ខេត្តកំពង់ចាម ៖ មានព្រឹត្តការណ៍គួរឱ្យភ្ញាក់ផ្អើលមួយបានកើតឡើងកាលពីព្រឹកថ្ងៃទី២៨ មករា ២០១៣នេះ ដោយសារការបាញ់ប្រហារពីសំណាក់ក្រុមចោរមិនស្គាល់អត្តសញ្ញាណជិះម៉ូតូ១គ្រឿង បណ្តាលឱ្យស្រ្តីអាជីវករម្នាក់ស្លាប់នៅនឹងកន្លែងនាវេលាម៉ោង៨ និង៣០ព្រឹក ។
តាមព័ត៌មានពីកន្លែងកើតហេតុឱ្យដឹងថា ស្ត្រីរងគ្រោះជាអាជីវករវៀតណាមរកស៊ីលក់ដូរឆ្លងចុះឡើងកម្ពុជា-វៀតណាមតាមច្រកដូង៧ដើម ឃុំដា ស្រុកមេមត់ ។ លុះធ្វើដំណើរមកដល់កន្លែងកើតហេតុ ត្រូវក្រុមចោរស្ទាក់ប្លន់បាញ់បណ្តាលឱ្យស្លាប់ ឯចោរក៏ជិះម៉ូតូគេចខ្លួនតាមផ្លូវជាតិលេខ៧ បាត់ដោយសុវត្ថិភាព ។
សូមបញ្ជក់ថា ក្រុមសមត្ថកិច្ចកំពុងពិនិត្យអត្តសញ្ញាណជនរងគ្រោះ និងស្រាវជ្រាវរកជនដៃដល់ ។ ព័ត៌មានបន្ត អ្នករាយការណ៍ព័ត៌មានកោះសន្តិភាពនឹងជូនដំណឹងបន្ថែមពេលក្រុមសមត្ថកិច្ចមូលដ្ឋានបញ្ចប់ប្រតិបត្តិការងារនាពេលបន្តិចទៀតនេះ ៕
ចែករំលែកព័តមាននេះ