លោកអ្នកដែលមានបំណងទៅលេងនៅប្រទេសអេស្ប៉ាញ ប្រសិនបើធ្វើដំណើរនៅអំឡុងចុងខែមិថុនា ២០១៣ នេះ ប្រាកដជាទទួលបានការសប្បាយរីករាយយ៉ាងខ្លាំងជាមួយនឹងការមើលល្ខោន រាំកម្សាន្តក្នុងពិធីប្រគំតន្ត្រីផ្សេងៗ ។
ទស្សនាវដ្តីមហាគ្រួសារ សូមនាំអារម្មណ៍លោកអ្នកទៅកាន់ពិធីបុណ្យប្រចាំរដូវក្តៅមួយនៅទីក្រុង Basrcelona ប្រទេសអេស្ប៉ាញ
លោកអ្នកដែលមានបំណងទៅលេងនៅប្រទេសអេស្ប៉ាញ ប្រសិនបើធ្វើដំណើរនៅអំឡុងចុងខែមិថុនា ២០១៣ នេះ ប្រាកដជាទទួលបានការសប្បាយរីករាយយ៉ាងខ្លាំងជាមួយនឹងការមើលល្ខោន រាំកម្សាន្តក្នុងពិធីប្រគំតន្ត្រីផ្សេងៗ ។
ទស្សនាវដ្តីមហាគ្រួសារ សូមនាំអារម្មណ៍លោកអ្នកទៅកាន់ពិធីបុណ្យប្រចាំរដូវក្តៅមួយនៅទីក្រុង Basrcelona ប្រទេសអេស្ប៉ាញ ដែលមានដាក់បញ្ចូលកម្មវិធីសប្បាយសម្រាប់ភ្ញៀវទេសចរដូចជា ការសម្តែងល្ខោន ការរាំកម្សាន្ត និងការប្រគំតន្ត្រីនៅទីសាធារណៈស្រស់ឆើតឆាយអមដោយអគារ ផ្លូវ សួនផ្កា នាចុងនិទាឃៈរដូវនេះ ។ ពិធីបុណ្យរដូវក្តៅនេះ ភ្ញៀវទេសចរច្រើនកុះករមានភាពអធិកអធមសប្បាយអឺងកងខ្លាំងណាស់ ដ្បិតនៅពេលរាត្រីអាជ្ញាធររៀបចំឱ្យមានការបាញ់កាំជ្រួចដ៏ស្រស់ស្អាតធ្វើឱ្យស្បៃរាត្រីពោរពេញទៅដោយផ្កាភ្លើងភ្លឺចិញ្ចែងចិញ្ចាចដែលបានប្រព្រឹត្តធ្វើឡើងចាប់ពីថ្ងៃទី១១ មិថុនាដល់ថ្ងៃតី៣១ កក្កដា។
គួរបញ្ជាក់ថា នៅទីក្រុង Barcelona នាពេលថ្មីៗនេះ ពិធីបុណ្យ Sant Joan (បាញ់កាំជ្រួច ច្រៀងរាំនារដូវក្តៅ) បានចាប់ផ្តើមតាំងពីមួយសប្តាហ៍មុនេម៉្លះ ប៉ុន្តែមិនសូវអធិកអធមទេ លុះរំកិលចូលដល់ថ្ងៃរៀបពិធីមែនទែនគេឃើញនៅតាមមហាវិថី និងទីធ្លាសួនទាំងឡាយក្នុងក្រុងណែនណាន់តាន់តាប់ដោយហ្វូងមនុស្ស និងក្លាយជាសំឡេងផាវលាន់ដូចរន្ទះគ្រប់ទិសទីដែលជាពេលវេលាដ៏តក់ស្លុតបំផុតរបស់សត្វឆ្កែទាំងឡាយ ប៉ុន្តែនៅលើអកាសវេហាស៍លំហមេឃព្រោងព្រាតទៅដោយផ្កាភ្លើងនៃកាំជ្រួចគួរឱ្យពិចពិលរមិលរមើល ។
រាត្រីថ្ងៃទី២៣ មិថុនា កន្លងមកនេះ មានបាញ់កាំជ្រួចពាសពេញមេឃលើទីក្រុងទាំងមូល ជាពិសេសតាមបណ្តោយឆ្នេររហូតដល់ក្រុង Dawn ។ នៅក្នុងព្រឹត្តិការណ៍នោះ CAVA ក៏ជាប្រពៃណីនៃពិធីបុណ្យផឹកស្រា, ការរៀបគំនរ Cocacola ជាទម្រង់ផ្ទះល្វែង និងមានការរៀបនំបុ័ងស្រួយជារូបភាពផ្សេងៗជាមួយស្ករគ្រាប់ និងផ្លែឈើគ្រប់មុខ ។ ចំណែកឯរថភ្លើងមេត្រូត្រូវបានអនុញ្ញាតរត់ពេញមួយយប់សម្រាប់ដឹកមនុស្សម្នាដើរកម្សាន្ត… លុះពេលបញ្ចប់ពិធីនេះ ពលរដ្ឋទាំងអស់ត្រូវអនុញ្ញាតឱ្យឈប់សម្រាកពេញមួយថ្ងៃដែលពេលនោះអ្នកអាចសប្បាយម៉ាអស់ដៃ ៕
ចែករំលែកព័តមាននេះ