព័តមាននេះ