រាជធានីភ្នំពេញ ៖ បន្ទាប់ពីមានការណែនាំជាច្រើនដងនៅមិនរាងចាល គណៈបញ្ជាការខណ្ឌពោធិ៍សែនជ័យ ក៏បានចុះដកហូតសម្ភារៈដូចជា តុ ស្រាក្រឡុក ចំនួន៤ទីតាំងយកទៅរក្សាទុកនៅសាលាខណ្ឌពោធិ៍សែនជ័យ បង្កអោយមានការភ្ញាក់ផ្អើលកាលពីវេលាម៉ោង១០និង៣០យប់ ថ្ងៃទី២៥ ខែមករា ឆ្នាំ២០២៣ នៅចំណុចម្តុំអគ្គិសនី ទួលពង្រ ដែលស្ថិតក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានពីចៅសង្កាត់ចោមចៅទី១ បានបញ្ជាក់ប្រាប់ថា ទីតាំងខាងលើនេះ ដោយមានអ្នកលក់ស្រាក្រឡុកជាច្រើនកន្លែង ហើយអាជ្ញាធរមូលដ្ឋានបានចុះណែនាំអោយផ្អាកការលក់ដូរជាច្រើនលើកមកហើយ ហើយទីតាំងខ្លះក៏បានផ្អាកលក់ដូរ និងទីតាំងមួយចំនួនផ្សេងទៀតបានលួចបើកលក់ ដូចជាទីតាំង៤កន្លែងខាងលើ ដែលនៅតែលក់ដូរដដែល ដោយមិនខ្លាចអាជ្ញាធរមូលដ្ឋាននោះទេ ហើយទីតាំងខាងលើតែងតែបង្កហិង្សាជាច្រើនលើកផងដែរ។ ចំណែកទីតាំងខាងលើ គឺនៅខាងក្រោមបង្គោលអគ្គិសនីទៀតផង ដោយខ្លាចឆ្លងចរន្តឆក់បងប្អូនប្រជាពលរដ្ឋដែលមកហូបនៅទីនោះផងដែរ។
លោកបានបន្តទៀតថា ក្នុងករណីខាងលើនេះ គណៈបញ្ជារការខណ្ឌ បានដកហូតយកសម្ភារៈមាន តុមួយចំនួនធំ។ ចំណែករោងលក់ដូរ និងភ្លើងពណ៌វិញ អាជ្ញាធរបានអោយម្ចាស់រោងខាងលើ រុះរើដោយខ្លួនឯង ចាប់ពីថ្ងៃនឹងតទៅ ហើយបើម្ចាស់រោងមិនគោរពតាមបទបញ្ជាទេនោះ គណៈបញ្ជាការខណ្ឌពោធិ៍សែនជ័យ នឹងមានវិធានការណ៍ក្តៅៗជាក់ជាមិនខានឡើយ៕
ចែករំលែកព័តមាននេះ