ចាប់ខ្លួនយុវជន៨នាក់ ក្រោយយកពូថៅគប់ទៅលើជនរងគ្រោះ២នាក់កំពុងជិះម៉ូតូលើដងផ្លូវ
- ប៉ៃលិន
រហូតមកដល់ថ្ងៃទី០៨ ខែកញ្ញា ឆ្នាំ២០២២នេះ ជនសង្ស័យចំនួន៨នាក់ ក្នុងចំណោម០៩នាក់ ដែលត្រូវបានតុលាការចោទប្រកាន់ពីបទ
រហូតមកដល់ថ្ងៃទី០៨ ខែកញ្ញា ឆ្នាំ២០២២នេះ ជនសង្ស័យចំនួន៨នាក់ ក្នុងចំណោម០៩នាក់ ដែលត្រូវបានតុលាការចោទប្រកាន់ពីបទ
ខេត្តប៉ៃលិន ៖ រហូតមកដល់ថ្ងៃទី០៨ ខែកញ្ញា ឆ្នាំ២០២២នេះ ជនសង្ស័យចំនួន៨នាក់ ក្នុងចំណោម០៩នាក់ ដែលត្រូវបានតុលាការចោទប្រកាន់ពីបទ «ឃា.តកម្មគិតទុកជាមុន ទៅលើជនរងគ្រោះចំនួន២នាក់ បណ្តាលឱ្យស្លា.ប់ម្នាក់ និងរងរបួសម្នាក់ ព្រមទាំងខូចខាតម៉ូតូ១គ្រឿង ហើយត្រូវបាននគរបាលចាប់ឃាត់ខ្លួន បញ្ជូនទៅដាក់ពន្ធនាគារខេត្តប៉ៃលិនហើយ។
សូមបញ្ជាក់ថា កាលពីវេលាម៉ោង១១និង០០នាទីយប់ ថ្ងៃទី៣០ ខែសីហា ឆ្នាំ២០២២ មានករណីឃា.តកម្មគិតទុកជាមុន នៅចំណុចស្រែប្រាំង ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន បណ្តាលឱ្យមនុស្សម្នាក់បានស្លា.ប់ និងរងរបួសស្រាលម្នាក់ ព្រមទាំងខូចខាតម៉ូតូ០១គ្រឿងយ៉ាងដំណំ ខណៈជនរងគ្រោះកំពុងជិះម៉ូតូឌុបគ្នាសុខៗតាមដងផ្លូវ ក្នុងទិសដៅពីត្បូងទៅជើង ស្រាប់តែត្រូវក្រុមក្មេងទំនើងខាងលើ បានទាញយកពូថៅគប់ពេញទំហឹង បណ្តាលឱ្យត្រូវចំក្បាលរបស់ជនរងគ្រោះស្លា.ប់បាត់បង់ជីវិតតែម្តង និងម្នាក់ទៀតរងរបួស។
ប្រភពព័ត៌មានបានឱ្យដឹងថា ក្រោយនគរបាលទទួលពាក្យបណ្តឹងពីសាច់ញាតិជនរងគ្រោះ ហើយ ដោយមានគោលការណ៍ឯកភាពពីលោកព្រះរាជអាជ្ញា នៃអយ្យការអមសាលាដំបូងខេត្តប៉ៃលិន ខាងនគរបាលព្រហ្មទណ្ឌនៃស្នងការខេត្ត បានបើកការស៊ើបអង្កេត ចុះពិនិត្យជាក់ស្ដែង និងស្តាប់តាមការបំភ្លឺរបស់សាក្សី ដែលមានផ្ទះនៅក្បែរកន្លែងកើតហេតុ រួចសួរនាំដល់ផ្ទះជនរងគ្រោះ (គ្រួសារស.ព) លុះរហូតមកដល់ថៃ្ងទី០៣ ខែកញ្ញា ឆ្នាំ២០២២ សមត្ថកិច្ចបានឈានដល់កំណត់បានមុខសញ្ញា និងបានឃាត់ខ្លួនជនសង្ស័យចំនួន០៨នាក់ ដែលមានឈ្មោះដូចខាងក្រោម ៖
ទី១- ឈ្មោះ ជី ថៃ ភេទប្រុស អាយុ១៧ឆ្នាំ ទី២- ឈ្មោះ វិត ចាន់ ភេទប្រុស អាយុ១៧ឆ្នាំ ទាំងពីរនាក់នេះ រស់នៅភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន ទី៣- ឈ្មោះ ឡូត សាក់កាន ភេទប្រុស អាយុ១៥ឆ្នាំ ទី៤- ឈ្មោះ សូរ សីហា ភេទប្រុស អាយុ១៥ឆ្នាំ ទី៥- ឈ្មោះ ធូ ពិទូ ភេទប្រុស អាយុ១៣ឆ្នាំ ទី៦- ឈ្មោះ ចាន់ឌី សំណាង ភេទប្រុស អាយុ១៧ឆ្នាំ (ជាជនដៃដល់) ទី៧- ឈ្មោះ ជា វិចិត្រ ភេទប្រុស អាយុ១៦ឆ្នាំ និងទី៨- ឈ្មោះ សុខ វណ្ណៈ (ហៅធន) ភេទប្រុស អាយុ២១ឆ្នាំ ទាំង៦នាក់នេះ រស់នៅក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន។
ប្រភពដដែលបញ្ជាក់ថា ៖ ជនសង្ស័យមានបក្សពួករហូតដល់ចំនួន០៩នាក់ តែឃាត់ខ្លួនបានត្រឹមចំនួន០៨នាក់នោះទេ នៅសល់ម្នាក់ទៀតមានឈ្មោះ ភា ភេទប្រុស បានរត់គេចខ្លួន ហើយខណៈពេលនេះសមត្ថកិច្ចកំពុងតែតាមស្រាវជ្រាវ ដើម្បីឃាត់ខ្លួនយកទៅសួរនាំបន្ថែម។
បើតាមចម្លើយសារភាពរបស់ជនសង្ស័យទាំងអស់ខាងលើ បានឱ្យដឹងថា ៖ ពួកគេពិតជាបានពួនស្ទាក់យកពូថៅគប់ទៅលើជនរងគ្រោះពីក្រោយខ្នង បណ្តាលឱ្យស្លា.ប់ម្នាក់នៅនឹងកន្លែងពិតប្រាកដមែន ដោយសារតែការចងគំនុំទំនាស់ពាក្យសម្តីរវាងគ្នានឹងគ្នាកាលពីកន្លងទៅ៕
ចែករំលែកព័តមាននេះ