ខេត្តរតនគិរី ៖ បើតាមសេចក្តីរាយការណ៍បានឱ្យដឹងថា ជនសង្ស័យចំនួន៣នាក់ត្រូវបានសមត្ថកិច្ចធ្វើការហ៊ុមព័ទ្ធអស់រយៈពេលមួយយប់ រហូតចាប់បានទាំង៣នាក់ ព្រមទាំងដកហូតបានគ្រឿងញៀ.នមួយចំនួន និងអាវុធចំនួន៥ដើមផងដែរ។ ការចុះបង្ក្រាបទ្រង់ទ្រាយធំនេះ សមត្ថិច្ចបានធ្វើឡើងនៅវេលាម៉ោង៨ព្រឹក ថ្ងៃទី០៦ ខែកុម្ភៈ ឆ្នាំ២០២៣ នៅត្រង់ចំណុចខ្ទមចម្ការមួយកន្លែង ស្ថិតក្នុងភូមិសមុទ្រក្រោម ឃុំសេដា ស្រុកលំផាត់ ខេត្តរតនគិរី។
ហើយក្នុងប្រតិបត្តិការបង្ក្រាបខាងលើនោះ ក៏មានការសម្របសម្រួលនីតិវិធីពីតំណាងអយ្យការអមសាលាដំបូងខេត្តផងដែរ។ ហើយតាមការចង្អុលបង្ហាញណែនាំពីលោកឧត្តមសេនីយ៍ត្រី អ៊ុង សុភាព ស្នងការនៃស្នងការដ្ឋាននគរបាលខេត្តរតនគិរី និងលោកឧត្តមសេនីយ៍ត្រី វ៉ា សាវ៉ាត ស្នងការរងទទួលផែនប្រឆាំងបទល្មើសគ្រឿងញៀ.ន។ ករណីបង្ក្រាបខាងលើនេះ បានប្រើប្រាស់កម្លាំងជំនាញប្រឆាំងបទល្មើសគ្រឿងញៀ.ននៃអធិការដ្ឋានស្រុកលំផាត់ សហការជាមួយកម្លាំងនគរបាលប៉ុស្តិ៍រដ្ឋបាលសេដា និងកម្លាំងប្រជាការពារ ដឹកនាំបញ្ជាផ្ទាល់ដោយលោកវរសេនីយ៍ឯក ក្លុល ថើង អធិការនគរបាលស្រុកលំផាត់។
យោងតាមការឱ្យដឹងពីលោកវរសេនីយ៍ឯក ក្លុល ថើង បានឱ្យដឹងថា ជនសង្ស័យជាមេខ្លោងត្រូវបានសមត្ថកិច្ចតាមស៊ើបអង្កេតរយៈពេល២ឆ្នាំមកហើយ រហូតដល់យប់ថ្ងៃទី០៥ ខែកុម្ភៈ ឆ្នាំ២០២៣ កម្លាំងសមត្ថកិច្ចបានប្រើវិធានការជំនាញ ទើបកំណត់មុខសញ្ញាបានច្បាស់។ ដោយពេលនោះយប់ ក្រែងមិនមានសុវត្ថិភាព ទើបសមត្ថកិច្ចបានប្រើប្រាស់កម្លាំងចំនួន២០នាក់ដើម្បីហ៊ុមព័ទ្ធពេញមួយយប់ លុះព្រឹកឡើងម៉ោង៨ព្រឹក ថ្ងៃទី០៦ ខែកម្ភៈ ឆ្នាំ២០២៣ ទើបកម្លាំងសមត្ថកិច្ចសម្រុកចូលចាត់ការតែម្ដង។
ប្រភពដដែលបន្តថា នាឱកាសនោះ ក៏បានឃាត់ខ្លួនជនសង្ស័យចំនួន៣នាក់ ក្នុងនោះមានមេខ្លោងម្នាក់ដែលជាមុខសញ្ញាជួញដូរចែកចាយ និងប្រើប្រាស់ ដែលកម្លាំងជំនាញយើងបានតាមដានរយៈពេល២ឆ្នាំមកហើយ។ ជនសង្ស័យទាំង៣នាក់នេះរួមមាន ៖ ទី១- ឈ្មោះ ពុក ខាំលេន ភេទប្រុស អាយុ២៥ឆ្នាំ ជនជាតិទំពួន មុខរបរកម្មករ។ ទី២-ឈ្មោះ សារ៉ាត សុខ ភេទប្រុស អាយុ២៧ឆ្នាំ ជនជាតិទំពួន មុខរបរកសិករ និងទី៣- ឈ្មោះ ឃួន ឃឹម ភេទប្រុស អាយុ៣៥ ឆ្នាំ ជនជាតិទំពួន មុខរបរធ្វើចម្ការ។ អ្នកទាំង៣ មានទីលំនៅបច្ចុប្បន្ននៅភូមិសមុទ្រក្រោម ស្ថិតក្នុងឃុំសេដា ស្រុកលំផាត់ ខេត្តរតនគិរី។
ប្រភពដដែលបន្តទៀតថា ក្នុងករណីបង្ក្រាបខាងលើនោះ សមត្ថកិចបានដកហូតវត្ថុតាងគ្រឿងញៀ.នចំនួន៤ថង់ ក្នុងនោះមាន ១ថង់ធំ ព្រមទាំងដកហូតអាវុធបានចំនួន៥ដើមទៀត រួមមាន ៖ AK បត់១ដើម, AK ស្វាយវែង១ដើម, គ្រា.ប់ AK ចំនួន៣៤គ្រា.ប់, អាវុធកែច្នៃចំនួន៣ដើម, ផាវគ្រា.ប់បែកចំនួន៥២គ្រា,ប់, គ្រា.ប់កង់ចំនួន៥៤គ្រា.ប់, កាំបិ.តចុងស្រួច ចំនួន៦ដើម និងសម្ភារៈសេពគ្រឿងញៀ.នមួយចំនួនទៀត។
បច្ចុប្បន្ន ជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកលំផាត់ រួមទាំងវត្ថុតាងមួយចំនួនធំ ដើម្បីកសាងសំណុំរឿងបញ្ជូនទៅកាន់អយ្យការអមសាលាដំបូងខេត្ត ចាត់ការបន្តទៅតាមនីតិវិធីច្បាប់៕
ចែករំលែកព័តមាននេះ