ទើបតែសឹកពីព្រះសង្ឃបាន២ខែមកបែកគំនិតធ្វើរឿងបែបនេះ
- ព្រះសីហនុ
ខេត្តព្រះសីហនុ ៖ បុរស២នាក់ ត្រូវបានសមត្ថកិច្ចឃាត់ខ្លួន បន្ទាប់ពីពួកគេបានធ្វើសកម្មភាពរក្សាទុក្ខ និងចែកចាយថ្នាំញៀ.ន ។ សមត្ថកិច្ចបានបញ្ជាក់ថា កាលពីថ្ងៃទី២៣ ខែមិថុនា…
ខេត្តព្រះសីហនុ ៖ បុរស២នាក់ ត្រូវបានសមត្ថកិច្ចឃាត់ខ្លួន បន្ទាប់ពីពួកគេបានធ្វើសកម្មភាពរក្សាទុក្ខ និងចែកចាយថ្នាំញៀ.ន ។
សមត្ថកិច្ចបានបញ្ជាក់ថា កាលពីថ្ងៃទី២៣ ខែមិថុនា ឆ្នាំ២០២៤ វេលាម៉ោង២១និង០០នាទី កម្លាំងអធិការដ្ឋាននគរបាលក្រុងព្រះសីហនុ សហការណ៍ជាមួយកម្លាំងនគរបាលប៉ុស្តិ៍លេខ៣ បានល្បាតតាមភូមិសាស្ត្រស្មុគស្មាញ ស្ថិតនៅចំណុចក្រុម១១ ភូមិ០៣ សង្កាត់០៣ ក្រុង/ខេត្តព្រះសីហនុ ក៏បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីគ្រឿងញៀ.ន ។
ជនសង្ស័យចំនួន០២នាក់ខាលើនេះមានឈ្មោះដូចខាងក្រោម ៖ ១/ជនសង្ស័យឈ្មោះ ហៀង លីហួត ភេទប្រុស ឆ្នាំកំណើត២០០៦ ជនជាតិខ្មែរ មុខរបរមិនពិតប្រាកដ ។ ទីលំនៅបច្ចុប្បន្ន : ភូមិ០៤ សង្កាត់០៤ ក្រុង/ខេត្តព្រះសីហនុ មានស្រុកកំណើត : ស្រុកកំពង់លែង ខេត្តកំពង់ឆ្នាំង ។
២/ជនសង្ស័យឈ្មោះ ដេន សុភាន់ ភេទប្រុស ឆ្នាំកំណើត១៩៨៧ ជនជាតិខ្មែរ មុខរបរ មិនពិតប្រាកដ ។ ទីលំនៅបច្ចុប្បន្ន : ភូមិ០៣ សង្កាត់០៣ ក្រុង/ខេត្តព្រះសីហនុ ។ មានស្រុកកំណើត : ស្រុកឈូក ខេត្តកំពត ទើបសឹកពីព្រះសង្ឃបានចំនួនពីរខែ ។
វត្ថុតាងរួមមាន ១-ម្សៅក្រាមពណ៌ស សង្ស័យជាសារធាតុចំនួន១៤កញ្ចប់ ។ ២-ទូរស័ព្ទដៃចំនួន០៤គ្រឿង ។
បច្ចុប្បន្នជនសង្ស័យខាងលើកំពុងឃាត់ខ្លួន នៅអធិការដ្ឋាននគរបាលក្រុងព្រះសីហនុ ដើម្បីធ្វើការសាកសួរ និងចាត់ការតាមនិតិវិធីបន្ត ៕
ចែករំលែកព័តមាននេះ