អ្នករត់កង់បីម្នាក់ដឹកភ្ញៀវចេញពីកាស៊ីណូ ស្រាប់តែផ្អើលរឿងចាក់សាំងដុ.តយ៉ាងរន្ធ.ត់
- ស្វាយរៀង
ខេត្តស្វាយរៀង ៖ តាមព័ត៌មានបឋមបានឱ្យដឹងថា បុរសជាអ្នករត់កង់បីម្នាក់ កំពុងដឹកភ្ញៀវ២នាក់
ខេត្តស្វាយរៀង ៖ តាមព័ត៌មានបឋមបានឱ្យដឹងថា បុរសជាអ្នករត់កង់បីម្នាក់ កំពុងដឹកភ្ញៀវ២នាក់ចេញពីកាស៊ីណូសុខៗ មិនដឹងថាមានរឿងអ្វីកើតឡើងនោះទេ ស្រាប់តែមានការភ្ញាក់ផ្អើលថាមានករណីចាក់សាំងដុ.តខ្លួនឯង បណ្តាលឱ្យរងរបួសយ៉ាងធ្ងន់ធ្ងរ ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១២យប់រំលងអាធ្រាត្រឈានចូលថ្ងៃទី២៦ ឧសភា ឆ្នាំ២០២៣ នៅចំណុចផ្លូវកំពង់ស្ពាន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ពេលកើតហេតុភ្លាម! ជនរងគ្រោះជាអ្នករត់កង់បីខាងលើ មិនត្រូវបានស្គាល់អត្តសញ្ញាណនោះទេ គ្រាន់តែដឹងថា គាត់មានទីលំនៅក្នុងសង្កាត់បាវិត ក្រុងបាវិត ខេត្តស្វាយរៀង ត្រូវបានសមត្ថកិច្ចហៅរថយន្តសង្គ្រោះដឹកបញ្ជូនទៅមន្ទីរពេទ្យខេត្តស្វាយរៀង ដើម្បីសង្គ្រោះ ប៉ុន្តែដោយសារស្ថានភាពរបួសជនរងគ្រោះធ្ងន់ធ្ងរពេក ក៏ត្រូវបានក្រុមគ្រួសារ និងគ្រូពេទ្យបញ្ជូនបន្តទៅរាជធានីភ្នំពេញភ្លាមៗតែម្តង ។
ទាក់ទិនករណីនេះដែរ សមត្ថកិច្ចកំពុងស្រាវជ្រាវ ហើយជំហ៊ានដំបូងបានដាក់ការសង្ស័យថា ជនរងគ្រោះដុ.តខ្លួនឯងធ្វើអត្តឃា.ត។ ក៏ប៉ុន្តែដោយមានអ្នកខ្លះនិយាយថា ឃើញជនរងគ្រោះដឹកភ្ញៀវចំនួន២នាក់ចេញពីខាងមុខកាស៊ីណូ ហើយស្រាប់តែកើតមានករណីចាក់សាំងដុ.តខ្លួនឯង។ បន្ទាប់ពីទទួលបានព័ត៌មានបែបនេះ សមត្ថកិច្ចក្រុងបាវិតកំពុងធ្វើការអង្កេតស្រាវជ្រាវ ដើម្បីឱ្យដឹងថាតើការពិតជារឿងហេតុអ្វីឱ្យប្រាកដ ។
ទោះជាយ៉ាងណា មិនអាចធ្វើការសាកសួរព័ត៌មានបាននៅឡើយទេ ដោយសារស្ត្រីជាប្រពន្ធបានទៅតាមប្តីដែលជាជនរងគ្រោះទៅមន្ទីរពេទ្យឯរាជធានីភ្នំពេញ ដូច្នេះមានតែរង់ចាំសាកសួរជនរងគ្រោះ និងប្រពន្ធជនរងគ្រោះនៅពេលក្រោយទៀត ។
រហូតមកដល់វេលាម៉ោង២រសៀលថ្ងៃទី២៦ ឧសភា នេះ មិនទាន់ដឹងថា ជាករណីអ្វី ឬបណ្តាលមកពីមូលហេតុអ្វីនៅឡើយទេ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ