ទូរថភ្លើង Kiha-183 ចំនួន៥គ្រឿងបន្ថែមទៀតបានធ្វើតេស្តបើកសាកល្បងពីភ្នំពេញ-ខេត្តព្រះសីហនុ ដោយជោគជ័យ
- ភ្នំពេញ
រាជធានីភ្នំពេញ ៖ ទូរថភ្លើង Kiha-183 ប្រភេទ DMU (Diesel Multiple Unit) ចំនួន៥គ្រឿងបន្ថែមទៀតដែលទើបកែសម្រួលប្រព័ន្ធជើងក្រោម…
រាជធានីភ្នំពេញ ៖ ទូរថភ្លើង Kiha-183 ប្រភេទ DMU (Diesel Multiple Unit) ចំនួន៥គ្រឿងបន្ថែមទៀតដែលទើបកែសម្រួលប្រព័ន្ធជើងក្រោម…
រាជធានីភ្នំពេញ ៖ ទូរថភ្លើង Kiha-183 ប្រភេទ DMU (Diesel Multiple Unit) ចំនួន៥គ្រឿងបន្ថែមទៀតដែលទើបកែសម្រួលប្រព័ន្ធជើងក្រោម និងបច្ចេកទេសរួចរាល់ បានធ្វើតេស្តបើកបរសាកល្បងពីរាជធានីភ្នំពេញ-ខេត្តព្រះសីហនុ ក្នុងល្បឿនចម្លោះពី៥០-៨០គីឡូម៉ែត្រ/ ម៉ោង តាមបទដ្ឋានដែលបានកំណត់ប្រកបដោយជោគជ័យ ។
ការតេស្តបើកបករសាកល្បង នៅថ្ងៃទី២០ ខែមិថុនា ឆ្នាំ២០២៤ ធ្វើឡើងបន្ទាប់ពីទូរថភ្លើងដូចគ្នា ចំនួន៤គ្រឿងផ្សេងទៀតបានធ្វើតេស្ត បើកបរសាកល្បងដោយជោគជ័យទាំងលើផ្លូវភាគខាងត្បូង និងភាគខាងជើង កាលពីពេលថ្មីៗនេះផងដែរ ។
ក្រុមការងារបច្ចេកទេស នាយកដ្ឋានផ្លូវដែកនៃក្រសួងសាធារណការ និងដឹកជញ្ជូន និងក្រុមហ៊ុន Royal Railway Cambodia(RRC) បានយកចិត្តទុកដាក់ចុះពិនិត្យតាមដានដំណើរការធ្វើតេស្តសាកល្បងនេះ បន្ទាប់ពីកែសម្រួលប្រព័ន្ធហ្វ្រាំង និងទទឹងកង់ពី១០៦៧មីលីម៉ែត្រ (ស្តង់ដារផ្លូវដែកជប៉ុន) មក១០០០មីលីម៉ែត្រ (ស្តង់ដារផ្លូវដែកកម្ពុជា) ។
ជាមួយគ្នាផងដែរ ក្រុមការងារបច្ចេកទេសបានពិនិត្យ និងសិក្សារួមគ្នាលើដំណើរការកង់ប្រព័ន្ធហ្វ្រាំង ម៉ាស៊ីនត្រជាក់ ច្រកទ្វារសម្រាប់អ្នកដំណើរច្រកទ្វារសុវត្ថិភាព សម្ភារបរិក្ខា និងការងារផ្សេងៗទៀត ដើម្បីប្រាកថា មានសុវត្ថិភាពខ្ពស់សម្រាប់ដឹកជញ្ជូនអ្នកដំណើរមុននឹងសម្រេចដាក់ឱ្យដំណើរការជាផ្លូវការនាពេលឆាប់ៗដ៏ខ្លីខាងមុខនេះ ។
គួរបញ្ជាក់ថា ពេលដាក់ដំណើរការជាផ្លូវការ Kiha-183 នឹងត្រូវដាក់ឱ្យរត់ដោយបែកចែកជាពីរក្នុងនោះរួមមាន ៖ ១-ផ្លូវរថភ្លើងភាគខាងត្បូង រាជធានីភ្នំពេញ-ខេត្តព្រះសីហនុ អាចរបើកបរបានល្បឿនអតិបរមា៨០គីឡូម៉ែត្រ/ម៉ោង ២- ផ្លូវរថភ្លើងភាគខាងជើង រាជធានីភ្នំពេញ-ក្រុងប៉ោយប៉ែត អាចរបើកបរបានល្បឿនចន្លោះពី ៣០-៥០គីឡូម៉ែត្រ/ម៉ោង ៕
ចែករំលែកព័តមាននេះ