ក្រុមហ៊ុន ផលិតគ្រឿងបង្គុំអេឡិចត្រូនិច Minebea Mitsumi ដែលជាក្រុមហ៊ុនយក្សជប៉ុននឹងបង្កើនផលិតកម្ម នៅកម្ពុជាដោយគ្រោងនឹងបើករោងចក្រទី២ បន្ទាប់ពីរាជធានីភ្នំពេញ នៅស្រុកក្រគរ ខេត្តពោធិ៍សាត់ ។…
ក្រុមហ៊ុន ផលិតគ្រឿងបង្គុំអេឡិចត្រូនិច Minebea Mitsumi ដែលជាក្រុមហ៊ុនយក្សជប៉ុននឹងបង្កើនផលិតកម្ម នៅកម្ពុជាដោយគ្រោងនឹងបើករោងចក្រទី២ បន្ទាប់ពីរាជធានីភ្នំពេញ នៅស្រុកក្រគរ ខេត្តពោធិ៍សាត់ ។
លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានបង្កើតអំពីគម្រោងផែនការនេះ កាលពីថ្ងៃទី១៩ ខែមិថុនា ឆ្នាំ២០២៤កន្លងទៅ ។ លោកបានអះអាងថា ក្រុមហ៊ុននេះ គម្រោងនឹងបើកការដ្ឋានកសាងរោងចក្រទីពីរ របស់ខ្លួននៅក្នុងស្រុកក្រគរ នៅពេលឆាប់ៗខាងមុខ ។
លោកបានបន្តថា រោងចក្រនេះ អាចនឹងសាងសង់នៅលើដីមួយកន្លែង ដែលមានទំហំប្រមាណជា៥០ ហិកតា ដោយអាចបង្កើតការងាររាប់ពាន់កន្លែង ។ លោកបានបន្តថា រោងចក្រទីពីរ របស់ក្រុមហ៊ុន Minebea Mitsumi នឹងបើកការដ្ឋានសាងសង់នៅក្នុងរង្វង់ខែកញ្ញា ខាងមុខ ជាមួយនឹងផែនការដកប្រតិបត្តិការផលិតកម្មនៅប្រទេសសិង្ហបុរី ។
ក្រុមហ៊ុនជប៉ុននេះ ត្រូវសម្តេចតេជោ ធ្លាប់ចាត់ទុកថា ជាកូនដែលសម្តេចធ្វើឆ្មបបង្កើត ហើយសម្តេចគាំទ្រដល់ដំណើរការក្រុមហ៊ុននេះ ដើម្បីជាប្រយោជន៍ការរីកចម្រើនសេដ្ឋកិច្ ចនិងផ្តល់ការងារដល់ប្រជាជនកម្ពុជា ៕
ចែករំលែកព័តមាននេះ