ខេត្តស្វាយរៀង៖ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង នៅព្រឹកថ្ងៃទី១៣ កញ្ញា ឆ្នាំ២០២២ នេះ បានអញ្ជើញជាអធិបតីនៅក្នុងកិច្ចប្រជុំត្រៀមលក្ខណៈរៀបចំពិធីប្រណាំងទូកឆ្នាំ២០២២…
ខេត្តស្វាយរៀង៖ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង នៅព្រឹកថ្ងៃ
ទី១៣ កញ្ញា ឆ្នាំ២០២២ នេះ បានអញ្ជើញជាអធិបតីនៅក្នុងកិច្ចប្រជុំត្រៀមលក្ខណៈរៀបចំពិធីប្រណាំងទូកឆ្នាំ២០២២ នៅអាងព្រែកទន្លេវ៉ៃគោ ក្រុងស្វាយរៀង ខេត្តស្វាយរៀង ស្ថិតនៅសាលប្រជុំ អគារ«ឃ» ក្នុងសាលាខេត្តស្វាយរៀង។
មានប្រសាសន៍ក្នុងកិច្ចប្រជុំនេះ ឯកឧត្តមម៉ែន វិប៉ុល អភិបាលខេត្តបានណែនាំដល់អនុគណៈកម្មការទាំងអស់ បន្ទាប់ពីកិច្ចប្រជុំនៅថ្ងៃនេះ ត្រូវបន្តចាត់ចែងរៀបចំប្រជុំបែងចែកការងារលម្អិតស្របតាមតួនាទីភារកិច្ចដែលមានកំណត់ក្នុងសេចក្ដីសម្រេចរបស់រដ្ឋបាលខេត្ត ជាពិសេស រៀបចំផែនការ ចំណាយសម្រាប់ អនុគណៈកម្មការនីមួយៗដែលត្រូវប្រើប្រាស់ឲ្យបានច្បាស់លាស់ ដើម្បី
ពន្លឿនលើការងារទាំងនោះ ឲ្យមានប្រសិទ្ធភាពនិងទាន់ពេលវេលា។
សូមជម្រាបជូនថា ពិធីប្រណាំងទូកនៅអាងព្រែកទន្លេវ៉ៃគោឆ្នាំ២០២២នេះ គ្រោងនឹងប្រព្រឹត្តទៅមានរយៈពេល២ថ្ងៃគឺថ្ងៃសៅរ៍ និងអាទិត្យ ទី២៩ –៣០ តុលា ឆ្នាំ២០២២ ។ ទន្ទឹមនោះដែរ ដើម្បីរៀបចំពិធីនេះឲ្យប្រព្រឹត្តទៅដោយរលូនទាន់ពេលវេលា និងបង្កបរិយាកាសជូនបងប្អូនប្រជាពលរដ្ឋបានទស្សនាកម្សាន្តប្រកបដោយភាពសប្បាយរីករាយរដ្ឋបាលខេត្តស្វាយរៀងបានបង្កើតគណៈកម្មការចំនួនមួយអមដោយអនុគណៈកម្មការចំនួន១០ផ្សេងទៀតជា ជំនួយការផងដែរ សូមមហាជនមេត្តាជ្រាប ។
ចែករំលែកព័តមាននេះ