ក្រុមហ៊ុនចិនជាង១០ចង់រកស៊ីនៅកម្ពុជា
- ភ្នំពេញ
ក្រុមប្រឹក្សាអភិវឌ្ឍន៍កម្ពុជា បានឲ្យដឹងនៅថ្ងៃទី២១ ខែមិថុនា ឆ្នាំ២០២៤ ថា គណៈ ប្រតិភូក្រុមហ៊ុនចិនចំនួន១១ មកពីទីក្រុងសៀងហៃ នឹងទូហាងចូវ និងខេត្តចេជាង…
ក្រុមប្រឹក្សាអភិវឌ្ឍន៍កម្ពុជា បានឲ្យដឹងនៅថ្ងៃទី២១ ខែមិថុនា ឆ្នាំ២០២៤ ថា គណៈ ប្រតិភូក្រុមហ៊ុនចិនចំនួន១១ មកពីទីក្រុងសៀងហៃ នឹងទូហាងចូវ និងខេត្តចេជាង បានមកសិក្សាឱកាសវិនិយោគក្នុងវិស័យចំនួន៧នៅកម្ពុជា ។
ប្រភពដដែលបានឲ្យដឹងថា គណប្រតិភូក្រុមហ៊ុនចិននេះ គឺបានដឹកនាំដោយ លោក ជូ ចាងជីន ប្រធានក្រុមហ៊ុន ចេជាង អេសអ៊ីហ្សេត ឯ.ក (KOH KONG ZHEJIANG SEZ CO., LTD.) ហើយបានចូលជួប លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជារួមជាមួយសហការី។
ប្រភពដដែលបានបន្តថា អាជីវកម្មដែលក្រុមហ៊ុនទាំងនេះចាប់អារម្មណ៍គឺរួមមានវិស័យសណ្ឋាគារ ថ្នាំពេទ្យ សម្ភារៈវេចខ្ចប់ ឧស្សាហកម្មគីមី អេប៉ុង ផលិតខ្មៅដៃ និងគ្រឿងសង្ហារិម។
នាឱកាសនោះ លោក ជា វុទ្ធី បានជម្រាបជូនគណៈប្រតិភូពីស្ថានភាពវិនិយោគច្បាប់ និងបទបញ្ញត្តិពាក់ព័ន្ធនឹងវិស័យដែលមានសក្តានុពល ការផ្តល់កិច្ចសម្រួលវិនិយោគ និងបានធ្វើការកត់សម្គាល់ពីកំណើនវិនិយោគចិននៅកម្ពុជា។ លោកបានបន្តទៀតថា បន្ថែមពីនេះ ក្រុមប្រឹក្សាអភិវឌ្ឍន៍កម្ពុជាក៏បានរៀបចំឲ្យមានអ្នកទទួលខុសត្រូវខាងទំនាក់ទំនងនឹងចិន (China Desk) សម្រាប់រង់ចាំផ្តល់ការប្រឹក្សា និងកិច្ចសម្រួលនានាជូន វិនិយោគិនចិនផងដែរ។
តាមរបាយការណ៍មួយរបស់ធនាគារជាតិនៃកម្ពុជាបានឲ្យដឹងថា នៅក្នុងរង្វង់៦ឆ្នាំចុងក្រោយចុងក្រោយពោលគឺពីឆ្នាំ២០១៨ ដល់២០២៣ កម្ពុជាទាក់ទាញវិនិយោគទុនពីបរទេសបាន ប្រមាណជា ៤៨,៤ ពាន់លានដុល្លារ នៅក្នុងនោះវិនិយោគទុនចិនមានទុនប្រមាណជា ៤៥,៦ភាគរយ។
ចែករំលែកព័តមាននេះ