ពុទ្ធោ! ជំងឺរើឡើង ពូដេញកា.ប់ ក្មួយតដៃវិញ ក្លាយជាសោកនា.ដកម្ម ផ្អើលភូមិ
- កណ្តាល
ខេត្តកណ្តាល ៖ បុរសម្នាក់មានជំងឺសរសៃប្រសាទ បានទាញកាំបិ.តប៉័ងតោដេញកា.ប់ក្មួយប្រុស តែ
ខេត្តកណ្តាល ៖ បុរសម្នាក់មានជំងឺសរសៃប្រសាទ បានទាញកាំបិ.តប៉័ងតោដេញកា.ប់ក្មួយប្រុស តែត្រូវក្មួយការពារខ្លួន កា.ប់តដៃវិញ បណ្តាលឱ្យបុរសជាពូដេកស្លា.ប់ក្នុងថ្លុ.កឈា.មលើផ្លូវបេតុងមួយកន្លែង។
ហេតុការណ៍ខាងលើនេះបង្កអោយមានការភ្ញាក់ផ្អើលកើតឡើងកាលពីវេលាម៉ោង៧និង៣០នាទីយប់ថ្ងៃទី១០ ខែសីហា ឆ្នាំ២០២៣ ស្ថិតក្នុងភូមិជ័យឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល។
បុរសជាពូដែលបាត់បង់ជីវិតខាងលើឈ្មោះ សេក កែវ ភេទប្រុស អាយុ៤០ឆ្នាំ មុខរបរមិនពិតប្រាកដមានប្រពន្ធឈ្មោះ យិម រក្សា អាយុ៣៨ឆ្នាំ មានកូនតូចៗចំនួន៤នាក់ រស់នៅភូមិឃុំកើតហេតុ។ ចំណែកក្មួយឈ្មោះ យ៉ន ជៀម ភេទប្រុស អាយុ២១ឆ្នាំ ។
បើតាមស្ត្រីឈ្មោះ យិម រក្សាបានរៀបរាប់ប្រាប់អ្នកសារព៌តមានអោយដឹងថា ប្តីរបស់គាត់មានជំងឺសរសៃប្រសាទយូណាស់មកហើយ ដោយសារគ្រោះថ្នាក់ចរាចរណ៍ប៉ះពាល់ក្បាលធ្ងន់ធ្ងរ និងមានសំបុត្របញ្ជាក់ចេញពីមន្ទីរពេទ្យមិត្តភាពខ្មែរ-សូវៀត (ពេទ្យរុស្សី) ថែមទៀតផង ហើយប្តីរបស់គាត់បានប្រើប្រាស់ថ្នាំញៀ.នផងដែរ។
ស្ត្រីជាប្រពន្ធបានបន្តថា ដោយសារជីវភាពក្រីក្រ គាត់គ្មានលទ្ធភាពទិញថ្នាំសរសៃប្រសាទអោយប្តីលេបបានទៀងទាត់តាមគ្រូពេទ្យណែនាំនោះទេ ។ ដោយហេតុនេះហើយ ពេលដាច់ថ្នាំ ជំងឺប្តីរបស់គាត់រើឡើងម្តងៗតែងតែរករឿងប្រើអំពើហិ.ង្សាគំរា.មសម្លា.ប់គាត់ និងចង់ដុ.តផ្ទះ រុះរើផ្ទះ ដុ.តបំផ្លាញសម្លៀកបំពាក់គាត់ចោលជារើយៗ តែរូបគាត់ចេះតែនឹកឃើញអាណិតប្តីមិនហ៊ានប្តឹងសមត្ថកិច្ចទេ ព្រោះប្តីតែងតែមកសុំទោសគាត់វិញថា កុំខឹងប្តី ប្តីអត់ដឹងអីនោះទេ។
ស្ត្រីជាប្រពន្ធបានបន្តទៀតថា ប្តីគាត់តែងតែវា.យធ្វើបាបកា.ប់ចា.ក់ក្មួយជាញឹកញ៉ាប់ដែរ តែក្មួយមិនដែលតដៃជាមួយពូទេ ហើយនៅមុនពេលកើតហេតុ ជំងឺសរសៃប្រសាទប្តីបានរើឡើង ធ្វើអោយប្តីគ្រប់គ្រងខ្លួនលែងបានក៏ទាញកាំបិ.តប៉័ងតោកា.ប់ទៅលើក្មួយ បណ្តាលអោយដាច់ម្រាមដៃ ខណ:នោះក្មួយមិនតបតពូទេ សុខចិត្តរត់ចេញពីផ្ទះ តែពូនៅតែដេញតាមកា.ប់ក្មួយរហូតបានចម្ងាយពីផ្ទះប្រមាណ៤០ម៉ែត្រ ប្រហែលជាក្មួយប្រតាយប្រតប់យកបានកាំបិ.ត ហើយកា.ប់ស្រោចតដៃទៅលើពូវិញ ទើបធ្វើអោយពូដេកស្លា.ប់ក្នុងថ្លុកឈាមបែបនេះ ព្រោះយប់ងងឹតហើយ គ្មានអ្នកណាមើលឃើញសកម្មភាពនោះទេ សូម្បីតែអ្នកជិតខាងក៍គេបិទទ្វារចូលផ្ទះដេកអស់ហើយដែរ ស្របពេលនោះឪពុករបស់ឈ្មោះ យ៉ន ជៀម និងឈ្មោះសេក ចិត្ត ត្រូវជាបងប្រុសបង្កើតជនរងគ្រោះ និងក្មួយម្នាក់ទៀតឈ្មោះ យ៉ន ចយ មកពីនេសាទត្រី ក៍បានស្ទុះទៅជួយដែរ តែជាអកុសល់ពេលទៅដល់ជនរងគ្រោះស្លា.ប់បាត់បង់ជីវិតទៅហើយ។
ក្រោយទទួលបានព៌តមានខាងលើនេះភ្លាម កម្លាំងប៉ុស្តិ៍នគរបាលរដ្ឋបាលសំរោងធំសហការជាមួយប្រជាការពារភូមិនិងកម្លាំងនគរបាលនៃអធិការដ្ឋាននគរបាលស្រុកកៀនស្វាយចុះទៅយកខ្សែហំព័ទ្ធ និងដាក់កម្លាំងយាមមួយយប់ដល់ភ្លឺ ។ លុះដល់ព្រឹកឡើងថ្ងៃទី១១ ខែសីហា ឆ្នាំ២០២៣កម្លាំងនគរបាលជំនាញនៃស្នងកស្នងការដ្ឋានខេត្តកណ្តាលបានចុះមកពិនិត្យនិងធ្វើកោសល្យវិច្ច័យស.ពជនរងគ្រោះ និងធ្វើការស្រាវជ្រាវឈានដល់ធ្វើការឃាត់ខ្លួនជនសង្ស័យចំនួន៣នាក់ជាបន្តបន្ទាប់យកទៅសាកសួរនៅអធិការដ្ឋាននគរបាលស្រុកកៀនស្វាយ ។
ជនសង្ស័យទាំង៣នាក់ដែលត្រូវឃាត់ខ្លួនរួមមាន ទី១-ឈ្មោះ សេក ចិត្ត ភេទប្រុស អាយុ៤៦ឆ្នាំ ត្រូវជាបងប្រុសបង្កើតរបស់ជនរងគ្រោះ ទី២-ឈ្មោះយ៉ន ជៀម ភេទប្រុស អាយុ២១ឆ្នាំ ត្រូវជាក្មួយជនរងគ្រោះ បានរងរបួស១ដៃ និងទី៣-ឈ្មោះ យ៉ន ចយ ភេទប្រុស អាយុ១៩ឆ្នាំ ត្រូវជាក្មួយជនរងគ្រោះ។ជនសង្ស័យទាំង៣នាក់មានទីលំនៅភូមិជ័យឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល។
ស្ត្រីជាប្រពន្ធជនរងគ្រោះ និងម្តាយបង្កើតជនរងគ្រោះ សូមសំណូមពរដល់ឯកឧត្តម ឈឿន សុចិត្តស្នងការនគរបាលខេត្តកណ្តាល និងប្រធានសាលាដំបូងខេត្តកណ្តាល សូមមេត្តាកុំដាក់ទោសជនសង្ស័យទាំង៣នាក់នោះអី ជួយដោះលែងអោយពួកគាត់បាននៅក្រៅឃុំទាំង៣នាក់នេះផង ព្រោះសព្វថ្ងៃបន្ទុកក្នុងគ្រួសារបានឈ្មោះ សេក ចិត្តនេះជាអ្នករ៉ាប់រងចិញ្ចឹមទាំងគ្រួសារប្រពន្ធកូនជនរងគ្រោះផងដែរ ព្រោះជនរងគ្រោះមានជំងឺសរសៃប្រសាទនៅដេកតែផ្ទះ រកស៊ីធ្វើអ្វីមិនកើតនោះទេ បើជនរងគ្រោះដែលត្រូវជាកូន និងត្រូវជាប្តីបានស្លា.ប់ទៅហើយ សូមឱ្យវិញ្ញាណក្ខន្ធជនរងគ្រោះទៅបានស្ងប់ផងចុះ៕
ចែករំលែកព័តមាននេះ